استشاره فى غسيل دورة التبريد

[mmedali1978]

النهارده رحت انظف الريدياتير علشان الميه كانت مصديه ومهببه المهم الراجل قاللى عايز تسلك قولتله ماشى فكه وسلكه وركب وبعدين فضل يزود مياه من الحنفيه علشان بيقولى نغسل الموتور وكان بيزود بنزين جامد جدا لدرجه ان وراء الفتيس كان سخن مولع وحاسس بيه فهل ده غلط ولا ايه ارجوكم الرد وبعدين حط مياه خضراء مصرى وزودها كمان بمياه عاديه وقاللى احنا بنخففها فهل ده عادى برده واستحملونى يا لانسويه واسف للاطاله

نسيت اقول انه خد 65 جنيه كده كتير ولا ايه

يرجى من العضو اختيار عنوان مناسب لموضوعة

مشرف القسم

[samirayad]

نسيت اقول انه خد 65 جنيه كده كتير ولا ايه

هو بيزود سرعه العربيه علشان يسرع من عمل طلمبة المياة لكنس جميع الرواسب الموجوده فى الدوره00000..فده عادى وكويس......وموضوع الميه الخضراء ده (كان مفروض تحط ماء مقطر فقط وبلاش مياه خضراء...ولا مياه من الحنفيه)

[mmedali1978]

طيب اعمل ايه دلزقتى افضى الميا تانى ولا ايه وكل الاخوه هنا بيقولو مياه خضراء

[samirayad]

طيب اعمل ايه دلزقتى افضى الميا تانى ولا ايه وكل الاخوه هنا بيقولو مياه خضراء

مااحنا قولنا الكلام ده قبل كده....وتقريبا كنت حضرتك معانا فى الموضوع.....علشان الميه الخضراء ممكن تتلف الردياتير دلوقتى لأن أكيد فيه نسبة أملاح من الاستعمال القديم للمياه بتاعة الحنفيه.......عموما سيبها على الله....ومتحاولش تحط ميه خضراء تانى وكل ماتعوذ تزود مياه زود ميه مقطره فقط ومش مية حنفيه......وممكن يكون مش حيحصل مشاكل وخلافه للردياتير على أساس ممكن تكون كميه الأملاح قليله.........أما لو كنت موسوس زى حلاتى......فضى الميه الخضراء وحط ميه مقطره

[mmedali1978]

اوكى يا باشا والف شكر

[samirayad]

اوكى يا باشا والف شكر

ربنا يخليك ياباشا ....ويسترها معانا ومعاك

[ahmedezzat78]

الميه المقطره تؤدى الى زياده التأكل و الصدأ
المياه الخضراء بها ماده اثيلين جليكول لرفع درجه الغليان و منع الأكسده و بالتالى الحفاظ على دوره التبريد من التاكل

اكبر دليل على كده ان العربيه الزيرو مش بتنزل بميه مقطره ابدا و لازم تكون خضراء او حمراء

[samirayad]

الميه النقطره تؤدى الى زياده التأكل و الصدأ
المياه الخضراء بها ماده اثيلين جليكول لرفع درجه الغليتن و منع الأكسده و بالتالى الحفاظ على دوره التبريد من التاكل

اكبر دليل على كده ان العربيه الزيرو مش بتنزل بميه مقطره ابدا و لازم تكون خضراء او حمراء

أنا أقصد مياه مقطره خاليه من أى اضافات أو أملاح.......ياريت تبين وجهة نظرك يابشمهندس /أحمد

[ENG\AHMED]

الميه المقطره تؤدى الى زياده التأكل و الصدأ
المياه الخضراء بها ماده اثيلين جليكول لرفع درجه الغليان و منع الأكسده و بالتالى الحفاظ على دوره التبريد من التاكل

اكبر دليل على كده ان العربيه الزيرو مش بتنزل بميه مقطره ابدا و لازم تكون خضراء او حمراء

المية الخضرا عبارة عن مية مقطرة + اثيلين جليكول
فايدة الاثيلين جليكول انة بيرفع من درجة غليان المية وباتالى بيمنع زيادة الضغط جوة دايرة التبريد كمان بيبقى فية اضافات لمنع الصدا والمحافظة على طلمبة المية
والمية المقطرة نسبة الاملاح والشوائب اقل من مية الحنفية

[Strong]

1- أنا اعرف إن الميه الخضراء تمنع الصدأ مش بتزيله فهل ده صحيح ؟
2- المياه المقطرة اللي بتتباع بتكون فيها شوائب (زي تفل شاي ) فهل هتأثر على جودة الميه وتعمل رواسب ؟

[samirayad]

1- أنا اعرف إن الميه الخضراء تمنع الصدأ مش بتزيله فهل ده صحيح ؟
2- المياه المقطرة اللي بتتباع بتكون فيها شوائب (زي تفل شاي ) فهل هتأثر على جودة الميه وتعمل رواسب ؟

أنا بقول لصاحب الموضوع ...كان المفروض مايستعملش مياه خضراء دلوقتى ليه... لأن عنده الردياتير.مازال قديم وفيه أملاح مهما يكون شطفه .....فخايف مع المياه الخضراء اللى فيها الايثيل جليكول يحصل تفاعل مع الأملاح المترسبه فى الردياتير والأملاح دى أكيد لسه موجوده.. يتخرم الردياتير بتاعه....انما طبعا الردياتير لوجديد ....فميه خضراء على طول

[MMamdouh]

يا رجالة واحدة واحدة...

اولا مادة الاثيلين جلايكول مانع للتجمد مش الغليان.... رفع درجة الغليان بيحصل عن طريق رفع الضغط داخل دورة التبريد... و عشان كدة الناس اللى عندها غطاء قربة وحش بتشتكى من ان القربة بتفور و المية بتغلى

الاثلين جلايكول بيقلل درجة التجمد حسب تركيزة فى المية و ممكن يوصل درجة التجمد الى 5 درجات تحت الصفر حسب ما اتذكر

MMamdouh

[MMamdouh]

النهارده رحت انظف الريدياتير علشان الميه كانت مصديه ومهببه المهم الراجل قاللى عايز تسلك قولتله ماشى فكه وسلكه وركب وبعدين فضل يزود مياه من الحنفيه علشان بيقولى نغسل الموتور وكان بيزود بنزين جامد جدا لدرجه ان وراء الفتيس كان سخن مولع وحاسس بيه فهل ده غلط ولا ايه ارجوكم الرد وبعدين حط مياه خضراء مصرى وزودها كمان بمياه عاديه وقاللى احنا بنخففها فهل ده عادى برده واستحملونى يا لانسويه واسف للاطاله

نسيت اقول انه خد 65 جنيه كده كتير ولا ايه

التزويد و كدة عادى لانة بيستغل ضغط الطلمبة فى تنظيف الدورة

65 جنية كتير اوى... الا اذا دة كان شامل تمن المية و بالتالى لازم تقولنا المية بكام و المصنعية بكام

بس حتى كدة تبقى كتير... اصل جركن المية الاسبانى ال5 لتر ب 25 جنية... اكيد المصرى بربع جنية و بالتالى الباقى كلة فى جيب المعلم

المية المصرى دى غالبا مية حنفية محطوط عليها نعناع عشان تبقى لونها اخضر

MMamdouh

[msobhy]

بالمناسبة المياه الخضراء اللى عند ابو الحسن مضرووووووووووبة بشهادة الكل
محمد عبدة
حسن عبدة
حسن التانى اللى مش عارفة اسمه
محمد صبحى اللى اتعمى فى عينة
رحت علشان اجيب ميه خضراء ايديا وملقتش وقالوا ان المية الخضراء السعودى احسن منها قلت ماشى - شكل العبوه زفت وشكلها معموله تحت بير السلم
حتى محمد عبده قال مستحيل تكون ديه سعودى لأنها خفيفة جدا
الحرامية ادونى ميه عليها نعناع من غير الشاى والسكر الكفره - على العموم ربنا يسامحهم

[msobhy]

بالمناسبة اجيب مادة الاثيلين جلايكول الخام منين لو انا عايز اعملها بأيدى