دخان اسود!!!

[ibmtop]

السلام عليكم ورحمة الله وبركاتة

لو سمحتو انا عربيتي لانوس 99 كان عندي مشكلة في المارش وروحت امبارح عند الكهربائي وجبت عمود فية (مش عارف اسمة) المهم بعد ماتصلحتو قلي دور فلقي العربية مبرجلة وبيقلي هيا كدة عايزة تغير بوجيهات وقالي انت المفروض تغير بوجيهات كل شهرين او ثلاثة بالكتير

انا دلوقتي عايز اعرف هيا البوجيهات استهلكها بالكيلومتر ولا بالمدة زي ماقلي مع العلم اني مابخرجش بيها كتير
ثانيا وهو بيشد البنزين لقيت كمية دخان اسود كبيرة طلعت من الشكمان اول مرة عربيتي تطلع الدخان الاسود دة
فقالي لا ماتقلقش دة لانك مابتسحبش بالعربية يعني مابتجريش بيها ودة مخلي الشكمان يخزن الدخان دة انا بصراحة قلقان من موضوع الدخان دة

برجاء افيدوني وساعدوني لاني قلقان علي العربية
وشكرا

[ibmtop]

9 مشاهدات ومفيش حد رد عليا بجد محتاج حد يطمني ويفهمني

[MMamdouh]

محدش بياخد نصيحة ميكانيكية من كهربائى

البوجيهات بتتغير كل 20 الف حسب الكتالوج و لو انت موسوس او بتحب عربيتك تبقى فايقة بتغيرهم بدرى عن كدة بس مش اقل من 10 الاف كيلو

الدخنة السودة معناها بنزين غير كامل الاحتراق... يعنى عندك مشكلة فى الموتور و محتاج ضبط

من الاخر... روح لميكانيكى

MMamdouh

[samirayad]

السلام عليكم ورحمة الله وبركاتة

لو سمحتو انا عربيتي لانوس 99 كان عندي مشكلة في المارش وروحت امبارح عند الكهربائي وجبت عمود فية (مش عارف اسمة) المهم بعد ماتصلحتو قلي دور فلقي العربية مبرجلة وبيقلي هيا كدة عايزة تغير بوجيهات وقالي انت المفروض تغير بوجيهات كل شهرين او ثلاثة بالكتير

انا دلوقتي عايز اعرف هيا البوجيهات استهلكها بالكيلومتر ولا بالمدة زي ماقلي مع العلم اني مابخرجش بيها كتير
ثانيا وهو بيشد البنزين لقيت كمية دخان اسود كبيرة طلعت من الشكمان اول مرة عربيتي تطلع الدخان الاسود دة
فقالي لا ماتقلقش دة لانك مابتسحبش بالعربية يعني مابتجريش بيها ودة مخلي الشكمان يخزن الدخان دة انا بصراحة قلقان من موضوع الدخان دة

برجاء افيدوني وساعدوني لاني قلقان علي العربية
وشكرا

ماهو عدم خروجك بالعربيه كتير ده........هو اللى مخللى الشكمان عندك فيه كربون كتير........أعمل مشوار كويس على الhigh way وأنت حتلاقى الآيه انقلبت والدخان بقه كويس والسحب أحسن.......

[ibmtop]

متشكر جدا علي ردكم

ماهو عدم خروجك بالعربيه كتير ده........هو اللى مخللى الشكمان عندك فيه كربون كتير........أعمل مشوار كويس على الhigh way وأنت حتلاقى الآيه انقلبت والدخان بقه كويس والسحب أحسن.......

ظروف شغلي الي مخلياني مخرجش كتير بالعربية, بس بعد نصيحة حضرتك هبقي اخرج بيها كتير, متعرفش موضوع الدخان الاسود دة كان قلقني قد اية

[Strong]

تأكد من سلامة حساس الشكمان أولا علشان ساعات كتير بيعمل دخان أسود
وتأكد من سلامة الرشاشات تاني حاجة

وطبعا ممكن تلاقي حساس الشكمان سليم كهربائيا لكن عطلان عمليا
بمعنى انك تلاقي لمبة check مش بتنور والحساس بيكون عطلان وبيتعرف من السكانر

[Shiref_mohamed]

ماهو عدم خروجك بالعربيه كتير ده........هو اللى مخللى الشكمان عندك فيه كربون كتير........أعمل مشوار كويس على الhigh way وأنت حتلاقى الآيه انقلبت والدخان بقه كويس والسحب أحسن.......

+111111111111111111111
سفرية كده على السريع هتخلى الدنيا تفوق معاك لأن ركن العربية كتير وقلة استخدامها وكمان استخدامها كتير جوه البلد في الزحمة بيخليها مخنوقة جداً