الحقونى يا جماعة العربية و الله فى الشارع

[dr_sharkawy]

مش عاوز اطول ركنت العربية دايو نوبيرا وكانت مبطلة زى الفل وعندما قمت بتدورها علشان امشى مش عاوز تدور مع ان البطارية مية مية والبنزين فل العربية تلف ومش عاوزة تدور الرجاء النجدة

يرجى من العضو مراعاه صحة كتابة لفظ الجلالة

مشرف القسم

[msobhy]

انت فى الشارع دلوقتى
ابعت رقمك وانا هاحاول اكلمك
لازم توضح ايه المشكلة بالظبط / العربية مش بتعمل اى صوت خالص / صوت المارش شاغل لكن العربية مش بتدور / طرمبة البنزين فاصلة / صوت المارش فيه تعتيل
بلاش الكلام العام وضح الدنيا شوية

[samirayad]

شوف كهربائى فى الأول يراجع على فيوزات دائرة الاشعال...وبرضه على وصلات المارش...وفيوز وريليه طلمبة البنزين....................ومعلش حأسأل سؤال كده على السريع....وأنت بتفتح كونتاكت بتسمع صوت تحضير طلمبة البنزين ولا لا

[dr_sharkawy]

العربية بسمع صوت طلمبة البنزين ومش عاوزة تنطق 0124311727

[msobhy]

تليفونك مشغوووووول

[msobhy]

يا باشا بكلمك وانت حضرتك مش بترد

[msobhy]

(كلامى من خبرتى فى اللانوس)راجع على الجاك اللى داخل للموبينة - راجع على الفيوزيات اللى جنب الباب شوف فيه اى حاجة سايحة -راجع على الفيوزات اللى عند الموتور - الحاجة اللى كل الناس مش بتفكر فيها / عربيتك فيها بنزين ولا لأ
صحيح افتح الكبوت واتأكد ان مفيش ريحة بنزين جوه الكبوت او تحت العربية

[msobhy]

حاجة برضو لو بتفتح كونتاكت والتابلوة بينور - وبتسمع صوت الطرمبة - واول لما تدور كل حاجة بتنطفى يبقى الاوشاط بتاع كابل البطارية مش راكب كويس وعامل حاجة اسمها poor connection

[msobhy]

يا جماعة المشكلة عند الدكتور كالتالى
لما بيدور بيسمع صوت الطرمبة وصوت المارش عالى جدا(بمعنى انه شغال) لكن العربية مش بتدور
العربية مانيوال وهو حاول يقومها زق لكن الموضوع فشل
يعنى العربية مش بتلقط خااااااااااااااااااااااااالص
انا قلت له على جاك الموبينة
هل فيه احتمال ان يكون سير الكاتينة حصله حاجة او سير تانى

[samirayad]

حاجة برضو لو بتفتح كونتاكت والتابلوة بينور - وبتسمع صوت الطرمبة - واول لما تدور كل حاجة بتنطفى يبقى الاوشاط بتاع كابل البطارية مش راكب كويس وعامل حاجة اسمها poor connection

أنا كلمته ياأبو مروان ...وهو دلوقتى بيراجع على القواطيش والفيش كلها

[samirayad]

موضوع سير الكاتينه مستبعد من القصه دى

[samirayad]

أنا كلمت الدكتور مره تانيه....وقلته يحاول حد يزق العربيه...وللأسف مادارتش....واتفقنا ...حيروح يجيب كهربائى....يشوفله البوجيهات واصلها كهرباء ولا لا....يعنى حيدور مارش ويطلع الكابلات كبل كبل ويشوف فيه شراره وصله ولا لا......

لو النقطه دى تمام....حيراجع برضه على كل الفيوزات بدون تحديد وخلاص....

لو الفيوزات طلعت سليمه ..حيشوف فيشه حساس الكرنك لتكون مهزوزه ومبتوديش اشاره لوحدة التحكم لبداية الحريق........وبرضه هيراجع على الضفيره بتاعه الحساس ده لا تكون ساحت وعمله قصر كهربى...

الكلام ده مبدئيا وربنا يسهل مايكونش فيه حاجه كبيره عن كده

[Shiref_mohamed]

الله ينور عليك يا استاذ سمير انتا وابو مروان ربنا يجعله في ميزان حسناتكم

بس ليا سؤال ليه سير الكاتينة مستبعد يا استاذ سمير؟

[samirayad]

الله ينور عليك يا استاذ سمير انتا وابو مروان ربنا يجعله في ميزان حسناتكم

بس ليا سؤال ليه سير الكاتينة مستبعد يا استاذ سمير؟

سير الكاتينه مستبعد....لأن لو قريت كلامه فى البدايه.....حتلقيه بيقول أنه مبطل العربيه تمام التمام....ومفيش مشاكل.....واحتمال 1%...انه يكون انقطع والعربيه على وشك التوقف.......وغالبا سير الكاتينه بينقطع فجائيا وأنت ماشى بالعربيه...وتلاقى العربيه بطلت بدون سابق انذار

[msobhy]

أنا كلمت الدكتور مره تانيه....وقلته يحاول حد يزق العربيه...وللأسف مادارتش....واتفقنا ...حيروح يجيب كهربائى....يشوفله البوجيهات واصلها كهرباء ولا لا....يعنى حيدور مارش ويطلع الكابلات كبل كبل ويشوف فيه شراره وصله ولا لا......

لو النقطه دى تمام....حيراجع برضه على كل الفيوزات بدون تحديد وخلاص....

لو الفيوزات طلعت سليمه ..حيشوف فيشه حساس الكرنك لتكون مهزوزه ومبتوديش اشاره لوحدة التحكم لبداية الحريق........وبرضه هيراجع على الضفيره بتاعه الحساس ده لا تكون ساحت وعمله قصر كهربى...

الكلام ده مبدئيا وربنا يسهل مايكونش فيه حاجه كبيره عن كده

سمير باشا انا قلت له على الموضوع ده (تجربة الشرارة بتاعت الموبينه)بس اعتقد ان الدكتور (زى حالتى) لسه مبتدئ لأنى حسيت انه نسبيا مش مركز فى اللى انا بقوله
ياريت تبقى تطمنا يا دكتور