رجرجة بعد الدوارة صباحا !!

[moby]

هل ممكن يكون عيب فى البوبينة أم هذا شيء مستبعد..

[samirayad]

هل ممكن يكون عيب فى البوبينة أم هذا شيء مستبعد..

ولو أنك مش فاضى لنا....وعلى طول شغال على الKEY BOARD .....موضوع البوبينه ده....مستبعد بالتلاته.................

[Shiref_mohamed]

ولو أنك مش فاضى لنا....وعلى طول شغال على الKEY BOARD .....موضوع البوبينه ده....مستبعد بالتلاته.................

مستبعد بالتلاته ليه بس
فيه احتمال برضه ان يكون في مخرج او اتنين من الموبينة الشرارة بتاعتهم ضعيفة وبتعمل كده معاه والعربية بارده

[samirayad]

مستبعد بالتلاته ليه بس
فيه احتمال برضه ان يكون في مخرج او اتنين من الموبينة الشرارة بتاعتهم ضعيفة وبتعمل كده معاه والعربية بارده

لا ياريس....أنا مصمم أنه مستبعد وبالتلاته برضه..........ازاى........أولا العربيه بدور زى الفل....والرجرجه اللى بتحصل دى قلنا أسبابها المحتمله.......ونظام الحقن الالكترزنى.....ليه ميزه خاصه تانيه غير الحقن العادى.....لأن الشراره بتخرج الى 2 بوجيه فى نفس الوقت(يمكن تكون معلومه جديده للبعض).......وطالما العربيه بدور(وحتى لوبتترجرج بشده)....... فمن المستحيل أن يكون عيب من ملف الاشعال...لان زى ماوضحتلك ياشريف أن الشراره بتروح لغرفتين بناءا على خرج ملف من ملفات البوبينا الداخليه.....ومش من المعقول....حتى لو ملف من الاثنين اللى داخلين فى تصميم البوبينا أتحرق....وبقى فيه واحد بس سليم.....أن العربيه حتشتغل بواحد فقط من بتوع البوبينا....أى أن المحرك حيشتغل بغرفتين فقط

[Shiref_mohamed]

1- موضوع التصميم ده حاجه ترجعلك انا ماليش فيها
2- العربية فعلاً بتدور كويسه وبعد كده بتترج وبعدين بتظبط وفعلا قلنا الأسباب المحتملة
3- النظام اسمه إشعال الكتروني مش حقن الكتروني
4- موضوع ان الشرارة بتخرج لـ 2 بوجيه في نفس الوقت استاذ محمد ممدوح قال عليه من زمان وانا الحقيقة مكنت اعرفه بس عرفته منه
5-انا مقلتش ان الموبينة فيها كويل اتحرق والعربية هتشتغل بـ 2 بستم بس انا قلت ان الموبينة فيها مخرجين ضعفو مش قطعو خالص وديه تفرق .... انا مثلا العبد لله الفقير معايا موبينه فيها الطرفين الى تحت بتوع 1،4 الشرارة الى خارجه منهم ضعيفة جداً (بس مش قاطعه) والشرارة الى خارجه من الطرفين التانيين كويسه وديه لما بركبها في العربية بتعمل نفس العيب الى صاحب الموضوع قال عليه والموبينة موجوده معايا في شنطة العربية وإن شاء الله لو حضرتك شرفتنا المقابلة الجايه هفك الموبينة بتاعتى واركبلك القديمة عشان تشوف العيب وتتأكد
6- مش عارف ايه لزمة رش wd40 على بكرة سلك الأكسراتير الى راكبه على البوابة
وشكراً مع كامل احترامي لحضرتك
وياريت استاذ محمد ممدوح يعقب

[samirayad]

1- موضوع التصميم ده حاجه ترجعلك انا ماليش فيها
2- العربية فعلاً بتدور كويسه وبعد كده بتترج وبعدين بتظبط وفعلا قلنا الأسباب المحتملة
3- النظام اسمه إشعال الكتروني مش حقن الكتروني
4- موضوع ان الشرارة بتخرج لـ 2 بوجيه في نفس الوقت استاذ محمد ممدوح قال عليه من زمان وانا الحقيقة مكنت اعرفه بس عرفته منه
5-انا مقلتش ان الموبينة فيها كويل اتحرق والعربية هتشتغل بـ 2 بستم بس انا قلت ان الموبينة فيها مخرجين ضعفو مش قطعو خالص وديه تفرق .... انا مثلا العبد لله الفقير معايا موبينه فيها الطرفين الى تحت بتوع 1،4 الشرارة الى خارجه منهم ضعيفة جداً (بس مش قاطعه) والشرارة الى خارجه من الطرفين التانيين كويسه وديه لما بركبها في العربية بتعمل نفس العيب الى صاحب الموضوع قال عليه والموبينة موجوده معايا في شنطة العربية وإن شاء الله لو حضرتك شرفتنا المقابلة الجايه هفك الموبينة بتاعتى واركبلك القديمة عشان تشوف العيب وتتأكد
6- مش عارف ايه لزمة رش wd40 على بكرة سلك الأكسراتير الى راكبه على البوابة
وشكراً مع كامل احترامي لحضرتك
وياريت استاذ محمد ممدوح يعقب

الله ينور عليك....لافادتى بالمعلومات القيمه...........

[Shiref_mohamed]

هيا فين المعلومات القيمة ديه انا لسه على قد حالى
انت شكلك كده زعلت

[samirayad]

هيا فين المعلومات القيمة ديه انا لسه على قد حالى
انت شكلك كده زعلت

أنا عمرى ماأزعل منك ياشريف....ولا من أى حد من الزملاء..........دى أراء.....وكل واحد من حقه يقول رأيه......طالما مفيش خروج عن حدود النقاش البناء......والنقاش عامة ....بيبقى فيه آراء صحيحه والعكس........وحتى فى أى مشكله فنيه ....كل عضو من حقه يقول رأيه.....وعلى صاحب المشكله انتقاء الرأى اللى هو مقتنع بيه.......على فكره ...السيارات مش مجال تخصصى.....وأنا مجالى محركات الديزل والمعدات البحريه....نظرا لأننى أعمل بهيئة قناة السويس......وموضوع السيارات ده مجرد هوايه فى المشاركه الفنيه مع الأعضاء

[Shiref_mohamed]

أنا عمرى ماأزعل منك ياشريف....ولا من أى حد من الزملاء..........دى أراء.....وكل واحد من حقه يقول رأيه......طالما مفيش خروج عن حدود النقاش البناء......والنقاش عامة ....بيبقى فيه آراء صحيحه والعكس........وحتى فى أى مشكله فنيه ....كل عضو من حقه يقول رأيه.....وعلى صاحب المشكله انتقاء الرأى اللى هو مقتنع بيه.......على فكره ...السيارات مش مجال تخصصى.....وأنا مجالى محركات الديزل والمعدات البحريه....نظرا لأننى أعمل بهيئة قناة السويس......وموضوع السيارات ده مجرد هوايه فى المشاركه الفنيه مع الأعضاء

انا كمان مهندس اتصالات والسيارات مش تخصصى بس انا بحب جدا ميكانيكا السيارت وكمان بعمل 90% من الشغل الى في العربية بإيدى (ميكانيكا وكهربا) لآنى عندى مكان كويس في الجراج وكمان عندى كمية عده تفتح ورشتين ولاكن المشكله برضه وانا بكتب اى حاجه في المنتدى بكون خايف من ان تكون المعلومة ديه خطأ ويجى واحد خبرته قليلة ياخد المعلومة ديه وينفذها ويحصله مشكله طبعاً هيدعى عليا وعلى المنتدى والكل كليلة

[samirayad]

انا كمان مهندس اتصالات والسيارات مش تخصصى بس انا بحب جدا ميكانيكا السيارت وكمان بعمل 90% من الشغل الى في العربية بإيدى (ميكانيكا وكهربا) لآنى عندى مكان كويس في الجراج وكمان عندى كمية عده تفتح ورشتين ولاكن المشكله برضه وانا بكتب اى حاجه في المنتدى بكون خايف من ان تكون المعلومة ديه خطأ ويجى واحد خبرته قليلة ياخد المعلومة ديه وينفذها ويحصله مشكله طبعاً هيدعى عليا وعلى المنتدى والكل كليلة

ماشى ...ياهندسه...ماأنت حتلاقى اجابه فى وسط كلامى عن اللى أنت خايف منه(يعنى أى صاحب مشكله مش حيعمل الا الرأى اللى هو شايفه منطقى).....و العمليه كلها نقاش واجتهادات....جراحه عامه يعنى ....مش خلاص المريض فى غرفة العمليات......وبرضه مش حسيبك وحجيلك أخد طقم عده من الاثنين اللى عندك دول....علشان يمكن أفتح ورشه على قدى كده.....

[moby]

1- موضوع التصميم ده حاجه ترجعلك انا ماليش فيها
2- العربية فعلاً بتدور كويسه وبعد كده بتترج وبعدين بتظبط وفعلا قلنا الأسباب المحتملة
3- النظام اسمه إشعال الكتروني مش حقن الكتروني
4- موضوع ان الشرارة بتخرج لـ 2 بوجيه في نفس الوقت استاذ محمد ممدوح قال عليه من زمان وانا الحقيقة مكنت اعرفه بس عرفته منه
5-انا مقلتش ان الموبينة فيها كويل اتحرق والعربية هتشتغل بـ 2 بستم بس انا قلت ان الموبينة فيها مخرجين ضعفو مش قطعو خالص وديه تفرق .... انا مثلا العبد لله الفقير معايا موبينه فيها الطرفين الى تحت بتوع 1،4 الشرارة الى خارجه منهم ضعيفة جداً (بس مش قاطعه) والشرارة الى خارجه من الطرفين التانيين كويسه وديه لما بركبها في العربية بتعمل نفس العيب الى صاحب الموضوع قال عليه والموبينة موجوده معايا في شنطة العربية وإن شاء الله لو حضرتك شرفتنا المقابلة الجايه هفك الموبينة بتاعتى واركبلك القديمة عشان تشوف العيب وتتأكد
6- مش عارف ايه لزمة رش wd40 على بكرة سلك الأكسراتير الى راكبه على البوابة
وشكراً مع كامل احترامي لحضرتك
وياريت استاذ محمد ممدوح يعقب

بعد الشكر والتقدير على الرد والأهتمام
ياريت حضرتك توضح لى أكثر كيف توصلت لموضوع ضعف شرارة البوبينة فى سيارتك وما هى الأعراض الأولية لحدوث هذا التلف (أول حاجة شعرت بها فى السيارة) لأنى شاكك فى موضوع البوبينة وخايف أغيرها على الفاضى لأن ثمنها غالى لكن لو حصلت معاك نفس الأعراض فى الأول تبقى هية !! مع العلم السيارة طول النهار عادى ولو أنى بأحس أن السلانسبه فى هزة بسيطة جدا..لأنى حساحس جدا لصوت الموتور (غاوى ميكانيكا) ومرة ثانية متشكر جدا...

[moby]

ياريت نعرف رأى الأستاذ الكبير / محمد ممدوح
وشكرا....
وشكرا....

[M.Elhamy]

كان عندي نفس المشكلة مع نفس البجهات `عيرهم حتتحل المشكلة إن شاء الله

[moby]

كان عندي نفس المشكلة مع نفس البجهات `عيرهم حتتحل المشكلة إن شاء الله

بعد الشكر على الرد
هل حضرتك كنت مركب بوجيهات ايرديوم NGK
وعملت معاك مشاكل ؟؟؟

[M.Elhamy]

yes iradium