مشكلتين في اللانوس مطلوب تشخيص عاجل

[ZALABANY]

السلام عليكم
انا ياجماعه ربنا وفقني لعربيه لانوس2 2000 كوري بس في مشكلتين في العربية لما بتدوس بنزين العربية بتقطع لما كشفت في البنزينه قالولي دي ممكن تكون الموبينه او السلوك هي السبب و هاتحتاج ضبط موتور بس ياتري ممكن العيب ده يكون ايه ولو حصل والموبينه دي اتغيرت سعرها كام
الحاجه التانية
لمبة الزيت منوره مع ان قياس الزيت مظبوط ولنا بدوس بنزين اللمبه بتطفي قالولي برده ان ده ممكن يكون الساعه وممكن تكون الطرمبه بتاعة الزيت ضعيفه وعايزه تتغير ياريت تقولولي برده احتمالات العطل ده ايه ولو حصل وغيرت طرمبة زيت سعرها برده في حدود كام
سامحوني لقلة خبراتي في الدايو انا لسه طالع من 28

[samirayad]

العربيه دى كلها مشاكل وحتلففك كتير على الصنايعيه......أحنا عاوزينك تشترى عربيه علشان تفرح بيها...مش على طول على الصنايعيه......وبعدين أحنا عملنا موضوع قبل كده مع الأخوه وأتضح ان مفيش موديل 2000 كورى

[ZALABANY]

طيب إيه ياجماعه الكلام ده صحيح بس يعني اخد العربون بتاعي وما اخدش العربيه ولا ايه انا مش عارف ومحتار

[samirayad]

هى معروضه عليك بكام...............

[ZALABANY]

42 ياباشا والعربيه من جوا فابريكا حتى الكراسي بتاعتها بحالة الزيرو 4 ازاز كهربا ومرايه كهربا و دركسيون متحرك وعداد rpm حالة الموتور حلوه جدا حواي 80% التكييف شغال العربيه دواخلها مافيهاش خدش من جوا بس راشه بره كلها وماشيه 135 الف مافيهاش غير المشكلتين اللي فوق بس انا خايف العمليه تفتح مني ياريت حد يفيدني انا دافع عربون وهاروح ادفع الفلوس النهارده

[samirayad]

42 ياباشا والعربيه من جوا فابريكا حتى الكراسي بتاعتها بحالة الزيرو 4 ازاز كهربا ومرايه كهربا و دركسيون متحرك وعداد rpm حالة الموتور حلوه جدا حواي 80% التكييف شغال العربيه دواخلها مافيهاش خدش من جوا بس راشه بره كلها وماشيه 135 الف مافيهاش غير المشكلتين اللي فوق بس انا خايف العمليه تفتح مني ياريت حد يفيدني انا دافع عربون وهاروح ادفع الفلوس النهارده

لو عاوز نصيحتى ....خد العربون

[Strong]

لو عاوز نصيحتى ....خد العربون

صح علشان ممكن تدفع فيها كتير علشان تتصلح وممكن تتعب في قطع الغيار أو متكنش موجودة وفي الآخر ممكن تجيب عربية حالتها أحسن بنفس التمن حتى لو لانوس 1
وشوف رأي باقي الأعضاء

[samirayad]

صح علشان ممكن تدفع فيها كتير علشان تتصلح وممكن تتعب في قطع الغيار أو متكنش موجودة وفي الآخر ممكن تجيب عربية حالتها أحسن بنفس التمن حتى لو لانوس 1
وشوف رأي باقي الأعضاء

دا العربيه فيها السبايك بايظه.....وممكن حاجات تانيه فى الكامه وخلافه......داكل ده ولسه مدخلناش فى الكنترول بتاع المحرك......دا أنا بحسب معروضه عليه ب30000 مثلا....وبعد كده....حنفكر معاه يعالج كل مشكله ازاى......ومن طبيعتى أساسا بعتبرنفسى دايما صاحب المشكله....وبفكر فى الصالح....علشان الكلمه أمانه

[thegreatnileman]

لو العيوب اللى فيها دى سهلة الاصلاح كان اللى بيبيعها عملها قبل مايعرضها للبيع علشان يبقى شكلها افضل فى البيع

لا تتم هذه البيعه

[samirayad]

لو العيوب اللى فيها دى سهلة الاصلاح كان اللى بيبيعها عملها قبل مايعرضها للبيع علشان يبقى شكلها افضل فى البيع

لا تتم هذه البيعه

الله ينور عليك.......هوده الكلام.....يالله بقه نصلى الجمعه

[limo]

لو انت استملت العربيه روح لمكانيكى كويس يشوفلك العربيه ويحدد هيه محتاجه ايه بالضبط وبناء عليه احسم قرارك
لو العربيه لسه مع البايع اقترح عليه انك تروح تكشف عليها تانى وبناء عليها برضو احسم قرارك
بس نصيحه بلاش تعتمد اعتماد كلى على تقرير البنزينه علشان الاغلبيه العظمى مش فاهمه حاجه
وياريت برضو حد من الاعضاء هنا فى المنتدى يحدولك ميكانيكى كويس تروح تكشف عنده

[samirayad]

لو انت استملت العربيه روح لمكانيكى كويس يشوفلك العربيه ويحدد هيه محتاجه ايه بالضبط وبناء عليه احسم قرارك
لو العربيه لسه مع البايع اقترح عليه انك تروح تكشف عليها تانى وبناء عليها برضو احسم قرارك
بس نصيحه بلاش تعتمد اعتماد كلى على تقرير البنزينه علشان الاغلبيه العظمى مش فاهمه حاجه
وياريت برضو حد من الاعضاء هنا فى المنتدى يحدولك ميكانيكى كويس تروح تكشف عنده

الأخ /صاحب الموضوع ماقلش أنه أستلم العربيه ولا حاجه.....والا كنا حنفكر معاه بطريقه تانيه....وياريت لو فيه استفسار من صاحب المشكله....بخصوص مأزق فى التعاقد.....يوضح واحنا تحت أمره

[ZALABANY]

خلاص يا جماعه انا كنسلت الشراء بفضل نصائحكم وخسرت ال 500 جنيه العربون ربنا يعوض عليا

[samirayad]

خلاص يا جماعه انا كنسلت الشراء بفضل نصائحكم وخسرت ال 500 جنيه العربون ربنا يعوض عليا

ربنا يعوض عليك....وأنا بتأسف لنقاشى الحاد....بس هدفى مصلحتك مش أكتر

[Akram]

ربنا يوفقك لأحسن منها إن شاء الله ,
وزي ما قولتلك أي عربية محتاجة إتنين يشوفوها ,
سمكري علشان الأساسيات ,
ميكانيكي علشان حالتة الموتور ,

أو توديها لمركز خدمة كويس (مش بنزينة) أو التوكيل نفسه و هما يعملوا تقرير كامل عنها مقابل 100 او 150ج .