كرهت الانوس

[A.samy]

موضوع حصل كرهنى فى الانوس هحكى بالتفصيل وعايز رأيكم
انا شارى العربية من شهروكشفت عليها كويس لانوس 1 موديل 2000
بعد لما جبتها كنت قريت عن بنزين 80 اللى فى المنتدى وتظبيط فيشة الاوكتين المهم ظبط الفيشة وحطيت بنزين 80 المهم العربية حلوة رغم ان صوتها كان عالى شوية
العربية وانا بشتريها الراجل اللى اشترتها منة قالى غير غطا القربة عشان بينفس المهم رحت بنزينة موبيل غسلت دور التبريد وحطيت مياة خضرا موبيل والراجل اللى فى البنزين قالى صلحتلك غطا القربة كان بايظ المهم مشيت بالعربية كانت تمام وبعد يومين لقيت المياة بتنقص فى القربة ولقيت ميا بتخرج من ماسور داخلة على الماتور المهم اشتريت علبة قالى عليه الراجل فى البنزينة زى البودرة بتسد اى خرم فى دورة المياة حطيتها فى القربة وفعلا المياة بطلت تنزل وبعدين وانا فى مشوار لقيت غطا القربة بينفس بخار جامد وانا ماشى رحت راكن وفاتح الغطا ومزود مياة عشان نقصت كل دة وانا مطمن عشان انا عنية على طول على عداد الحرارة وعمرة ماطلع عن النص مشيت بيها شوية وبعديها بيوم لقيت زى مايكن فى تقطيع فى خروج العدم من الشكمان بصيت لقيت دخان خفيف ابيض ونقط مياة بتخرج معاة بصيت على مقاس الزيت لقيتة سليم ومفيش حاجة قلت الاحتياط واجب رحت لميكانيكى قتح الغطا اللى فوق التكيهات اللى بنزود منة الزيت لقى فية زيت عامل زى الطحينة قلى كدة مبدئيا جوان وش السلندر ولما نفتح الماتور هنعرف فى اية تانى طمنونى اية تانى ممكن يكون ونفسى افهم هو ازى تجيب جوان وعداد الحرارة ميرفعش انا مش فاهم هو دة عيب صناعة فى الانوس.

[samirayad]

تسمحلى أرد تانى على أستفسارك....أزاى ممكن تجيب جوان مع أن الحراره معاك ما أرتفعتش.......لأننى مش عاوز أكون بفرض وجهة نظرى بعد الحرب اللى دارت على الموضوع ده فى قسم الورشه..............

عموما لو ماردتش أنت عليا ...مش حأعلق وحسيب غيرى يرد....علشان ماتزهقش منى...............

[A.samy]

انا اللى نفسى اعرف رحت لميكانيكى تانى قلى اكيد زودت مياة والعربية مش دايرة قلتلة اكيد حد تانى غيرى اللى كان سايق بقى مش انا
انا خلاص اتجننت

[abzoabzo]

صاحب العربية اكيد كان مهمل فى تغير الزيت وبعدين اللى بيحصلك ده عادى والراجل قالك من الاول غير الغطاء ده بمالاليم يا معلم

[Hany A Fattah]

انت غيرت الزيت لما اشتريت العربيه ؟
ولو غيرته كان لونه ايه ؟
لان ممكن تكون انت اشترتها كده

[ashgat]

اخى غير الزيت وتاكد من عمل مروحة التبريد اتوماتيكى معنى ارتفاع حرارة المياه لدرجة انها تغلى داخل القربه ويخرج بخار وفتش على جميع الخراطيم اثناء الاداره وخذ الهواء من دورة التبريد على الارجح ان المروحه لاتعمل بصوره منتظمه نتيجة سلك يوصل ويفصل مع التشغيل فتش على دئرة المروحه من عند السرموستات الى الفيشه الرئيسيه الموجوده فى اعلى القربه فى صدر السياره السلك لونه بيج ممكن البنز غير مثبت والطرف الثانى الى علبة الفيوزات الى المروحه عندما تحل هذا الاشكال سينتهى موضوع نقص المياه نتيجة الغليان

[ahmed1981]

طالما جابت طحينة يبقى أقلها جوان وش السلندر
وقد يكون سبب عدم إرتفاع مؤشر الحرارة هو أن ساعة الحرارة بايظة أو طرمبة المياه بايظة
عموماً طالما هتفك حاول تراجع على ساعة الحرارة وعلى طرمبة المياه

[lol656]

تسمحلى أرد تانى على أستفسارك....أزاى ممكن تجيب جوان مع أن الحراره معاك ما أرتفعتش.......لأننى مش عاوز أكون بفرض وجهة نظرى بعد الحرب اللى دارت على الموضوع ده فى قسم الورشه..............

عموما لو ماردتش أنت عليا ...مش حأعلق وحسيب غيرى يرد....علشان ماتزهقش منى...............

فاكر يا بشمهندس سمير لما حكيت حكايتي علي موضوع الثرموستات وان عداد الحرارة مرفعش والعربية جابت جواني اهو حصل تاني

[lol656]

موضوع حصل كرهنى فى الانوس هحكى بالتفصيل وعايز رأيكم
انا شارى العربية من شهروكشفت عليها كويس لانوس 1 موديل 2000
بعد لما جبتها كنت قريت عن بنزين 80 اللى فى المنتدى وتظبيط فيشة الاوكتين المهم ظبط الفيشة وحطيت بنزين 80 المهم العربية حلوة رغم ان صوتها كان عالى شوية
العربية وانا بشتريها الراجل اللى اشترتها منة قالى غير غطا القربة عشان بينفس المهم رحت بنزينة موبيل غسلت دور التبريد وحطيت مياة خضرا موبيل والراجل اللى فى البنزين قالى صلحتلك غطا القربة كان بايظ المهم مشيت بالعربية كانت تمام وبعد يومين لقيت المياة بتنقص فى القربة ولقيت ميا بتخرج من ماسور داخلة على الماتور المهم اشتريت علبة قالى عليه الراجل فى البنزينة زى البودرة بتسد اى خرم فى دورة المياة حطيتها فى القربة وفعلا المياة بطلت تنزل وبعدين وانا فى مشوار لقيت غطا القربة بينفس بخار جامد وانا ماشى رحت راكن وفاتح الغطا ومزود مياة عشان نقصت كل دة وانا مطمن عشان انا عنية على طول على عداد الحرارة وعمرة ماطلع عن النص مشيت بيها شوية وبعديها بيوم لقيت زى مايكن فى تقطيع فى خروج العدم من الشكمان بصيت لقيت دخان خفيف ابيض ونقط مياة بتخرج معاة بصيت على مقاس الزيت لقيتة سليم ومفيش حاجة قلت الاحتياط واجب رحت لميكانيكى قتح الغطا اللى فوق التكيهات اللى بنزود منة الزيت لقى فية زيت عامل زى الطحينة قلى كدة مبدئيا جوان وش السلندر ولما نفتح الماتور هنعرف فى اية تانى طمنونى اية تانى ممكن يكون ونفسى افهم هو ازى تجيب جوان وعداد الحرارة ميرفعش انا مش فاهم هو دة عيب صناعة فى الانوس.

بص يا باشا نفس اللي حصل مع ابن خالتي بالظبط وان شاء الله ميكنش اكتر من جواني وش السلندر
بس نصيحة مني ريح دماغك خالص وخليةه يشيلك الثرموستات كده كده الصيف داخل

[samirayad]

فاكر يا بشمهندس سمير لما حكيت حكايتي علي موضوع الثرموستات وان عداد الحرارة مرفعش والعربية جابت جواني اهو حصل تاني

دا بيكون بسبب أن الرباط بتاع الرأس بدأ يخف شويه....وقوة انفجار غازات الاحتراق هى اللى بتفتح الرأس...وبيحصل تهريب للميه....وعلى حسب الحاله ممكن تطحن الزيت وممكن لا(ياعنى على حسب نسبة التفويت من الجوان)

بص يا باشا نفس اللي حصل مع ابن خالتي بالظبط وان شاء الله ميكنش اكتر من جواني وش السلندر
بس نصيحة مني ريح دماغك خالص وخليةه يشيلك الثرموستات كده كده الصيف داخل

مش حلو موضوع شيل الثرموثتات ده.....لأن ليه آثار مش حلوه على العربيه....والأفضل دايما مراقبة حرارة المحرك

[ahmad--ezzat]

ياريت تخلى الادارة انها تغير موضوعك من
كرهت الانوس ل ........................ كرهت المستعمل
(نصيحة لجميع الاعضاء المستعمل مقرف مهما كشفت ومهما عملت)

[Shiref_mohamed]

اسمحلى عزيزى صاحب الموضوع حضرتك عملت حاجتين غلط وهما ....
1- انك مغيرتش غطا القربة
2- استعمال لبودر بتاع سد ثقوب الردياتير وكان المفروض انك لما تلاقي تسريب تغير الجزء الى بيسرب

[Sherif Khalifa]

يا جماعة مؤشر الحرارة فى الانوس عمرة ما بيعلى عن النص

عن تجربة فى كذا مشكلة متعلقة بالحرارة

ياريت حد يفدنا اذا كان شاف المؤشر بيعلى عن النص

[Mohamed A S]

يا جماعة مؤشر الحرارة فى الانوس عمرة ما بيعلى عن النص

عن تجربة فى كذا مشكلة متعلقة بالحرارة

ياريت حد يفدنا اذا كان شاف المؤشر بيعلى عن النص

أنا حصلت معايه مرتين المؤشر علي عن النص بحاجات بسيطة يعني مش في مكانه الطبيعي:
أول مرة: كانت الميه في القربة ناقصة تحت علمة min وكنت مشغل التكييف في الصيف لقيت المؤشر طلع ركنت واكتشفت ان الميه ناقصه، ودا كان بسبب خرم في القربة غيرتها وماشي الحال.
ثاني مرة: كانت أحد المراوح الفيوز بتاعها باظ ومكنتش شغاله وبرده كنت مشغل التكييف ركنت واكتشفت ان المروحة مش شغاله غيرت الفيوز والدنيا بقت كويسه.
أنا حبيت أعرض الموقفين دول للإجابة على سؤال الأخ شريف خليفه.
وربنا يكون في عون صاحب الموضوع

[Sherif Khalifa]

الى حصل معايا فى المرتين

1- المياة كانت بتفور من القربة نظرا لانسداد فى الردياتير لحد ما المياو خلصت خالص و العربية كانت بتبطل من الحرارة المرتفعة و المؤشر زى العسكرى على النص

2- مشكلة فى دورة المياة برضة و العربية جابت جوان سيليندر اول ما جبت الانوس و المؤشر سابت على موقفة

فى موقف تالت مع النوبيرا ان وصلات السخن الفيبر اتكسرت و المياة كلها اتصفت من المتور و الخسائر جوان سيليندر و المؤشر سابت سبات الحديد على النص