اريد نصائحكم عند شراء شيفروليه لانوس

[mhmdsfwt]

السلام عليكم
انا ان شاء الله نويت على الشيفروليه لانوس 2009
كنت عاوز اعرف منكم ...هل اشتريها من معرض ولا التوكيل
وفين اماكن التوكيل في القاهرة
وهل الاستلام فوري ولا بالحجز
وايه الحاجات اللي اراجع عليها عند استلام السيارة
معلش طولت عليكم
وجزاكم الله حيرا

[samirayad]

أنا حكلم حضرتك عن اللى أعرفه وأقدر أنصحك بيه......

1-وأنت بتشترى قعد ناس كتير فى العربيه على الكنبه الخلفيه....وشوف وضع العربيه.....نازله لتحت كتير ولا الوضع كويس...ده بيتعمل علشان تعرف قوة اليايات الخلفيه

2-حتختبر الأنوار والكاسيت والزجاج والتكييف والمساحات وطلمبه المساحات

3-تطمن على جوانات التقفيل اللى حول الأبواب وخلافه....

4-حتطمن على الأستبن والكوريك وخلافه....

5- حتطمن على مستوى الزيت والبنزين وزيت الباور والميه وهكذا.....دى حاجات بسيطه ولو أفتكرت حاجه تانيه سأعاود التعليق.....ومبروك مقدما....

[mhmdsfwt]

طب بالنسبة لمكان الشراء
هل اجيبها من التوكيل...واماكنه فين
وهل الاستلام فوري

[samirayad]

طب بالنسبة لمكان الشراء
هل اجيبها من التوكيل...واماكنه فين
وهل الاستلام فوري

التوكيل بتحجز عنده وتدفع جزء من قيمة السياره وبتستلم بعد ثلاث شهور تقريبا............أما المعرض حتستلم على طول بس حيبقى أعلى فى المبلغ شويه عن التوكيل......وطبعا فين بتتوقف على مكان اقامتك

[mhmdsfwt]

انا ساكن في القاهرة...منطقة المرج

[ehab4367]

انا اشتريت شفرولية لانوس من 3 ايام وهى زى الفل بس انا اشتريتها من معرض واخدتها فى نفس اليوم ورالحمد للة رخصتها فى نفس اليوم
دفعت70000
و1600 للرخصة والاكسسوارات

[mhmdsfwt]

انا اشتريت شفرولية لانوس من 3 ايام وهى زى الفل بس انا اشتريتها من معرض واخدتها فى نفس اليوم ورالحمد للة رخصتها فى نفس اليوم
دفعت70000
و1600 للرخصة والاكسسوارات

الف مبروك....وربنا يحفظهالك
ممكن اعلرف اشترتها منين
وهل كل الالوان موجوده

[emaddamin]

السلام عليكم ورحمة الله وبركاته

على بركة الله مبرووووووك مقدماً

[mhmdsfwt]

اللانوس سعرها نزل فعلا بقت ب 69000 وده سعر الوكيل