التكييف وسنينه

[ElKattan]

يا جماعة أنا كل صيف باشحن التكييف ثلاث مرات عالأقل كل ما اشحنه يبقى تلاجه وامشي بيه بتاع شهر وبعدين الفريون يسرب
فياريت لو حد يعرف واحد بتاع تكييف من الاخر يوصفهولى بغض النظر عن مكانه هاروح له ان شاء الله
بس انا عايز واحد عقر يعرف المشكلة فين مش مجرد يشحنه والسلام
وياريت يكون مجرب مش عالسمع يعني
جزاكم الله خيرا

[ibmtop]

انا برضة عندي نفس المشكلة واخر واحد قالي انت محتاج بلف مرضتش اعمل حاجة الا لما الاقي واحد كويس وفاهم منين المشكلة بالظبط

[Sherif Khalifa]

لازم الكشف على التسريب بشحن التكيف هواء عادى و الكشف علية بتمريرماء و الصابون قبل شحن الفريون
مفروض ورش التكيف يعمل كدة من نفسة

بالنسبة للبلف ممكن فعلا يكون السبب فى التسريب و بيتغير بى 25 جم + غطاء بحوالى 5 جم

[msobhy]

هو شحن الفريون بيكون بكام تقريبا
وبالمناسبة بتوع التكييف هيجونى النهاردة علشان الصيانة ينفع انهم هما اللى يشحنوه ونوفر تمن الشحن
بالمناسبة انا التكييف شغال عندى بنسبة بروده 40% فقط من العادى والغريبة ان مطنش ومش عايز اعمله
ياريت ترشحوا حد كويس للموضوع ده

[حماده المصري]

زي ما قال شريف طبعا

وزود على كده المعلومه دي
في عربيات كتير بتبقى الفلتر بس عايز يتنضف وهما يقولك لا نشحن ويقوم منضف الفلتر عشان يكسب

عموما الفلتر من الاسباب الرئيسيه الي بتضعف قوه التكييف
لكن مادام التكييف بيبرد يبقى كويس
والفلتر لازم يتنضف كل فتره مش كبيره يعني كل شهرين مثلا
والشهر التالت تقوم مغييره
انا كان بيحصل معايا كده بس قولت له في مره لا انا هغير الفلتر بس مش هشحن وطلعت زي الفل فعلا

وعامه انت لو في الهرم او حته قريبه قولي وانا اودييك عند واحد زي الفل ومش غالي وامييين كمان

[human]

التكييف مقرف
انا قاعدت عليه مع الصنايعيه حوالى شهر قبل كده لغايه ماتظبط و دلوقتى داخل فى السنه التالته من غير ما حد يلمسه

[ElKattan]

لازم الكشف على التسريب بشحن التكيف هواء عادى و الكشف علية بتمريرماء و الصابون قبل شحن الفريون
مفروض ورش التكيف يعمل كدة من نفسة

بالنسبة للبلف ممكن فعلا يكون السبب فى التسريب و بيتغير بى 25 جم + غطاء بحوالى 5 جم

أنا طبعا عديت بالمراحل دي كتير
كشف بالصابون وتغيير أويل سيلات وبالفات وبالف كومبريسور
بس أنا شايف ان موضوع الصابون ده فاشل والدليل ان الكشف بالصابون عندي مابييظهرش اى مشاكل ومع ذلك بتسرب والسبب فى ذلك ان فيه وحدات جوه الطبلوه مش باينة ممكن تكون السبب
أنا أسمع ان فيه كشف بالصبغة حد سمع عن صنايعي بيستخدمه؟
من الاخر عايز صنايعي جاااااامد

[Sherif Khalifa]

زي ما قال شريف طبعا

وزود على كده المعلومه دي
في عربيات كتير بتبقى الفلتر بس عايز يتنضف وهما يقولك لا نشحن ويقوم منضف الفلتر عشان يكسب

عموما الفلتر من الاسباب الرئيسيه الي بتضعف قوه التكييف
لكن مادام التكييف بيبرد يبقى كويس
والفلتر لازم يتنضف كل فتره مش كبيره يعني كل شهرين مثلا
والشهر التالت تقوم مغييره
انا كان بيحصل معايا كده بس قولت له في مره لا انا هغير الفلتر بس مش هشحن وطلعت زي الفل فعلا

وعامه انت لو في الهرم او حته قريبه قولي وانا اودييك عند واحد زي الفل ومش غالي وامييين كمان

الانوس مفهاش فلتر
الا اذا كان الكلام على نوبيرا

[Sherif Khalifa]

التكييف مقرف
انا قاعدت عليه مع الصنايعيه حوالى شهر قبل كده لغايه ماتظبط و دلوقتى داخل فى السنه التالته من غير ما حد يلمسه

حاجة تبسط طبعا ان نعرف ان مشكلتك مع التكيف اتصلحت بعد معاناة

بس ياريت تكون الردود اكثر افادة من كدة
بمعنى تعرفنا كانت اية المشكلة الى قعد تصلح فيها شهر
و حلتها ازاى

[KoDaK_Gti]

انا اول لما اشتريت العربية كان التكييف مبيجبش هوا ساقع
كان الفلتر(الفلتر اللى جمب الردياتير) بتاعه بيسرب وكان فيه صباع كده الكترونى كان بايظ وكان عاوز شحن
التكلفة 350 جنيه كله
جبت فلتر جديد كان ب 110 تقريبا
والالكترونى ب 90 جنيه
وشحن 150 جنيه
المحل ده فى شارع العشرين عندنا فى فيصل

[human]

حاجة تبسط طبعا ان نعرف ان مشكلتك مع التكيف اتصلحت بعد معاناة

بس ياريت تكون الردود اكثر افادة من كدة
بمعنى تعرفنا كانت اية المشكلة الى قعد تصلح فيها شهر
و حلتها ازاى

عندك حق انا قعدت اضحك لما قريت اللى كاتبه
اليوم متعب فى الشغل شويه و ميت حاجه فى نفس الوقت

بس يا سيدى
1- الفريون يقل كل شويه و التكييف يتعب و اروح اشحن و برضه يبقى حلو و يخلص
طلعت حاجه فى الكومبروسور
غيرته و قعد كام يوم و برضه رجع وحش
الراجل غيرهولى تانى
و الشحن فضى على طول بعد اسبوع
قاعدو يشوفوا و قالولى لا هو كويس بس فيه تسريب
فضلوا ماشيين وراه لغايه مالقوه فين
و فكو السربنتيه ونضفوا كل حاجه و قفلوا
الكلام ده من 3 سنين و الحمد لله انا بشغل التكييف طول فتره الصيف مش بقفله ابدا و عمره ماشتكى
والعربيه بعتها لواحد صاحبى و لسه كويس

الصنايعى ده فى الحرفيين
مقرف جدا فى مواعيده و لازم تقعد فوق دماغه (فيه قهو قدامه عشان لو زهقت) و الموضوع خد وقت محترم
بس فى الاخر مبسوط
ز عربه والدى ووالدتى و صحابى بيعملوا عنده برضه

[kh_talaat]

انت لو في الهرم او حته قريبه قولي وانا اودييك عند واحد زي الفل ومش غالي وامييين كمان

أستاذ حمادة أنا من سكان الهرم وعندي مشكله في التكييف وكنت محتاج واحد يكون أمين وشغله مضمون يا ريت توصفلي الصنايعي ده فين في الهرم

[Shiref_mohamed]

طيب ماتشوفو المراكبى في شارع جسر السويس امام فندق السلام ناس شكرت فيه كتير

[ElKattan]

زي ما قال شريف طبعا

وزود على كده المعلومه دي
في عربيات كتير بتبقى الفلتر بس عايز يتنضف وهما يقولك لا نشحن ويقوم منضف الفلتر عشان يكسب

عموما الفلتر من الاسباب الرئيسيه الي بتضعف قوه التكييف
لكن مادام التكييف بيبرد يبقى كويس
والفلتر لازم يتنضف كل فتره مش كبيره يعني كل شهرين مثلا
والشهر التالت تقوم مغييره
انا كان بيحصل معايا كده بس قولت له في مره لا انا هغير الفلتر بس مش هشحن وطلعت زي الفل فعلا

وعامه انت لو في الهرم او حته قريبه قولي وانا اودييك عند واحد زي الفل ومش غالي وامييين كمان

شغال يا باشا بس أهم حاجة يكون تمام

[ElKattan]

طيب ماتشوفو المراكبى في شارع جسر السويس امام فندق السلام ناس شكرت فيه كتير

وفيه ناس اشتكت منه برضه
تقريبا عنده شغل كتير فمش مركز قوي