اين العطل ارجو الاجابة من الاخوة خبراء وعشاق النوبيرا

[toshipa]

الاخوة الكرام خبراء النوبيرا
لدى نوبيرا موديل 2001 وهى معى من اربعة اعوام
وماشية 80 الف كم بدون مشاكل والحمد لله
ولى تساؤل الى الاخوة
1- لاحظت ان الكبس الخارج من الشكمان من الخلف ضعيف بالمقارنة باللانوس حيث اننى عندما كنت اضع يدى على الشكمان فى اللانوس كان ضغط الهواء قوى
ارجو معرفة السبب ام ان النوبيرا كلها كده وانا ماكنتش واخد بالى
2- اشعر بخشونة فى السيارة بالمقارنة مع اللانوس التى كانت معى قبلها
هل يوجد عيب ام ان النوبيرا كده
3- عملت شغل فى العفشه وغيرت جلب مقصات ولم اشعر بفرق فى العفشة كما كنت اظن حيث الخبط مستمر فى الطرق الغير ممهدة فقط اما فى الطريق المستوى لايوجد خبط ولا رزع
ونفس السؤال هل هى كده ام يوجد حل
4- لم اغير بلى العجل هل ممكن يكون هو السبب فى الخشونة ام لا علما باننى سأ لت الميكانيكى قال البلى كويس فلماذا الخشونة
اسف للاطالة وارجو الرد

[samirayad]

الاخوة الكرام خبراء النوبيرا
لدى نوبيرا موديل 2001 وهى معى من اربعة اعوام
وماشية 80 الف كم بدون مشاكل والحمد لله
ولى تساؤل الى الاخوة
1- لاحظت ان الكبس الخارج من الشكمان من الخلف ضعيف بالمقارنة باللانوس حيث اننى عندما كنت اضع يدى على الشكمان فى اللانوس كان ضغط الهواء قوى
ارجو معرفة السبب ام ان النوبيرا كلها كده وانا ماكنتش واخد بالى ممكن يكون فيه كربون بعلب الشكمان عامل سدد بسيط فى طريق العادم......وممكن تكون علبة البيئه هى اللى بها سدد وعامله الموضوع ده...........
2- اشعر بخشونة فى السيارة بالمقارنة مع اللانوس التى كانت معى قبلها
هل يوجد عيب ام ان النوبيرا كده مفيش لا خشونه ولا حاجه فى النوبيرا.....والسبب جاى فى الطريق
3- عملت شغل فى العفشه وغيرت جلب مقصات ولم اشعر بفرق فى العفشة كما كنت اظن حيث الخبط مستمر فى الطرق الغير ممهدة فقط اما فى الطريق المستوى لايوجد خبط ولا رزع
ونفس السؤال هل هى كده ام يوجد حل لا هيا مش كده ممكن يكون شغل الجلب اللى أتعمل مش كويس....والمفروض كان يتم تغيير المقصات بالنوع اللى الكل بيشكر فيه وهو الأسبانى...ومعروف وبيستخدم للنوبيرا
4- لم اغير بلى العجل هل ممكن يكون هو السبب فى الخشونة ام لا علما باننى سأ لت الميكانيكى قال البلى كويس فلماذا الخشونة فى الغالب حتكون الخشونه من النقطه دى....وياريت تروح ترصص وأنت حتشوف صوت البلى وحالته ساعة الترصيص
اسف للاطالة وارجو الرد

أتمنى أن أكون قدمت أفاده.....ولا شكر على واجب.........تقبل تحياتى

[toshipa]

شكرا علي الرد و سوف اقوم بمراجعه هذه المعلومات القيمه ولكنني اريد ان اعرف مكان ميكانيكي كويس يكون في الجيزه او في الهرم يكون فاهم في النوبيرا

وشكرا للمنتدي

[Sherif Khalifa]

فى شغل الميكانيكا محمد عبدة فى شارع العشرين بعد بنزينة كلتيكس بى 600 متر هتلاقى محل حلوانى على الشمال هوا فى الشارع الدايق دا

و فى عفشجى اكثر من ممتاز

فى شارع خاتم المرسالين عند قاعة سيد درويش ادخل يمين (دا فى حالة و انت فى اتجاة الجيزة) و امشى شوية هتلاقيه على اليمين
اسمة الاسطى عيد

و لا تتعجب من الى هيشتغل فى العربية
صبى عندة سنة 16 سنة بس حافظ عفشة الدايو مسمار مسمار و اسرع واحد شفتة فى فك و تركيب المساعدين ايام الانوس