ارجو المساعدة مشكلة في حساس الشكمان

[n_nabil76]

اليومين دول لقيت دخنة في العربية مش هطول عليكو المهم طلع حساس شكمان بعد لما كشفت عليها بالجهاز في مركز معتمد من هونداي ودايو انا مغير حساس الشكمان من قريب تقريبا في شهر 11 الي فات وكان سعرة 275 جنية وسعرة في التوكيل النهردة 350
المهم دلوقتي في حاجة ممكن تبوظ حساس الشكمان مع العلم اني مغير الرشاشات بردو ومركب هيونداي استسراد

اكرر السوال تاني ايه الي يخلي حساس الشكمان يبوظ وانا لسة مغيرة والمفروض انه اصلي؟

[samirayad]

أنا عملت موضوع على قدر ما أستطعت وكنت متعجل شويه عن حساس الشكمان (الأكسجين).....أقراه الأول وشوف ملابساته وأبقى علق برضه على وجهة نظرك لو فيه أستفسار http://www.nilemotors.net/Nile/showthread.php?t=60684

[n_nabil76]

اولا بشكرك يا استاذ سمير على ردك ومساعدتك وعلى موضوعك كمان به معلومات قيمة جدا وننتظر منك المزيد
انا رحت للميكانيكي كان معايا حساس الشكمان القديم وفكيت الي كان راكب واكتشفت المفاجأة ان حساس الشكمان مش كامل يعني الصباع الي جوة الفرن مش موجود متستغربش وتسالني ايه السبب انا نفسي معرفش على العموم انا ركبت القديم والعربيه تحت التجربة وشكرا على مساعدتك

[n_nabil76]

يا ريت يا جماعة الي يعرف معلومة في الموضوع دة يكتبها :
ايه الي يخلي حساس الشكمان يبوظ ؟ عموما
ايه الي يخلي حساس الشكمان لما افكة من مكانة الاقي الصباع مش موجود هل تأكل من السخونة مثلا ؟ انا مش مقتنع بالموضوع دة .....
هل ممكن يكون اتكسر وهم بيركبة ؟ بردو انا مش مقتنع بالموضوع ده
الي عندو معلومة يقول
اشكركم

[MMamdouh]

اللى يبوظ حساس الشكمان هو استعمال بنزين معالج بالرصاص... او طبعا انتهاء عمرة الافتراضى

MMamdouh

[Mohamed A S]

معلش معلوماتي على أدي .. أنا أعرف أن مكان حساس الشكمان في أول الفرن بتاع الشكمان، معنى كده أنه غير مرئي والواحد لازم يفك الفرن علشان يشوفه ويكشف عليه، وألا ممكن يتشاف ويتفك عادي ويتكشف عليه. أنا بسأل على الموضوع دا علشان أن فعلاً ظهرت عندي حاجة جديدة وهيه دخنه بس مش جامدة وريحه بنزين ني خارجة من الشكمان. فيمكن يكون السبب برده من حساس الأكسجين. وشكراً مقدماً على الإفادة.

[MMamdouh]

حتى لو فكيت الحساس مش حتعرف توصل لحاجة... القصة محتاجة سكانر

MMamdouh

[Mohamed A S]

حتى لو فكيت الحساس مش حتعرف توصل لحاجة... القصة محتاجة سكانر

MMamdouh

أنا كنت بقصد يتكشف عليه ظاهرياً يعني متوصل كويس، الصباع موجود والا طاير زي بتاع الزميل صاحب الموضوع. لكن أكيد موضوع الاسكانر دا لازم يتعمل علشان نشوفه شغال والا لاء.

[MMamdouh]

التوصيل و كل دة حينعكس على قراءة الحساس

خللى بالك ان الحساس سهل اوى يتكسر و انت بتفكة... يبقى ايه الحال لو الحساس كان سليم و اتكسر اثناء الفك؟؟

كدة كدة لو الحساس فيه مشكلة حتفكة و بالتالى خطر انة ينكسر معدوم لانه بايظ اصلا انما لو سليم يبقى مفيش لزمة للفك اساسا

MMamdouh

[samirayad]

معلش معلوماتي على أدي .. أنا أعرف أن مكان حساس الشكمان في أول الفرن بتاع الشكمان، معنى كده أنه غير مرئي والواحد لازم يفك الفرن علشان يشوفه ويكشف عليه، وألا ممكن يتشاف ويتفك عادي ويتكشف عليه. أنا بسأل على الموضوع دا علشان أن فعلاً ظهرت عندي حاجة جديدة وهيه دخنه بس مش جامدة وريحه بنزين ني خارجة من الشكمان. فيمكن يكون السبب برده من حساس الأكسجين. وشكراً مقدماً على الإفادة.

طيب قبل ماتفكر فى موضوع الحساس .....كشفت على البوجيهات وكبلاتها وأ طمنت أن كله تمام

[Mohamed A S]

طيب قبل ماتفكر فى موضوع الحساس .....كشفت على البوجيهات وكبلاتها وأ طمنت أن كله تمام

لسه مغير بوجيهات وعامل صيانة كاملة للسيارة زيت موتور وفلاتر وبوجيهات وتنظيف البوابة والمانفولد وكله. العربية سحبها كويس وبتدور على طول.

[samirayad]

برضه مايمكن تكون البوجيهات اللى ركبه وحشه من ناحية كفاءتها مع الأحمال أو فيه مشكله فى أتصال الكابلات وممكن فيش الحساسات عاوزه برضه نضافه وضمان جودة أتصال علشان تنقل أشاره كويس لوحدة التحكم..........وممكن برضه تراجع على الأتصال الأرضى عندك وتعمله نظافه.......وبرضه لو كفاءة الدينامو مش كويسه وعلى الأقل 12 فولت ممكن تعمل مشاكل فى دايرة التحكم..........

[Mohamed A S]

برضه مايمكن تكون البوجيهات اللى ركبه وحشه من ناحية كفاءتها مع الأحمال أو فيه مشكله فى أتصال الكابلات وممكن فيش الحساسات عاوزه برضه نضافه وضمان جودة أتصال علشان تنقل أشاره كويس لوحدة التحكم..........وممكن برضه تراجع على الأتصال الأرضى عندك وتعمله نظافه.......وبرضه لو كفاءة الدينامو مش كويسه وعلى الأقل 12 فولت ممكن تعمل مشاكل فى دايرة التحكم..........

البوجيهات اللي راكبه جديد دنسو
البطارية جديدة وقست كفاءة الدينامو وكله تمام
نظافة فيش الحساسات دا موضوع أنا معملتهوش قبل كده ومعرفش بيتعمل ازاي ومين يعمله.
وشكراً على المتابعة

[samirayad]

البوجيهات اللي راكبه جديد دنسو
البطارية جديدة وقست كفاءة الدينامو وكله تمام
نظافة فيش الحساسات دا موضوع أنا معملتهوش قبل كده ومعرفش بيتعمل ازاي ومين يعمله.
وشكراً على المتابعة

ربنا يوفقك ويهيىء لك الخير كله............

[n_nabil76]

استاذ Mohamed A S انا مش عاوزك تلف حولين نفسك زي انا بقالي مدة كبيرة في موضوع الدخنة
انت قلت ان العربية مش بتغيب في الدوارة وانا اما سألت ناس كتير منهم مهندسين ومنهم ميكانيكية ومنهم معاهم العربية ( خبرات سابقة ) في الي قالي حساس شكمان وفي الي قالي رشارشات بس لما سالت في التوكيل وكشفت هناك الفني قالي ان لو الدخنة من الرشاشات هيصحبها غياب في الدوارة اكيد ( بس صدقني الكلام دة مش صح بنسبة 100% او ممكن يكون صح في القطع الأصليه لأني انا جبت طقم رشارشات جديد زيرو ب1100 جي ام بس مش اصلي بس انا مكنتش اعرف وكان بيدخن بردو ومكنش بيغيب في الدوارة وعلى فكرة الأصلي امريكاني والمفاجئة ان سعرة 1300 بس الفرق مش كبير بس انا اتسرعت ومسالتش كويس والي في السوق كوري وبتيباع على انة الأصلي على اساس ان العربية كورى انا رحت واتاكت ان الأصلي امريكاني وشفتو بعنيى ولونة لبني وانا الي اشتريتة كان لونه احمر العلبتين زي بعض بالضبط ونفس الكتابة لكن دة كوري ودة امريكي ) انا طولت عليك بس معلش استحملني احسن حاجة تعملها انك تكشف بالأسكنر زي ما قال الاستاذ محمد ممدوح ونصيحة مني متلعبش في اي حاجة في العربية الا لما تتأكد من ان العيب فيها وخد بالك لو طلع حساس شكمان وحبيت تجيبة جديد هاتو من التوكيل انا جبتو من برة التوكيل 275 ومكملش شهرين انا مش عارف هو اصلي ولالأ لكن لو كنت جبتو من التوكيل كنت هشترية ب 350 و التركيب 25 + 10% + 3 شهور ضمان وعلى فكرة كشف الكمبيوتر في التوكيل 25 جنية +5 جنية مش عارف بتاعت اية كله 30 جنية وطبعا الفرق مش كبير وكسبان الضمان

ده الي انا رحت عندة شركة مودرن اوتوموتيف سيرفيس مركز خدمة مهتمد في القصر العيني بجانب روزل يوسف بس طبعا انا مغيرتش الحساس بتاعي القديم هناك لأنهم مش هيردة انا قلت قبل ما اكلف نفسي حساس جديد اركب القديم واجرب عند الميكانيكي بتاعي بس لو مكنتش المشكلة اتحلت انا كنت هروح هناك اكيد لأني تعبت

وعاوز انصحك بحاجة تانية اي قطعة تفكها من العربية احتفظ بيها معاك خصوصا لو الأصلي زي ما اتعلمت من اخطائي مش عاوز اي حد من اخواتي في المنتدى يقع فيها لولا اني احتفظت بحساس الشكمان القديم كان زماني مشتري واحد تاني دلوقتي
اسف طولت عليكوا كتير استحملوني وكلو للأفادة