واحد صاحبي مزنوق

[za3bolla]

واحد صاحبي معاه لانوس زيرو و قرب يوصل لصيانة ال1000 و عنده كام سؤال:

لا يوجد اي اسم لأي مركز صيانة على كتيب الضمان!!! واحنا جداد على القصة دي..مع العلم اني ساكن في المعادي و هوة ساكن في مدينة نصر..و ايه افضل مركز صيانة؟؟؟

هل يوجد ضبط موتور في صيانة الالف؟؟

عايز يحط شل الترا بدل موبيل ون!!هل ده يسقط الضمان لو غيير الزيت والفلتر في البنزينة؟؟
و بعد كده يروح الصيانة؟؟؟

في فروقات في الكبوت و الشنطة(عايزين يتظبطوا)هل ده بييتعمل فيها برضه والا نطلع على السمكري؟؟ :D

هوة ركب انذار wolf بريموت المفتاح.280LE..هل ده يلغي الضمان والا ايه؟؟

الموتور فيه زنة غريبة و سحبه مش قد كده!! هل هيتظبت في صيانة الالف؟؟

لو امكن الأستعانة بأحد علماء الدايو لانوس لشرح خطوات صيانة الاألف و التكلفة و علشان محدش يلكلك اي حاجة و السلام

و شكرا جزيلا مقدما

[sokasoon]

Re: واحد صاحبي مزنوق

لا يوجد اي اسم لأي مركز صيانة على كتيب الضمان!!! واحنا جداد على القصة دي..مع العلم اني ساكن في المعادي و هوة ساكن في مدينة نصر..و ايه افضل مركز صيانة؟؟؟

• هو مافيش اسامى مراكز صيانة فى الضمان

هل يوجد ضبط موتور في صيانة الالف؟؟

• لو الموتور محتاج تظبيط يتظبط طبعا واى حاجة
  
  حصلت بتقولهالهم علشان يعملوها

عايز يحط شل الترا بدل موبيل ون!!هل ده يسقط الضمان لو غيير الزيت والفلتر في البنزينة؟؟
و بعد كده يروح الصيانة؟؟؟

• لا مايلغيش الضمان ولا حاجة ممكن تروح تعمل الصيانة
  
  وماتغيرش زيت وبعدين تروح بنزينة وتغير الزيت اللى انت عاوزو

في فروقات في الكبوت و الشنطة(عايزين يتظبطوا)هل ده بييتعمل فيها برضه والا نطلع على السمكري؟؟ :D

• لالالالا يتعمل فى الضمان عادى جدااااا ولا سمكرى ولا حاجة مش هتاخد وقت

هوة ركب انذار wolf بريموت المفتاح.280LE..هل ده يلغي الضمان والا ايه؟؟

• باردو الانذار مايلغيش الضمان انا اتصلت بنفسى بالتوكيل وقالولى ركبو عادى

الموتور فيه زنة غريبة و سحبه مش قد كده!! هل هيتظبت في صيانة الالف؟؟

• انت لما تروح تكون عارف ايه المشكلة فى العربية بالظبط وتشرحها لمهندس الصيانة
  
  وقبل ماتمشى تتأكد كويس ان كل حاجة باقت تمام ومافيش مشكلة

[za3bolla]

هو مافيش اسامى مراكز صيانة فى الضمان

فعلا مفيش اي معلومات عنهم
و تقريبا العربية تقفيل ابو الفتوح

و لو ممكن اسامي مرز قريب...لأن المعرض بيقول في ابو رواش

[m_aash]

بالنسبة للتوكيل يوجد لأبوالفتوح مركزين للصيانة ..... الرئيسى أول طريق مصر إسكندرية الصحراوى قبل البوابات مدخل القرية الذكية ... والتانى موجود فى العباسية فى الشارع اللى على ناصيته نادى المياه من شارع أحمد سعيد.
أيضا يوجد مركز أبو غالى فى العبور بس ده مش توكيل (خللى بالك).
الأحسن إنك تروح توكيل العباسية بس تعمل حسابك إنك تكون هناك قبل السعه 7:30 الصبح علشان تلحق دورك بدرى بدرى.
وألف مبروك و ربنا يعطيك خيرها و يكفيك شرها

[za3bolla]

شكرا يا جماعة....لو امكن الأستعانة بأحد علماء الدايو لانوس لشرح خطوات صيانة الاألف و التكلفة و علشان محدش يلكلك اي حاجة و السلام

و شكرا جزيلا مقدما

[amrokhafagy]

بالنسبة للونة الموجودة فى الماتور دى عادى وزى ماتقول الموتور بيبقى خشن وبيبتدى ينعم مع الوقت انا كان عندى الونة دى وبدات تتلاشى واصبحت غير ملحوظة بالمرة انا عامل 4000 دلوقتى