مشكلة خطيرة جدا فى نوبيرا 2008 المياة الخضراء بتقل ؟؟؟

[merosss]

انا معايا نوبيرا 2008 عاملة 7300 كيلو فقط من شهر 6 فى 2008 من فترة لاحظت وجود ذى صدأ لونة اخضر جنب المقياس بتاع الزيت كدة المهم بصيت على قربة المية لقيتة ناقصة فجبت مياة خضراء من موبيل و حطيت لغاية العلامة العربية اخذت نصف لتر تقريبا النهاردة ببص لقيت المية ناقصة بردة ولقيت فى مية خضراء جنب مقياس الزيت وفى منها وقع على الكرتيرة الكوتش الى تحت دى بصيت تحت العربية لقيت فى حتة من تحت كدة مليانة اللون الاخضر دة بس لغاية دلوقتى العربية مسخنتش خالص انا مش عراف هو فين التسريب بالظبط وانا مش عارف دى موديل 2008 يعنى ملحقتش تسرب ارجو حد من خبراء الدايو يقولى التسريب دة فين ؟؟؟؟؟

[samirayad]

من فترة لاحظت وجود ذى صدأ لونة اخضر جنب المقياس بتاع الزيت كدة

طبعا تقصد الميه دى نازله حول مقاس الزيت من الخارج...........ومفيش أى ميه جوه الكرتير.....والزيت مش مطحن ومقاسه عادى جدا

[merosss]

طبعا تقصد الميه دى نازله حول مقاس الزيت من الخارج...........ومفيش أى ميه جوه الكرتير.....والزيت مش مطحن ومقاسه عادى جدا

بالضبط كدة المية من الخارج والنهاردة كان فى زى مية جديدة مش ناشفة من الحتة الحديد الى المنفوخة دى الى تحت مقياس الزيت هو لو مية من كرتير الزيت يبقى فى اية انتا خضطنى بجد انا بقالى فترة مشفتش مقياس الزيت وانا حاطت زيت 10000 فى صيانة الالف ولسة ماشى بية

[samirayad]

طيب لمبة الزيت نورت معاك ولا حاجه

شوف لو مقاس الزيت كويس والزيت شكله عادى ومش مطحن ........حتكون عندك رأس السلندر ....الرباط بتاعها هوى شويه والميه دى نازله من بين الرأس والبلوك......

_ وعلى طول روح التوكيل خليهم يحلوا الرأس ويغيروا الجوان ويعيدوا الرباط بتاع الرأس صح وبالعزم المظبوط......

_ وياريت ماتحرقش بعد كده على المكنه........وتخللى النقل بتاعك بين 3000 _3500 لفه بكتيره

[merosss]

انا هشوف الزيت بس المشكلة انا مرحتش صيانة ال5000 وقررت انى هعمل الصيانة برة يعنى انا كدة برة الضمان طبعا وانا مش بحرق فى الموتور ولا حاجة الا نادرا جدا وبعدين انا اعرف ناس هلكين عربيتهم حرق وتخميس ومش بيجرى فيها حاجة خالص

[samirayad]

ربنا يعوض عليك وان شاء الله كله حيبقى تمام .......وقدر ولطف

[kenesh]

أطمئن اخي الفاضل انا كمان نوبيرا 2008 و حصل نفس الشيئ و رحت الصيانة قالوا لي الطبة الخلفية بتسرب ميه و غيروها من 3 اشهر و للان كله تمام و الحمد لله

[merosss]

أطمئن اخي الفاضل انا كمان نوبيرا 2008 و حصل نفس الشيئ و رحت الصيانة قالوا لي الطبة الخلفية بتسرب ميه و غيروها من 3 اشهر و للان كله تمام و الحمد لله

انا متشكر جدا ليك بس ممكن اعرف هو حضرتك غيرتها فى الضمان ولا اية عشان انا مرحتش صيانة 5000 وتقريبا كدة الضمان سقط ولو عملتها عندهم هتكلف كام تقريبا و سؤال تانى معلش هو حضرتك عملتها فى اى مركز خدمة ؟؟؟؟

[kenesh]

انا متشكر جدا ليك بس ممكن اعرف هو حضرتك غيرتها فى الضمان ولا اية عشان انا مرحتش صيانة 5000 وتقريبا كدة الضمان سقط ولو عملتها عندهم هتكلف كام تقريبا و سؤال تانى معلش هو حضرتك عملتها فى اى مركز خدمة ؟؟؟؟

انا غيرتها في صيانه ال 5000 انا أى انك تروح و استهبل لهم و قولهم كنت مسافر بالخارج زي انا مابأعمل انا عملت صيانه ال5000 بعد مرور9 اشهر
و بالتوفيقو طمننا عليك

[merosss]

انا غيرتها في صيانه ال 5000 انا راي روح و استهبل لهم و قولهم كنت مسافر بالخارج زي انا ماباعمل انا عملت صيانه ال5000 بعد مرور9 اشهر
و بالتوفيقو طمننا عليك

انا هجرب واروح بس العربية عاملة 7300 كيلو وممكن اعرف هو حضرتك عملت الصيانة فين

[samirayad]

أطمئن اخي الفاضل انا كمان نوبيرا 2008 و حصل نفس الشيئ و رحت الصيانة قالوا لي الطبة الخلفية بتسرب ميه و غيروها من 3 اشهر و للان كله تمام و الحمد لله

_ فعلا ممكن برضه تكون الميه بتسرب من حول طبة رأس السلندر اللى جهة سير الكاتينه......وبتنزل الميه على منطقة تلاقى البلوك مع الرأس.....وبعد كده من حول عصاية مقاس الزيت .....وطبعا كده الموضوع حيكون أهون وأسهل..........

[kenesh]

انا هجرب واروح بس العربية عاملة 7300 كيلو وممكن اعرف هو حضرتك عملت الصيانة فين

ابو رواش و بالتوفيق

[merosss]

استاذ
kenesh
و استاذ

samirayad
انا متشكر جدا ليحضرتكوا وربنا يسهل وتطلع حاجة بسيطة

[ramylanos]

انا هشوف الزيت بس المشكلة انا مرحتش صيانة ال5000 وقررت انى هعمل الصيانة برة يعنى انا كدة برة الضمان طبعا وانا مش بحرق فى الموتور ولا حاجة الا نادرا جدا وبعدين انا اعرف ناس هلكين عربيتهم حرق وتخميس ومش بيجرى فيها حاجة خالص

الضمان ما سقطش ولا حاجه
روح عادي جدا وقوله اعملي صيانه ال5000
لو قلك حاجه قوله ما كنتش فاضي

انا مره كان عربيتي فيها حاجه في العفشه وكانت عمله 25000 ومرحتش غير صيانه الالف بس
الراجل في التوكيل قلي هدفعك كل الصيانات الي فاتت واغيرهالك في الضمان

وانصحك تروح توكيل المعادي رايق وناس محترمه اوي

[kenesh]

استاذ
kenesh
و استاذ

samirayad
انا متشكر جدا ليحضرتكوا وربنا يسهل وتطلع حاجة بسيطة

العفو و ابقي طمنا بسيطة ان شاء الله