إعـــــــلان

Collapse

.

,
See more
See less

تجربتى مع استهلاك الوقود

Collapse
X
 
  • Filter
  • الوقت
  • Show
Clear All
new posts

  • تجربتى مع استهلاك الوقود

    السلام عليكم
    انا امتلك عربية نوبيرا موديل 2006 و ساكن فى مصر الجديدة طبعا متعود افول العربية بنزين 92من محطة موبيل فى شارع الحجاز من ساعة ما اشتريت العربية ، العربية زى الفل طوال الفترة استهلاك البنزين فى داخل القاهرة مع الزحمة المعتادة ما بين 170-190 كيلو فى الصفيحة و فى السفر 210-240 كيلو و العربية سحبها ممتاز
    المهم شاءت الظروف ان اغير المحطة لأمون 3 مرات متتالية من محطة كالتكس فى 6 أكتوبر و لاحظت شئ عجيب تسارع العربية انخفض جامد العربية بقت مخنوقة بشكل كبير و لكن المفاجأة استهلاك البنزين انخفض ليصبح استهلاك العربية داخل المدينة 210 كيلو فى الصفيحة طبعا توفير جامد من 15-20%من ميزانية البنزين و لكن اداء منخفض بشكل ملحوظ للعربية خاصة و انا متعود على السحب
    طبعا انا مش عارف ايه السبب و لكن من الممكن ان يكون البنزين مغشوش او تركيبته مختلفة انا قولت اعرض التجربة لنستفيد جميعا من الاراء حول الموضوع
    أخوكم محمد

  • #2
    لكن المفاجأة استهلاك البنزين انخفض ليصبح استهلاك العربية داخل المدينة 210 كيلو فى الصفيحة طبعا توفير جامد من 15-20%من ميزانية البنزين و لكن اداء منخفض بشكل ملحوظ للعربية خاصة و انا متعود على السحب
    منقدرش نحكم على التطورات الحديثه دى الا بعد عودتك لمحطة البنزين القديمه ....وساعتها حنقدر نحدد أيه اللى ممكن يكون حصل حديثا وأدى الى حدوث هذا التغيير.......على أساس لو كان بعد رجوعك للتموين من المحطه الأولى وفضل الوضع زى دلوقتى .....فى الحاله دى ممكن نوجه الأتهام الى ضعف فى آداء طلمبة البنزين مثلا.................

    Comment


    • #3
      طب يا استاذ سمير لو رجعت مونت من المحطة القديمة و رجعت العربية زى الأول و انا بصراحة متوقع ده لانى لا اعانى من اى مشاكل مع دورة البنزين و العربية بتدور من اول مرة فى خلال اقل من ثانية
      هل ممكن يكون السبب بنزين مخلوط و هل ممكن ده يكون سبب فى تفاوت اداء العربية بين شخص و أخر و ايضا التفاوت فى استهلاك الوقود
      يعنى بمعنى اخر البنزينة نفسها بتخلط البنزين 92 ب 80 مثلا مما يؤدى الى خفض اداء العربية و انخفاض الاستهلاك مثلا
      سؤال تانى بما ان ساعدتك موجود انا لا اعانى من اى نقص فى الزيت الزيت قرب علامة الماكس و لا يوجد تسريب واضح للزيت و لسة مغير جوان وش السلندر من اربع اشهر و لكن الاحظ وجود اثار زيت بشكل كثيف فى المنطقة اليمين من العربية تحت البوبينة و عند الفلاتر هل ده طبيعى فايض زيت و لا ممكن يكون تسريب من الجوان مرة اخرى علما انى اخر مرة حاطط اربعة لتر زيت كاملين

      Comment


      • #4
        معلش يا استاذ سمير تصحيح انا غيرت جوان غطاء التكيهات و ليس وش السلندر

        Comment


        • #5
          ممكن يكون تسريب من الجوان مرة اخرى
          هو ده الأحتمال الأقوى حاليا (ياريت تروح تانى للميكانيكى يعيد رباط غطاء التاكيهات بترتيب الرباط الصح بادئا من منطقة المنتصف بالترتيب المعروف والمستخدم لرباط كل من رأس السلندر وغطاء التاكيهات (وطبعا الوضع عندك لغطاء التاكيهات ...حتى لا يحدث تداخل فيما أقصده )
          هل ده طبيعى فايض زيت
          لا مفيش حاجه أسمها فايظ زيت (خط الفايظ بيطلع من أعلى المحرك على أساس موجود ثقب داخلى رأس موصل بين البلوك ورأس السلندر) وبعد كده خرطوم الفايظ الى مجمع الهواء ...هو ده بس خط الفايظ وبيتقال عليه فى اللغه الهندسيه (خط التنفيس عن المحرك ) Breather line
          هل ممكن يكون السبب بنزين مخلوط و هل ممكن ده يكون سبب فى تفاوت اداء العربية بين شخص و أخر و ايضا التفاوت فى استهلاك الوقود
          طبعا وبدون شك بيختلف الآداء مع أختلاف البنزين ومصدره وكذلك بيختلف الآداء من شخص لآخر (حسب عادات القياده )
          طب يا استاذ سمير لو رجعت مونت من المحطة القديمة و رجعت العربية زى الأول
          هذا مانتمناه جميعا وبنسبه كبيره جدا (سوف تعود ريمـــــــــــا لعادتــــــــــــها القديمه )

          Comment


          • #6
            كالتكس دي مشكلة ؛ انا كنت بمون من كالتكس ...ونفس الي انت لاحظة ..ضعف في الاداء مع استهلاك ممتاز للبنزين كانت بتوصل معاي 320 كيلو في الصفيحة اثناء السفر

            لاكن لما بقيت امون من شيل لقيت السحب بقى عالي وحسيت كان العربية ثابتة على الطريق ومرتاحة بس الاستهلاك بقى عالي شوية بقت بتعمل معاي 280_260 في الصفيحة

            نصيحة متمونش من كالتكس خالص
            [sor2]http://i28.tinypic.com/260c3zp.gif[/sor2
            :36_1_34[1]:

            Comment


            • #7
              المشاركة الأصلية كتبت بواسطة dr_mak مشاهدة المشاركة
              كالتكس دي مشكلة ؛ انا كنت بمون من كالتكس ...ونفس الي انت لاحظة ..ضعف في الاداء مع استهلاك ممتاز للبنزين كانت بتوصل معاي 320 كيلو في الصفيحة اثناء السفر

              لاكن لما بقيت امون من شيل لقيت السحب بقى عالي وحسيت كان العربية ثابتة على الطريق ومرتاحة بس الاستهلاك بقى عالي شوية بقت بتعمل معاي 280_260 في الصفيحة

              نصيحة متمونش من كالتكس خالص
              هو ده الى انا اقصده ان الأخوة الى بيشكوا من ضعف الاداء ممكن يكون بسبب نوع البنزين و كمان الأخوة الى بيهمهم التوفير يمكن ده يكون حل
              انا عامة اهم شئ بالنسبة لى هو اداء العربية و علشان كده توبة امون تانى من كالتكس بجميع فروعها
              و شكرا لسيادتك

              Comment

              Working...
              X