العربيه بتأكل بنزين..اغير رشاشات ولا اعمل ايه ؟؟

[ramylanos]

السلام عليكوا

عندي عربيه لانوس 2003 عامله 170000 كم

العربيه بتأكل بنزين جامد

يعني جوه البلد 20 لتر(الصفيحه) بتعمل 140 كم

اعمل ايه اغير رشاشات ؟؟

واحد بيقولي اعملها سكانر
هل الاسكانر بتبين لو في عيب في الرشاشات؟

متظر الرد من اهل الخبره

[samirayad]

واحد بيقولي اعملها سكانر
هل الاسكانر بتبين لو في عيب في الرشاشات؟

متظر الرد من اهل الخبره

بالصدفه من فتره قابلت واحد ساكن جانبى ....وعمل أسكانر فى مركز خدمه بحى السلام تقريبا......وفعلا حددله رشاش بايظ.......شوف أخبار الليله دى أيه الأول.....وياريت تكون مطمن الأول لدايرة الأشعال (بوبينا وكابلات بوجيهات وبوجيهات )

_ لأن فيه من ضمن أكواد الأعطال حاجه أسمها fuel trim

......هو ده اللى بيحدد رشاش تالف من عدمه بالأسكانر .......

[ramylanos]

متشكر جدا علي الرد الجميل والسريع

البوجيهات والسلوك انا كنت مغيرهم قريب كنت فاكر العيب منهم ولسه العيب مستمر

طيب هوه المركز الي قصد حضرتك عليه في شارع الغابه ؟؟

[samirayad]

طيب هوه المركز الي قصد حضرتك عليه في شارع الغابه ؟؟

فعلا هو ده تقريبا .....وممكن يكون هو اللى عندنا الوحيد.....................شوف الوضع وبعدين نكمل التشاور وخليه يقول اللى عاوزه......وأحنا برضه حنوزن الكلام مع بعضنا

[ramylanos]

تمام
بس بكره وبعده لأسف مسافر مصر

عموما أول ما هكشف عليها هبلغك عالطول بالتطورات ان شاء الله

[samirayad]

عموما أول ما هكشف عليها هبلغك عالطول بالتطورات ان شاء الله

طيب بالمره طالما حتسافر على الطريق السريع..... قيم الأستهلاك بنظرية التفويل على مرتين وأحسب على مسدس البنزينه وظبط هواء على 32 .....يمكن يكون العداد أو دايرة العوامه هما اللى فيهم مشكله..............دا لو كانت العربيه بدور كويس معاك ومن أول مره

[ramylanos]

طيب بالمره طالما حتسافر على الطريق السريع..... قيم الأستهلاك بنظرية التفويل على مرتين وأحسب على مسدس البنزينه وظبط هواء على 32 .....يمكن يكون العداد أو دايرة العوامه هما اللى فيهم مشكله..............دا لو كانت العربيه بدور كويس معاك ومن أول مره

اه الحمد الله بتدور من اول مره

[samirayad]

طيب ....قيم على أساس عدم الأعتماد على عداد البنزين وأعتمد على التفويل على مرتين وخد القراءه بتاعة العداد فى الحالتين.....وشوف حتستهلك بنزين قد أيه..............وسيبك من العداد بتاع البنزين دلوقتى.....لأن كده الرشاشات واضح أنها سليمه

[goodpersonal]

السلام عليكم
إليك الحل بإذن الله:
1- عشان تقيس صح قم بتقويل السيارة ثم امشى 100 ك ثم يفويل تانى وشوف استهلكت أد إيه ، واعمل ده عدة مرات وخذ المتوسط
2- حل مشكلة البنزين .. غالباً هى علبة البيئة .. لأن المشكلة دى منتشرة حتى فى الدايو الزيرو وهى عندى
ومع الشكر

[ramylanos]

السلام عليكم
إليك الحل بإذن الله:
1- عشان تقيس صح قم بتقويل السيارة ثم امشى 100 ك ثم يفويل تانى وشوف استهلكت أد إيه ، واعمل ده عدة مرات وخذ المتوسط
2- حل مشكلة البنزين .. غالباً هى علبة البيئة .. لأن المشكلة دى منتشرة حتى فى الدايو الزيرو وهى عندى
ومع الشكر

وحضرتك غيرت علبه البيئه؟؟

[samirayad]

_ لو الشكمان عندك مش مكتوم ....والعربيه سحبها كويس والمكنه مابتسخنش ..............ماتشغلش بالك لا بالبيئه ولا بأى حاجه تانيه فى الشكمان.................