أستهلاك البنزين هايجنني أرجو الأفادة

[FASTER]

أولا انا سيارتي دايو سيلو موديل95 أوتوماتيك 1500سي سي نفس موتور اللانوس بالظبط بس أنا عندي أسبراتير , بدأت المشكلة معايا من ساعة البنزين أبو سبرتو اللي دخل مصر ومن ساعتها الأستهلاك وصل من 180كم في الصفيحة داخل البلد الي130كم في الصفيحة, غيرت رشاشات وركبت رشاشات أكسنت وبرده مفيش فايدة بس علي فكرة علي الطوالي الأستهلاك معقول حوالي 240كم في الصفيحة عند سرعة 100كم ,مش عارف العيب فين بصراحة ووديت العربية لأكتر من ميكانيكي يقولولي العربية مظبوطة وتلعبش في حاجة وفعلا العربية أنا حاسس بيها مظبوطة الحمدلله وسحبها كويس ومفيش دخنة ولا برجلة
مش عارف هاتجنن , معلش لو تتعبوا معايا يا رجالة اللانوس وتحاولوا تفيدوني والافادة للجميع أنشاء الله

[A.samy]

اكشف على الرشاشات عند حد متخصص فى مركز متخصص فى موضوع استهلاك البنزين اسمة مركز الصفا ودة فىشارع جانبى من جسر السويس بين مدخل الحرفين ومدينة قباء فى شارع اسمة شارع التلاجة قبل بنزينة كالتكس اللى على اليمين وانت داخل من السلام.

[ahmedsrs]

العربية من كلامك اتوماتك يعنى استهلاك بنزين اعلى من المانيول لقياس استهلاك البنزين لازم يكون فى طريق طوالى وعلى سرعة ثابتة

[FASTER]

شكرا يا رجالة علي المشاركات بس انا الرشاشات لسة مغيرها بسبب أستهلاك البنزين وقلت هاتظبط لما أغير الرشاشات وركبت رشاشات اكسنت 1500 وبالنسبة لقياس الاستهلاك علي الطريق الطوالي فهو معقول جدا حوالي 240كم في الصفيحة أنا مشكلتي جوة البلد جوالي130-140كم في الصفيحة وده ماكانش الطبيعي بتاعها كانت بتعمل 180كم من شهور بس

[bakroov]

انا عندى نفس مشكلتك فى لانوس 99 اتوماتيك بس مصسبتى انها جوة البلد والطوالى من 130 الى 140 فى الصفيحة واوعى تروح الصفوة او اى حته فى مصر عشام محدش بيفهم اسمع نصيحتى يا اما تتعايش مع الوضع او تحول لبنزين 80 انا صارف 3000 ج لشوية جهله وفى الاخر قالولى انت اكيد بتحسب غلط وربنا يسامح اى حد يقولك غير كذا وهو بيجرب

[FASTER]

والله معاك حق أنا فعلا قررت أتعايش مع الوضع الحالي لأن فعلا كل الميكانيكية بيحسسوني أني عندي تهيؤات ومحدش لاقي حل

[MMamdouh]

انت حطيت العربية على سكانر و شوفت حساس الشكمان حالتة ايه؟؟

MMamdouh

[FASTER]

أنا واحد صاحبي قاللي الموضوع ده بس مفهمتش منه حاجة, بس أنا باثق في خبرتك يا أستاذ ممدوح بس ليا أستفسار هو حساس الشكمان ممكن يبوظ بدون أي أعراض جانبية (دخنة سودا- برجلة)

[MMamdouh]

ممكن...

الفكرة ان الحساس مبيبقاش دقيق فى قرايتة و بياثر على الاستهلاك... لو حصل دخنة سودة يبقى الحساس مات

MMamdouh

[FASTER]

علي كل الأحوال شاكر مجهود حضرتك بس أنا اللي مطمني نسبيا أن أستهلاك العربية علي الطوالي معقول وأن مفيش أعراض جانبية وأن كنت برده هاحاول اكشف عليها علي سكانر

[elzaem]

طب ياريت توضح الفرق ايام ما كانت العربيه استهلك البنزين بتعها مظبوط كان حال المحرك يه يعني كان كبس المحرك اقوي؟
ولا ما فيش فرق ولو في اي ملاحظه علي العربيه ياريت توضحها