استشاره خاصه بدايو ليجانزا

[zee]

السلام عليكم
اننى ان شاء الله بصدد شراء سياره دايو ليجانزا مستعمله
برجاء افادتى باسعار بيعها الحاليه وافضل موديل بها واسعار قطع غيارها
ومزايا وعيوب هذه السياره ان امكن
وهل اشترى سياره مواصفات خليجى ام الموجوده بمصر بواسطه ابو الفتوح
فبرجاء افادتى على وجه السرعه
ولكم منى الف شكر

[zee]

ايه يا جماعه هو محدش راضى يفيدنى ليه

[wesam_salom]

والله علشان محدش يضحك عليك

لانى معرفش سعرها

ولا اعرف الفرق بين الخليجى والمصرى

انتظر حتى يأتى احد مالكيها او من له خبره فيها

[MMamdouh]

no idea sorry

بس اعتقد التاخر فى الرد و قلة الاجابات تدل على حالة العربية بالفعل... يعنى هى مش منتشرة اوى زى باقى الموديلات بالتالى بيهها مش سهل زى بالقى الدايو و بعض قطغ الغيار ممكن تكون قليلة زى الفوانيس و الاكصدامات بس طبعا الاستيراد موجود

MMamdouh

[moudy88]

بص انا هقولك على اعرفه عنها علشان كانت مع خالي ...العربيه تقيله قوي في طلعتها عالرغم من انها 2000 سي سي ... abs ebd ايرباج تكييف تاتش (فيه وفيه ) الاوتوماتيك فيها جنوط ... كراسي كهرباء ... استهلاك البنزين عالي شويه .... فخامه تضاهي المرسيدس ..خالي باعها وجاب مرسيدس C200 موديل 2000 وكان بيحلف ان الليجانزا افخم منها ...قطع الغيار للاسف ماقدرش افيدك فيها ...واستنى برضه الزملاء يمكن يفيدونا اكتر

[khalidsdk]

سيدي الفاضل أنا معايا دايو ليجانزا 99 كاملة أوتوماتيك وبقالها سنتين تقريبا معايا وإليك الآتي

العيوب :

1) قطع الغيار قليلة نوعا ما لكن أسعارها نفس أسعار النوبيرا .
2) 2000cc يعطيك ميزة في العزم والسحب على حساب البنزين مقارنة بالـ 1600 بس الفرق مش كبير قوي يعنى في السريع بتعمل 200كم/الصفيحة ، 170كم/الصفيحة داخل المدينة ومع التكيييف.
3) الضريبة السنوية 515 جنيه
4) تقيلة شوية في بيعها عايزة واحد ركيب وغاوي مش أي حد يشتريها.

المزايا :

1) عربية موتورها وفتيسها ألماني نفس الـ Vectra بالضبط
2) عزم قوي 184 نيوتن عند 3400 لفة/دقيقة - 142 حصان موتورها وحش على الطريق وده أكتر حاجة عاجباني فيها
3) في العموم عربية واسعة كبيرة عائلية بتاعت سفر ومشاوير وتستحمل

بالنسبة لسعرها حسب حالتها منها المتبهدل جدا ومنها النظيف جدا بس النظيف قليل يعنة نقول موديل 2000 تعمل في حدود 65000 وتكون نظيفة وعلى الشرط على رأي بتوع الخليج

أي استفسار 0123498224

[zee]

بص انا هقولك على اعرفه عنها علشان كانت مع خالي ...العربيه تقيله قوي في طلعتها عالرغم من انها 2000 سي سي ... abs ebd ايرباج تكييف تاتش (فيه وفيه ) الاوتوماتيك فيها جنوط ... كراسي كهرباء ... استهلاك البنزين عالي شويه .... فخامه تضاهي المرسيدس ..خالي باعها وجاب مرسيدس C200 موديل 2000 وكان بيحلف ان الليجانزا افخم منها ...قطع الغيار للاسف ماقدرش افيدك فيها ...واستنى برضه الزملاء يمكن يفيدونا اكتر

الف شكر على اهتمامك بس لو ممكن اعرف عم حضرتك بعها ليه

تم تغيير لون المداخلة

اللون الاحمر مخصص للادارة

مشرف القسم

[zee]

سيدي الفاضل أنا معايا دايو ليجانزا 99 كاملة أوتوماتيك وبقالها سنتين تقريبا معايا وإليك الآتي

العيوب :

1) قطع الغيار قليلة نوعا ما لكن أسعارها نفس أسعار النوبيرا .
2) 2000cc يعطيك ميزة في العزم والسحب على حساب البنزين مقارنة بالـ 1600 بس الفرق مش كبير قوي يعنى في السريع بتعمل 200كم/الصفيحة ، 170كم/الصفيحة داخل المدينة ومع التكيييف.
3) الضريبة السنوية 515 جنيه
4) تقيلة شوية في بيعها عايزة واحد ركيب وغاوي مش أي حد يشتريها.

المزايا :

1) عربية موتورها وفتيسها ألماني نفس الـ Vectra بالضبط
2) عزم قوي 184 نيوتن عند 3400 لفة/دقيقة - 142 حصان موتورها وحش على الطريق وده أكتر حاجة عاجباني فيها
3) في العموم عربية واسعة كبيرة عائلية بتاعت سفر ومشاوير وتستحمل

بالنسبة لسعرها حسب حالتها منها المتبهدل جدا ومنها النظيف جدا بس النظيف قليل يعنة نقول موديل 2000 تعمل في حدود 65000 وتكون نظيفة وعلى الشرط على رأي بتوع الخليج

أي استفسار 0123498224

الف شكر يا بشمهندس على هذه المعلومات القيمه
بس كنت عايز اسئل حضرتك ترشحلى موديل اى سنه

نفس التنبيه السابق بخصوص لون المداخلة

مشرف القسم

[samirayad]

_ طيب لو حتشترى عربيه موديل 2000 وحتكون زى ما أتقال فى حدود 65 ألف (ماتشترى نوبيرا زيرو ) .....حيكون أفضل بكتير

[waleedrahmy]

طيب لو حتشترى عربيه موديل 2000 وحتكون زى ما أتقال فى حدود 65 ألف (ماتشترى نوبيرا زيرو ) .....حيكون أفضل بكتير

كلام سليم تماما .......................بس ال 65 ألف دول حق اللانوس الزيرو كمان

[samirayad]

كلام سليم تماما .......................بس ال 65 ألف دول حق اللانوس الزيرو كمان

لو فيه أمكانيه يزود عشرة آلاف مثلا يبقى نوبيرا ......أما لو مفيش يبقى لانوس طبعا

[waleedrahmy]

لو فيه أمكانيه يزود عشرة آلاف مثلا يبقى نوبيرا ......أما لو مفيش يبقى لانوس طبعا

صح الكلام 128 زيرو أحسن من فيراري مستعملة وده رأيي .........لانوس او نوبيرا زيرو أحسن من ليجانزا مستعملة

[khalidsdk]

بالنسبة لليجانزا بالذات فيه إشاعة بتقول إنها كلها تقفيل بره ، لكن الواقع غير كده موديلات 99 وبداية 2000 كلها تقفيل بره (كوري) 100% .

موديلات من 2001-2004 دي أكيد تقفيل مصري زي النوبيرا وزي اللانوس ، دليل كده الخامة المصنوع منها التابلوه والفرش وده لاحظناه لما واحد صاحبي كان بيركب فرش لعربيته لقينا الكنبة اللي ورا من تحت مكتوب على الاسفنج تاكي (اللي هو مصنع تاكي للاسفنج ) مش معقول مصنع دايو في كوريا كان بيستورد سفنج من مصنع تاكي في مصر عشان يقفل كنبة الليجانزا في مصنعه بره !!، غير كده موديلات 99 -2000 التابلوه والفرش جلد طبيعي مع عصاية الفتيس، الموديلات الثانية لا

خليك ان استطعت في 99 أو 2000 وطبعا حالة العربية هي اللي بتحكم ، يعني لو لقيت 2003 أو 2004 نظيف مافيش مشكلة شغال

[zee]

شكرا لكل الاخوه
ومع احترامى لكل الاراء انا لدى لانوس واخى لديه نوبيرا واجاركم الله على التجميع المصرى والخامات المستخدمه به
لذا لحبى بدايوا وخبرتى المتواضعه بها فانا افضل السياره المستورده وبمواصفات غيرررررررررررررررر مصريه
كل ما ابغيه معلومات كافيه عن هذه السياره وبرضه إن شاء الله هشتريها تجميع الخارج (معاقين عمليات حربيه )

[moudy88]

الف شكر على اهتمامك بس لو ممكن اعرف عم حضرتك بعها ليه

خالي باع العربيه علشان جاب مكانها مرسيدس C200 موديل 2000 ....ومع اني من ملاك النوبيرا الا ان الليجانزا حاجه والنوبيرا واللانوس حاجه تانيه خالص ....الليجانزا مرسيدس الدايو