بدون تعصب ايهم افضل

[A.samy]

النهاردة خرجت من منتدى الدايو قلت الف شوية فى باقى المنتديات روحت منتدى الكيا ومنتدى الهوينداى ومنتدى البروتون يعنى منتديات العربيات الكورى والماليزى عشان محسش بفرق كبير المهم لقيت حاجة غريبة محدش بيسأل ويقول الحقونى من استهلاك البنزين او الموبنة باظت تانى او العفشة فيها صوت غريب او العربية مبتسحبش او او او او او
المواضيع دى مش بشوفها غير فى منتدى الدايو مش عارف لية هل لان الدايو عربية كثيرة المشاكل وانها بقت 128 اللى كل شوية عند الميكانيكى وبردة الشعب بيحبها .
عشان كدة عايز استطلاع حقيقى من خبراءالمنتدى يكونو ركبو اغلب هذة العربيات ويقلنا ايهم افضل .

[محمد فريد]

ده عشان الدايو غالية علينا وعلى أصحابها فبيخافوا يعملوا فيها اى حاجة غير لما يستشيروا اخواتهم هنا فى المنتدى
غير العربيات التانية علطول يجروا على الميكانيكية من غير ما يخشوا المنتدى
ده الفرق يا حبى ومفيش عربية مبيجيلهاش يوم وتعطل
والله انا كنت ماشى فى القاهرة من كام يوم وشوفت عربية جولف 4 صوتها كراكه والشكمان تقريبا مفيش ومبتسحبش أصلا وال ايه الشاب الروش بيشد بيها ياعم روح اتنيل (الشاب الروش) اكن 133 ماشية حتى ال 133 احسن من دى

على فكره فى حاجة بقيت اتخنق منها (وسامحونى) ان الناس بقت عايشة فى عالم الخيال اكتر من الحقيقة.

[wesam_salom]

ممكن بسبب انتشارها

فتلاقى مستخدمين كتير لها

اتعاملوا معاها وعرفوا مشاكلها وطرق علاجها فتلاقى الناس بترد وتقوله العيب من ايه

وكمان عيوبها سهله والشغل فيها سهل

مش لازم تروح للميكانيكى او للتوكيل علشان تعرف العيب فين

زى اغلب العربيات ممكن تروح لميكانيكى واتنين علشان تعرف سبب العطل

[shaky]

انت نسيت شىء مهم جدا جدا انها اكتر عربية ماشية فى مصر من 10 سنين وكمان فضلت تتصنع لغاية 2008 بنفس الشكل محصلتش ان فية عربية فى العالم تفضل بشكلها من يوم ماتصنعت نزلو الاستيراد بتاعها يعنى بقت محلى واستيراد ولو العربية مش حلوة مكنتش تلاقى جميع فئات الشعب راكبها
ثانيا الفرق فى منتدى دايو اننا صرحا مع بعض يعنى مش عيب اما اقول عيب فى العربية لان مفيش عربية فى الدنيا مش فيها مشاكل لكن الباقى وخصوصا اللى جايب الحديث كل واحد عايز يثبت لنفسة وللمنتدى ان اختيار الموديل اللى راكبة هو احلى موديل فى العالم ولو عندة مشاكل مش هايقولها عشان نفسيتة متتعبش

طيب هاقولك على مثال خش منتدى سبرانزا الصينى وانت هاتموت من الضحك فى المنتدى بيقولو ان الاسبرانزا 516 بالذات عربية محصلتش ومحدش عرف يصنع زيها ومفيش فيها عيوب خالص مع ان والله العظيم من مهندس توكيل عيسى بتاع المنصورة بيقول ان العربية دى فضيحة ومشاكلها كتير جدا وكل واحد بيقول انها حلوة عشان تقلدة وتبقى فى الهم معاه

شكرا

[Terrible_DaRsH]

العربية دى مع الشعب كله لازم يبقي ملاكها كتير واسئلتها اكتر ..

كمان متنساش انها برده معدتش فئة ال 70 الف علشان متشتكيش من العفشة و البنزين و الحاجات دى كلها :)

[A.samy]

قصة ان العربية منتشرة دة حقيقى بس الهوانداى منتشر اكتر وموجودة قبل الدايو والمنتدى عندهم كل فين وفين لما تلاقى حد بيتكلم عن مشكلة عندة.

[PoweRPassioN]

قصة ان العربية منتشرة دة حقيقى بس الهوانداى منتشر اكتر وموجودة قبل الدايو والمنتدى عندهم كل فين وفين لما تلاقى حد بيتكلم عن مشكلة عندة.

طب انت عايز تقول ايه ؟؟

[Shiref_mohamed]

قصة ان العربية منتشرة دة حقيقى بس الهوانداى منتشر اكتر وموجودة قبل الدايو والمنتدى عندهم كل فين وفين لما تلاقى حد بيتكلم عن مشكلة عندة.

منتدى الدايو معروف ان فيه ناس خبرتها الفنية في مجال السيارات عموماً ومجال الدايو بالأخص كبيرة زي استاذ محمد ممدوح عشان كده الناس كلها بتسأل على كل كبيرة وصغيرة ...
زي مثلاً موضوع استهلاك البنزين تلاقي واحد عامل موضوع بيقول الحقونييييييي عربيتى خربت بيتى وبيت جيراني من البنزين وتبدا الناس تتناقش معاه بشكل فني لحد ما نوصل للمشكلة وتتحل ..
المشكله هنا بقى انك تلاقي بعدها بساعه تلاقي واحد تاني داخل يعمل موضوع بيقول عربيتى بتوزع البنزين على العربيات الى حواليها وهيا ماشيه بدون ما يكلف نفسه شويه مجهود في البحث عن مواضيع استهلاك البنزين
ده بقى الفرق بين قسم الدايو واى قسم تاني في المنتدى الناس بتتناقش في المشكله (فنياً) لحد ما توصل للمشكله وكمان بيسألو على كل كبيرة وصغيرة

انما خد عندك بقى مره دخلت قسم المتسويشي بسأل عن مشكله في عربيت ابن عمي لانسر 93 لاقيت الناس هناك كل ردودهم بيقولو خدها وديها التوكيل طبعاً ردود تحرق الدم يعني هو انا مكنتش هعرف اوصل للتوكيل مثلا وكما ايه فايده المنتدى طالما التوكيل موجود

عموماُ قسم الدايو مختلف عن كل اقسام المنتدى