غسيل الموتور

[ahmedismael]

السلام عليكم
يوم الجمعة رحت البنزينة وغسلت الموتور بالجاز والصابون والمية
مكنتش مقتنع وانا بغسلة وكنت خايف على الموتور ان يحصل فية حاجة
انا معايا نوبيرا 2006 والحمد لله عدت على خير سوالى او حبيت اغسل الموتور تانى اغسلة ازاى وفين لانة للاسف لسة متنضفش كويس
وشكرا

[nasroo]

انت فكرتني بالمصيبة اللي انا عملتها روحت غسلت العربية والموتور والعامل غطى كل الحاجات اللي فيها كهربا- وكانت الساعة 2 بالليل مشيت 200 متر وهوب العربية بئت بتنط زي الارنب انا قلبي وقع في رجلي وقولت الراجل ابن وابن وابن ..... عمل ايه في العربية وكمان كانت بتطلع بخار جامد من الموتور ربنا وقعني في ميكانيكي بتاع فولكس قال لي ده عادي اركنها لحد ماتنشف وهي هتبقى كويسة طبعاً مجاليش نوم لغاية الصبح لما جربتها ولاقيتها مشيت كويس
ومن ساعتها وانا قولت مش غاسل الموتور تاني ابدنننننننن

[ahmedismael]

الدخان اللى طلع من العربية نتيجة تعرض الجاز للسخونية بتاعة الموتور
ودة عادى بس المشكلة ان الموتور بتاعى لسة منضفش اعمل اية وانا مش عجبنى فعلا منظرة

[engoss1990]

اعتقد بيبقى فى غسيل جاف فى اى بنزينه فيها(car care)

[MMamdouh]

خللى العامل يغسل المنطقة اللى مضايقاك كويس بالجاز لو عليها شحم او زيت الاول و بعدين يبقى يكمل غسيل الجاز و الهوا ثم مية و صابون

MMamdouh

[ahmedismael]

خللى العامل يغسل المنطقة اللى مضايقاك كويس بالجاز لو عليها شحم او زيت الاول و بعدين يبقى يكمل غسيل الجاز و الهوا ثم مية و صابون

MMamdouh

المشكلة انى مكنتش مطمن من المرة اللى فاتت اعمها تانى
انا بسمع ان فى غسيل بالفوم بس ودة امان للموتور

[Sherif Khalifa]

انا بغسل بمياة و فوم

المهم اتئكد من تغطية الموبينة

[MMamdouh]

المشكلة انى مكنتش مطمن من المرة اللى فاتت اعمها تانى
انا بسمع ان فى غسيل بالفوم بس ودة امان للموتور

انا جبت الفوم قبل كدة... و حسيت انى رميت فلوسى على الارض

MMamdouh

[Sherif Khalifa]

انا قصدى على فوم هنا
رغوة صابون الى فى المحطة

[wesam_salom]

المشكلة انى مكنتش مطمن من المرة اللى فاتت اعمها تانى
انا بسمع ان فى غسيل بالفوم بس ودة امان للموتور

انا معايا نوبيرا 2006

بغسلها عادى بميه وجاز بخرطوم الضغط

بس بيقلل ضغط المياه

وعادى مفيش مشاكل

المهم انه ميستخدمش ضغط شديد جدا ممكن حاجه من السلوك او الفيش تبوظ

غير كده براحتك ومتقلقش

وطبعا الدخان ده اساسى لحد الجاز ما يطير

[ElKattan]

الدينامو

أنا شايف ان تغطية الدينامو أهم من تغطية الموبينا لأن الدينامو مكشوف يعني المياه ممكن توصل للملف و الكتاوت والمكونات الاخرى
انما الموبينة متقفلة فيبر كويس.

[samirayad]

أنا شايف ان تغطية الدينامو أهم من تغطية الموبينا لأن الدينامو مكشوف يعني المياه ممكن توصل للملف و الكتاوت والمكونات الاخرى
انما الموبينة متقفلة فيبر كويس.

+1111 وياريت برضه عدم أستعمال الجاز أو السولار فى نظافة الأماكن اللى فيها خراطيم كا وتش ( مثل منظومة تبريد المحرك ).......لأن المواد دى بتعمل تشققات فى الخراطيم الكاوتش عامة .................دا غير لأنها بتجير (بفتح الجيم ) المواد المصنعه من الفيبر

[gomha]

+1111 وياريت برضه عدم أستعمال الجاز أو السولار فى نظافة الأماكن اللى فيها خراطيم كا وتش ( مثل منظومة تبريد المحرك ).......لأن المواد دى بتعمل تشققات فى الخراطيم الكاوتش عامة .................دا غير لأنها بتجير (بفتح الجيم ) المواد المصنعه من الفيبر

كلام مضبوط الافضل عدم استخدام الجاز لانة بتلف الخراطيم الكاوتش تنشف وبعدين تتشقق استخدم المياة والصايون فقط اذا كان ضرورى غسيل الموتور غير كدة استخدم الهواء فقط لابعاد الاتربة وعلى العموم حاليا غالبية السيارات الحديثة تاتى الان بغطاء للموتور

[ahmedismael]

انا شفت حاجة بردة انا شايف انها مفيدة
بعد غسيل العربية من تحت بيترش جاز مع الهوا بحيث ان كل الاجزاء اللى تحت تتغطى بالجاز طبعا سئلت العامل قلى علشان مقاومة الصداء وتليين العافشة
مش متاكد طبعا من كلامة بس ممكن .

[MMamdouh]

مع السخونة الجاز حيتبخر و تبقى ريحة العربية و ريحتك انت شخصيا جاز... دا غبر ان الجاز على جسم الموتور حيلم تراب

MMamdouh