زرار Hold و Power بالفتيس الاوتوماتيك

[amr_shaaban]

لو سمحتم عاوز اعرف فايدة زرار الHold و زرار ال Power بالفتيس الاوتوماتيك في النوبيرا..... و زرار ال power عندي مش بيعمل اي حاجة و مش بينور في الطبلوة ايه ممكن يكون السبب؟؟؟

[moudy88]

عربيتك نوبيرا بريميوم كوري صح ولا لا؟ لاني معايا النوبيرا المصري مافيهاش لا hold ولا اوفر درايف ولا shift lock وعموما انا اعرف ان زرار hold بيثيبت النقله يعني الفتيس مابينقلش للنقله التاليه علشان تاخد اقصى عزم ....وانا ماعرفش زرار الباور ايه ؟؟ بس لو انت قصدك على الاوفر درايف ده بيريح العربيه على السرعات العاليه الثابته على الطرق السريعه مثلا يعني زي نقله خامسه علشان الماتور ياخد راحته ويجري ...انما لا يستخدم على السرعات المنخفضه والغير منتظمه لانك على هذه السرعات بتحتاج عزم كبير....وبالنسبه لزرار ال shift lock ده علشان يفك نقلات الفتيس ويخليك تنقل الفتيس لو العربيه عطلت

[HERO_MTN]

انا بردوا معايا نوبيرا اوتو 2006

بس مفيهاش الكلام ده خالص

[amr_shaaban]

هيا فعلا كوري بريميوم ...بس زرار هولد مش بيثبت نقلة ولا حاجة بس بحسة بيغير حاجة في طريقه نقل الفتيس...........اما الباور فمش بحس انة بيعمل اي حاجة خالص

[moudy88]

هيا فعلا كوري بريميوم ...بس زرار هولد مش بيثبت نقلة ولا حاجة بس بحسة بيغير حاجة في طريقه نقل الفتيس...........اما الباور فمش بحس انة بيعمل اي حاجة خالص

بص انا هحاول افهمك اكتر زرار الهولد بيعمل ايه على حسب تجربتي في عربيات كتير .....لو انت ماشي على النقله الرابعه على سرعه 90 ...واحتجت عزم كبير علشان تطلع من عربيه تانيه هتدوس الهولد هيقوم مسقط نقله ويبقى على التالت ويجيب اقصى عزم للنقله وبيثبت على النقله ولازم تطفيه علشان تجيب الرابع تاني.....

[tawfik2255]

لو سمحتم عاوز اعرف فايدة زرار الHold و زرار ال Power بالفتيس الاوتوماتيك في النوبيرا..... و زرار ال power عندي مش بيعمل اي حاجة و مش بينور في الطبلوة ايه ممكن يكون السبب؟؟؟

[justify]
السلام عليكم

شوف انا عندي نوبيرا زي الي عندك تمام لهدا انا اعرف طبيعة الازرار دي
الHold هو زر ما ايخليش المكنة تدور كتير يعني اول ما توصل لحد رقم 3 تغير الي بعدها
وذلك لاقتصاد الوقود
ال power يخلي عزم الدوران اكتر بعني ما ايخليش المكنة اتغير الا على سرعة دوران عاليا و هدا من سابق تجربة و انا في الخدمة .[/justify]

[Ahmed Hassan]

بالنسبه للهولد شوف اللينك ده

http://www.nilemotors.net/Nile/90372-hold-2.html

الباور مش بيخلي العربيه تنقل من نقله للنقله اللي بعدها غير لما الموتور يوصل لاعلى عدد لفات مسموح بيها داخل نطاق النقله.

يعني مثلا لو الاول آخره 45 كم/س و التاني 80 كم/س مش هينقل من الاول للتاني غير على سرعة 45... و مش هينقل من التاني للتالت غير على سرعة 80 و قيس على كده باقي السرعات.

الهدف هنا هو الحصول على اعلى عزم و تسارع للعربيه بس على حساب النعومه و استهلاك البنزين