طريقة عمل الايدل ليرن

[sokoman]

استاذ ممدوح ... جزاك الله خيرا على مواضيعك القيمة ......

معلش عندى سؤالين ..... حضرتك بتيجى الرحاب امتى علشان الاستيكر .... و ثانيا ..... لو التكييف بايظ .. بنفع أعمل الأيدل ليرن برضو ؟؟!!!

[hosar]

الف شكر يا باشا

[MMamdouh]

استاذ ممدوح ... جزاك الله خيرا على مواضيعك القيمة ......

معلش عندى سؤالين ..... حضرتك بتيجى الرحاب امتى علشان الاستيكر .... و ثانيا ..... لو التكييف بايظ .. بنفع أعمل الأيدل ليرن برضو ؟؟!!!

مفيش ميعاد محدد... ابعتلى رقمك على الخاص بحيث لما ابقى رايح اكلمك و نضبط مواعيدنا مع بعض

لو التكييف بايظ ينفع تعمل الايدل ليرن عادى بس طبعا مش حتعمل الجزء الخاص بتشغيل التكييف

MMamdouh

[mohfud]

أستاذ ورئيس قسم يا هندسة

[TAG_Turbo0]

هو الموضع ده لأى عربية ولا للانوس بس؟

[MMamdouh]

اى عربية انجكشن

MMamdouh

[محمد الشامي]

ازيك يا استاذ محمد :-)

من كام يوم كنت بتصفح احد المواقع الاجنبيه المتخصصه في السيارات و وجدت طريقه اجراء الايدل ليرن

وهي فيها بعض اختلافات عن الطريقه اللي احنا بنتبعها هنا , وحبيت انقلها لموضوعك لعلها تفيدنا بشئ جديد او تثبت عدم صحتها

والطريقه كالأتى :-





واكيد منتظر منك دعمك للكلام ده او رفضك التام له , لاني بثق في رأيك :-)

وتقبل خالص تحياتي واحترامي , و عيد سعيد عليك وعلينا ان شاء الله

[MMamdouh]

بص... دايما ختلاقى بعض الاختلافات بس فى النهاية الاساس واحد... فتح و قفل الكونتاكت عشان الكونترول يحرك بلف الايدل كذا مر و ياخد وضع البداية ثم ادارة على السلانسية فترة بالتكييف و بدون لضبط الوضع الامثل لسرعة السلانسية فى الحالتين بالتالى الخطوات المذكورة مفيش فيها مشاكل

MMamdouh

[محمد الشامي]

الله ينور عليك , انا بس لما لقيت اختلاف في المدد الزمنيه للفتح والقفل خاصه مع التكييف فقولت بردو اقولك يمكن نطلع بمعلومه جديده تفيدنا كلنا

متشكر ليك يا استاذي :-)

[mahmoudysf]

بيتهايالي الاختلاف مش كبير
وهو عدد اداراة واغلاق المحرك 2 بدل 3

[karimfahmy99]

ترجمة الطريقة يارب تكون صح :

1- افتح الكونتاكت لمدة خمس ثوانى ( بدون دوارة )

2- اغلق الكونتاكت لمدة خمس ثوانى

3- افتح الكونتاكت لمدة خمس ثوانى

4- دور العربية و هى فى وضع المور او الركن p بالنسبة للاوتوماتك

5- سيب العربية دايرة حتى تصبح قراءة العداد فوق 85 درجة يعنى قبل الشرطة الوسطانية

6- شغل التكيف 10 ثوانى اذا كانت السيارة بها تكييف

7- اغلق التكييف و انتظر 10 ثوانى

8- بالنسبة للسيارات الاوتوماتك انقل على الوضع d مع الضغط على الفرامل . بالنسبة للمانيوال اضغط على الفرامل

9- و انت ضاغط على الفرامل شغل التكييف 10 ثوان اذا كان فى تكييف

10- اغلق التكييف و انتظر 10 ثوانى

11- اطفى الموتور و بكدة اتممت عملية الايديال ليرن


اللى مش فاهمة و مش ذاكرة عند النقطة 8 بعد تشغيل التكييف فى النقطة 9 و طفية هل برضة وقتها نشيل رجلنا من على الفرامل ؟؟؟؟ يعنى عند النقطة 10 المفروض العربية حرة لا تكييف و لا فرامل قبل ما نطفى العربية

فى انتظار رد المعلم الكبير

[محمد الشامي]

بيتهايالي الاختلاف مش كبير
وهو عدد اداراة واغلاق المحرك 2 بدل 3

والتكييف كمان

[dramir1]

لو مش متأكد ان الايدل ليرن عندي تمام افصل كابل البطاريه اد ايه عشان اعمل ايدل ليرن جديد

[karimfahmy99]

تفصل خمس دقايق و تركب و تعمل الايديال كونترول

[karimfahmy99]

انا حصلي اول ما جبت العربية ان قشاط البطارية كان سايب شوية وكان كل شوية مع المطبات يتخلع من مكانه..فكنت اروح اركبه كده اي كلام وادور العربية تدور عادي خالص والصوت عادي جدا والسلانسية زي ما هو عند اول شرطة بعد التسخين طبعا...الموضوع ده حصل معايا يجي اكثر من 4 مرات ورا بعض ...وبعدين اشتريت زرادية وقرطت على القواشيط وبعدها البطارية مفصلتش تاني....

ايه تفسير حضرتك للي حصل معايا ده...وليه العربية صوتها معليش او السلانسية اتغير...

مع خالص شكري

انت مفكيتش الكونترولر من مكانة... صح؟

mmamdouh

لأ مفكيتوش

عشان كدة محتاجش اى تعديل فى شغلة

mmamdouh

انت بتحتاج تعمل ايدل ليرن لو فكيت الايدل كونترولر فقط

mmamdouh

ترجمة الطريقة يارب تكون صح :

1- افتح الكونتاكت لمدة خمس ثوانى ( بدون دوارة )

2- اغلق الكونتاكت لمدة خمس ثوانى

3- افتح الكونتاكت لمدة خمس ثوانى

4- دور العربية و هى فى وضع المور او الركن p بالنسبة للاوتوماتك

5- سيب العربية دايرة حتى تصبح قراءة العداد فوق 85 درجة يعنى قبل الشرطة الوسطانية

6- شغل التكيف 10 ثوانى اذا كانت السيارة بها تكييف

7- اغلق التكييف و انتظر 10 ثوانى

8- بالنسبة للسيارات الاوتوماتك انقل على الوضع d مع الضغط على الفرامل . بالنسبة للمانيوال اضغط على الفرامل

9- و انت ضاغط على الفرامل شغل التكييف 10 ثوان اذا كان فى تكييف

10- اغلق التكييف و انتظر 10 ثوانى

11- اطفى الموتور و بكدة اتممت عملية الايديال ليرن


اللى مش فاهمة و مش ذاكرة عند النقطة 8 بعد تشغيل التكييف فى النقطة 9 و طفية هل برضة وقتها نشيل رجلنا من على الفرامل ؟؟؟؟ يعنى عند النقطة 10 المفروض العربية حرة لا تكييف و لا فرامل قبل ما نطفى العربية

فى انتظار رد المعلم الكبير

استفسار تانى

فى كذا رد زى منتا شايف بتقول لو مفكتش الكنترولر يبقى مش محتاج تعمل حاجة مع ان كابل البطارية كان بيتشال . و فى اخر موضوع للاخ محمد الشامى كاتبين ( فى حالة فصل كابل البطارية او فك الكنترولر او تغير فيوز الكنترولر لازم تعمل ايديال ليرن ) اية الصح يا كبير