اللانوس خنقتني بجد

[nasroo]

و اخر سؤال: انت لينت العربية ازاى؟؟

MMamdouh

هي المفروض تتلين ازاي وهل في فرق بين تليين الزيرو والتليين بعد العمرة

بالنسبة لباقى الاعضاء:

اللانوس بتجيب من صفر الى 100 فى 12.5 ثانية و بتجيب لحد 180 (تجربة شخصية) و يمكن اكتر (تجارب اخرين) و بالتالى اللى عربيتة مبتقدرش تحقق الرقمين دول يبقى اما عربيتة فيها مشكلة او طريقة سواقتة مش صح

MMamdouh

بس تحقيق الارقام دي بالحرق مش كده؟
وايه هي طريقة السواقة الصح اللي تاخد منها اداء كويس من العربية

[MMamdouh]

هي المفروض تتلين ازاي وهل في فرق بين تليين الزيرو والتليين بعد العمرة

http://www.mototuneusa.com/break_in_secrets.htm

بس تحقيق الارقام دي بالحرق مش كده؟

اكيد

وايه هي طريقة السواقة الصح اللي تاخد منها اداء كويس من العربية

الاجابة تعتمد على تعريف مصطلح "اداء كويس"... ارجو التوضيح

MMamdouh

[nasroo]

http://www.mototuneusa.com/break_in_secrets.htm

MMamdouh

ياااه ده الواحد كان فاهم ان التلييين لازم يبقى على الهادي لكن الراجل ده بيقول انه مجربه في 300 محرك وبيحرق في التليين بس هو بيقول انك عشان تحرق كويس يكون بعد 104 كم يعني الحرق هيبقى على الرابع بس . صح كده ولا انا فهمت غلط
والتليين للعمرة زي الجديد برضه عشان هو ماقالش حاجة عن العمرة

الاجابة تعتمد على تعريف مصطلح "اداء كويس"... ارجو التوضيح

اقصد انك تحس بسحب جامد للعربية وتسارع عالي بدون خطر على الموتور او اي جزء تاني للعربية في درجة الحرارة العادية

[waleed_home]

يا جماعة العربية من ساعة ما جبتها و السحب بتاع العربية سئ

بص يا باشا انا كان عندى نفس المشكلة بتاعتك اول ما اشتريت العربية وكانت عاملة 53 الف كيلو كانت مشكلتها انى لما بعدى على مطب العربية بتموت بعديها علشان تسحب تانى وكان كل العربيات الجاية وراية هاتك يا كلاكسات ، المهم عملت شوية صيانات حسنت كتير من اداء السيارة وحسنت السحب جدا وهى :
1- تغيير فلتر البنزين و فلتر الهواء بالنوع الأصلى
2-تغيير البوجيهات بنوع NGK bpr6es
3-تغيير سير الكاتينة
4-اضافة منظف رشاشات من نوع رابيدو
5-بعدها بفترة حطيط منظف رشاشات موبيل

واخر حاجة فرقت مع العربية جدا فى كل حاجة هو تغيير الموبينة بواحدة جديدة اصلية طبعا الموضوع ده بان فى سرعة الدوارة (من اول تكة) و فى السحب (ذاد جدا)

وربنا يوفقك

[ahmedhilmy]

كبير اللانوسية محمد بيه كنت منتظر ردك بالنسبة للتلين انا واخد العربية من اخويا كانت معاه من الزيرو و ساعة ما اخدتها كانت عاملة 100 و شوية الف طبعا معرفش طبعا هو لين ازاي بس انا اخدتها غيرت كل السيور و الفلاتر الموجودة دي حاجة سؤال بقي بالنسبة لموضوع الماسورة دي الراجل امبارلاح قللي انها هتعلي صوت العربية راي حضرتك ايه و ربنا يديمك لينا

[ahmedhilmy]

نسيت اقول ان الفلاتر ة السيور عامل عليها 3000 و البوجيهات لسه مغيرها امبارح بنوع اسمه دنسو هو و سلوك البوجيهات كمان

[abaza1]

انا معايا العربية الحمد لله شديدة وبتسحب زى الفل وهية موديل 97 وانا اخر مرة جايب بيها 190 ومحصلش حاجة
ماشية 230000

[dr_mak]

لو قصدك على التجميع،،،الدايو بصفه عامه تجمعها بطئ ...الانوس عايزه هداوه في السواقه شويه

[elwad_crazy]

الانوس مش هاديه ولا حاجه
انت لو عاوز تقرص وتشد مش هتقولك لاء
بس عشان تجري وتسحب معاك لازم تحرق على الغيارات
يعنى انا لما بجري بيها بحرق الغيار الاول بجيب بيه 40 والتانى80 والتالت بقي شغاااااااال

[abzoabzo]

ماتعمل اسكنر على العربية

[ehab4367]

انت لينت العربية ازاى؟؟

mmamdouh

اول الف كيلو مكنتش بعدى ال 90 كم

[MMamdouh]

يبقى متتوقعش من العربية دى اكتر من كدة

MMamdouh