صوت طرمبة البنزين مصاحب بضجيج فى اول دوارة

[محمد فريد]

صوت طرمبة البنزين مصاحب بضجيج فى اول دوارة وبعد كده مفيش ضجيج
يعنى لو خرجت من البيت مثلا العصر وكانت العربية دايرة الصبح وريحت شوية فى اول دوارة بسمع الصوت اللى بيرج الكنبة ولكن لما افصل الكونتاكت واشغل تانى ماسمعش الصوت الوحش ده بيبقى الصوت عادى

[toshipa]

اللى اعرفه فى حدود علمى لانه كان حصل معى فى سيارة لانوس ان صوت طرمبة البنزين طالما على تبقى داخلة على بوظان (تلف ) وفعلا قمت بتغييرها الكلام ده كان من 4 سنوات وهى مش مكلفة وممكن تلاقى اسعار الجديد والمستعمل على حسب الامكانات فى المنتدى وانتظر راى الاخوة ممكن يكون هناك راى اخر نستفيد منه
بس ماتنتظرش كتير وخصوصا لو سفر باليل لان الطرمبه ممكن تعملها معاك فى طريق صحراوى مثلا ويكون معاك اطفال
لان الميكانيكى هو اللى قال لى هذه المعلومه ان طالما سمعت صوت الطرمبه غيرها لو عالى

[samirayad]

صوت طرمبة البنزين مصاحب بضجيج فى اول دوارة وبعد كده مفيش ضجيج

حل شلتة الكنبه الخلفيه ......وطلع الطلمبه وراجع على خراطيم سحب وطرد الطلمبه (الخراطيم راكبه على الطلمبه من أعلاها ) حتلاقى خرطوم السحب بالذات عاوز يتربط كويس أو مقطوع من حول القفيز وعاوز يتأمن أو يتغير وهكذا..........فى الغالب هو ده اللى بيعمل الضجيج فى بداية الدواره

[محمد فريد]

شكرا يا باشمهندس سمير هشوف وأقول لحضرتك

[samirayad]

شكرا يا باشمهندس سمير هشوف وأقول لحضرتك

ربنا يوفق يا أستاذ / محمد.....................

[kareembelal]

حل شلتة الكنبه الخلفيه ......

لو سمحت يا باش مهندس الشلته دي بتتحل ازاي

ومثبته بايه في العربيه والضهر بتاعها كمان بيتحل ازاي

لاني حاولت قبل كده ولقيتها جامده وقولت اسأل الاول وإلا اكسر حاجه

وشكرا لسيادتكم

[samirayad]

لو سمحت يا باش مهندس الشلته دي بتتحل ازاي

فى النوبيرا ليها كلبسات ضغط .....وبتترفع لفوق من قدام وبعد كده بتتشال........

_ أنا قريت عنها فى الانوس ( الوضع فيه أختلاف بسيط ) فيه مسمار تقريبا فى سدرها من تحت لازم يتحل الأول وبعد كده الباقى زى النوبيرا...........دور على المسمار ده الأول ( لأن أنا بأكلمك عن الانوس من خلال الأطلاع النظرى ......بس النوبيرا عملى )...................

[QUOTE]

ومثبته بايه في العربيه

لاني حاولت قبل كده ولقيتها جامده وقولت اسأل الاول وإلا اكسر حاجه

كويس أنك سألت الأول ......علشان المسمار ده اللى عاكسك وأنت بتحاول ترفعها من مكانها..............

والضهر بتاعها كمان بيتحل ازاي

نجى بقه للضهر......

_ فى النوبيرا .....فيه مسمارين من جوه الشنطه ( هما رخمين شويه فى حلهم ....والمفتاح البيبه بيحلهم كويس )......وخللى بالك لايقع الصواميل أو حاجه وأنت بتحل من داخل الشنطه .......أصل حلهم الصراحه رخم شويه وتعبنى معاه .....وأنا بأركب فرش كان عندى..........

_ أعتقد حيكون الانوس نفس الوضع بالنسبه للضهر ( لأن ده المنطقى )........وأكيد فيه أخوه من اللى معاهم لانوس .......حيصححوا معلوماتى دى....بالنسبه لوضع الانوس ........بس النوبيرا ( ده عن تجربه )

[kareembelal]

شكرا علي الرد والاهتمام يا باش مهندس

لكن انا فعلا بسأل عن اللانوس ومنتظر المعلومات الاكيده عن اللانوس من الاخوه الأفاضل

[محمد فريد]

لا الكنبة ملهاش اى مسامير هى فيها رجلين من قدام زى محضرتك قولت بس لازم تدوس لتحت ثم للداخل ناحية الظهر يعنى وترفع عادى

[vodanet]

عندى نفس الموضوع فى البوينتر والسحب ضعيف تخت ار بى ام تلاته
هل كده اغبر الطرمبه على طول ولا ممكن تتصلخ مع العلم لسه مغيرها من سنه بوش

[محمد فريد]

ياه ده انا غيرتها بعدها بمفيش اسبوع والطرمبة ركنت جب واحدة صينى جديدة
السحب احد اسبابه الهامة جدا الطرمبة وتيجى تدوس بنزين تحس انك بتدوس على الفاضى صح؟

[mummy_47]

سؤال للباش مهندس سمير...هي ايه اعراض تلف طرمبة البنزين في النوبيرا..غير صوت الضجيج لاني بقفل الزجاج ومش بسمع حاجة....عشان اعرف اركز في الطريق ..وهل ممكن تغيير الطرمبة من باب الوقاية واتقاء المخاطر..

مع خالص شكري وتحياتي

[vodanet]

ياه ده انا غيرتها بعدها بمفيش اسبوع والطرمبة ركنت جب واحدة صينى جديدة
السحب احد اسبابه الهامة جدا الطرمبة وتيجى تدوس بنزين تحس انك بتدوس على الفاضى صح؟

بحس ان كمية البنزين الى بدوس عليها برجلى على الدواسه بتاعت البنزين قليله مبتستب بسرعه بالسحب بتاع العربية بطيئة جدا
وفى اول الكونتكت بسمع صوت الطرمبة زى صوت ززززززززززززز ثلات ثوانى ويفصل