حد ينصحنى

[hanan_m]

نفسى حد يقلى اشترى لانوس ولالالالالالالالالالا ولماذا
وشكرا

[ehab4367]

جديد ولا مستعمل؟؟
طب انت متردد بسبب اية؟؟

[compuland]

بصراحة مش عارف ابدأ منين
عربيه من الاخر كل حاجة فيها حلوة
شكلها حلو
اوبشن معقول جدا على سعرها
قطع غيار رخيصة ومتوفرة فى كل الدنيا اصلى واستيراد وكل حاجة
موتورها سهل فى الصيانه
كل الميكانيكيه دلوقتى بيفهمو فيها
سرعتها على الطريق كويسه
ثباتها كويس جدا
سعر اعاده بيعها كويس

من كتر ما العربيه حلوة اشترتها جنرال موتورز وبتصنعها باسم شيفروليه لانوس
بقالها فى السوق بتتصنع من 15 سنه

مافيش عربيه فيها كل ده
عن نفسى معايا لانوس 99
وكنت بفكر ابيعها واجيب شيفروليه لانوس من كتر منا بحب العربيه

هتقولى عايز تبيع ليه وهتركب هيه هيه نفس العربيه

هقولك عشان بجد مافيش عربيه فيها كل المميزات ديه
وعلى رأى سيد ليسفر
الكديد كديد يا معلم

[ehab4367]

peace ya man

[swimmer25]

قدامك قسم الدايو كله وباقي الاقسام
مادام انت ناوي تشتري عربية يبقي لازم تقتل الموضوع بحثا من حيث الخواص اللي انت عايزها في العربية ومقدرتك الشرائية
والمنتدي هنا فعلا فيه كمية معلومات كتيرة جدا عن كل انواع السيارات اكتر كمان من لو سالت اصحابك او معارفك لانهم في الاخر اقل من اعضاء المنتدي ومش كلهم عندهم كل العربيات
تشتري عربية يعني هتدفع فلوس كتير يبقي لازم تقعد وقت كبير تدور وتنقي اللي يتناسب معاك

ممكن راي انسان مننا يكون مناسب ليه هو بس مش ليك
وبالتالي لازم تعرف كل الاراء

وهنا كمان فيه قسم المقارنات ممكن تلاقي مقارنات عربيات كتير
وادخل علي كل اقسام السيارات اللي تناسبك في السعر واعرف مزاياها وعيوبها
بس خد بالك بالنسبة للدايو احنا هنا بنحكي عن جميع جميع جميع المشاكل اللي ممكن تقابلنا في عربياتنا فهتلاقي مواضيع كتير وذلك للعدد الكبير اللي عنه عربيات دايو

وبالتوفيق ان شاء الله
مهم جدا جدا (اهم حاجة صلاة الاستخارة ثم تبحث ثم تتوكل علي الله بعد البحث طبعا)