السنتر بيفتح لوحده ليييييييييه؟؟؟

[kareembelal]

السلام عليكم ورحمة الله وبركاته

النهارده بعد صلاة العصر تحديدا حصلت حاجه غريبه في العربيه

انا مركب جهاز انذار SUN - IV قفلت العربيه كالعاده ولقيتها بعد خمس ثواني تقريبا فتحت لوحدها ثلاثة ابواب خلاف باب السائق بيفضل قافل

فصلت جهاز الانذار نهائي وقفلت بالمفتاح حصلت نفس المشكلة تقفل عادي وتفتح تاني لوحدها البابين اليمين والشمال الخلفي فقط

وساعات بسمع صوت في الباب الشمال امامي شبه ترس مفوت كده

العربيه لانوس 2008

منتظر المشوره لان الموضوع ده شاغلني وممكن العربيه تتسرق بالشكل ده

وشكرا للجميع

[wesam_salom]

دى مشكله فى السنتر مش فى الانذار

حاول تفصله لحد ما تروح لكهربائى يشوف المشكله واقفل الابواب من غير سنتر

علشان الابواب متفتحش لوحدها ويحصل حاجه

انا كانت عندى المشكله دى فى النوبيرا كان بسبب ميه دخلت فى كتاوت السنتر بس عندى كنت بقفله يفتح الابواب كلها

وفى انتظار رأى باقى الزملاء

[kareembelal]

دى مشكله فى السنتر مش فى الانذار

حاول تفصله لحد ما تروح لكهربائى يشوف المشكله واقفل الابواب من غير سنتر

علشان الابواب متفتحش لوحدها ويحصل حاجه

انا كانت عندى المشكله دى فى النوبيرا كان بسبب ميه دخلت فى كتاوت السنتر بس عندى كنت بقفله يفتح الابواب كلها

وفى انتظار رأى باقى الزملاء

طيب انا افصل السنتر ازاي ؟؟

وفين الكتاوت بتاعته دي لاني فعلا لسه غاسل العربيه النهارده بسبب التراب والريح الجامده دي

وشكرا لاهتمامك

[aratux]

ممكن الكهربائى اللى ركب الإنذار لعب فى حاجة؟؟
(ده لو مركب الإنذار جديد)
إرجعله خليه يبص على توصيلاته تانى

[kareembelal]

ممكن الكهربائى اللى ركب الإنذار لعب فى حاجة؟؟
(ده لو مركب الإنذار جديد)
إرجعله خليه يبص على توصيلاته تانى

الانذار راكب من سنه تقريبا والمشكله دي حصلت النهارده بس

[wesam_salom]

طيب انا افصل السنتر ازاي ؟؟

وفين الكتاوت بتاعته دي لاني فعلا لسه غاسل العربيه النهارده بسبب التراب والريح الجامده دي

وشكرا لاهتمامك

لو العربيه كامله يعنى نازله بالسنتر شيل الفيوز بتاعه من علبه الفيوزات هتلاقى مكتوب عليه door lock

بالنسبه للكتاوت عندى كانت فى الدواسه مكان ecu بس فى الشمال تحت رجلى

والانذار كان فى الكونسول تحت الدركسيون بس دول الفابريقيه بتوع العربيه

[toshipa]

المشكلة دى حصلت معايا بعد ماغسلت العربية من فترة وفعلا ماكنتش عارف اعمل ايه فقلت ممكن تكون فيه ميه دخلت على حاجة خاصة بالسنتر وانتظرت مع العربية ييجى ساعة وانا محتار لان كل ماقفل العربية الاقيها تفتح لوحدها وفعلا شكى كان فى محله فتحت الاربع ابواب ونفخت فى الكاوتش الاسود اللى هو خاص بالسنتر اللى مركب فى الابواب وبعد فترة قلت اجرب لقيته قفل والحمد لله

[kareembelal]

انا نزلت للكهربائي وشرحتله الموقف وقاللي هات اجرب وقفل العربيه ما فتحتش تاني


وجرب كذا مره ما فتحتش قاللي السبب في الغسيل وربنا ستر لان الموضوع ده وحش جدا

شكرا لكل من شارك بالموضوع

[toshipa]

الف مبروك

هوفعلا السبب الغسيل وماتكترش ميه فى الغسيل بعد كده وخصوصا فى الاماكن اللى ممكن يتواجد فيها وصلات

[waleed_home]

هو فعلا المياه بتدخل لطبلة الباب الكهربائية اثناء الغسيل من زجاج الأبواب بسبب ضعف احكام الشريط الكاوتش على الزجاج وفعلا الدنيا بتتلغبط فترة لحد المياة ما تنشف .
وممكن تتغلب على المشكلة دى بلصق سوليتب عريض على شريط الزجاج قبل الغسيل لمنع تسرب الماء الى داخل الأبواب

[kareembelal]

الف مبروك

هوفعلا السبب الغسيل وماتكترش ميه فى الغسيل بعد كده وخصوصا فى الاماكن اللى ممكن يتواجد فيها وصلات

هو فعلا المياه بتدخل لطبلة الباب الكهربائية اثناء الغسيل من زجاج الأبواب بسبب ضعف احكام الشريط الكاوتش على الزجاج وفعلا الدنيا بتتلغبط فترة لحد المياة ما تنشف .
وممكن تتغلب على المشكلة دى بلصق سوليتب عريض على شريط الزجاج قبل الغسيل لمنع تسرب الماء الى داخل الأبواب

شكرا جزيلا علي الاهتمام ويراعي ذلك مستقبلا

[pro_samir]

نفس الكلام دة حصل معايا اخر مرة كانت الدنيا بتمطر مطرة جامدة

وأحلى تهييس بقيت ماشى السنتر كل شوية يفتح ويقفل لوحدة وصوت زنة فى باب من الأبواب وتيجى تقفل بالمفتاح باب واحد اللى يقفل والباقيين لأ لازم تقفلهم مانيوال وحاجة اخر دلع

[msobhy]

نفس الكلام دة حصل معايا اخر مرة كانت الدنيا بتمطر مطرة جامدة

وأحلى تهييس بقيت ماشى السنتر كل شوية يفتح ويقفل لوحدة وصوت زنة فى باب من الأبواب وتيجى تقفل بالمفتاح باب واحد اللى يقفل والباقيين لأ لازم تقفلهم مانيوال وحاجة اخر دلع

نسخة طبق الاصل من اللى بيحصل عندى
أقفل الباب اللى جنبى كل الابواب تفتح
أقفل العربية بالانذار اسمع زن ووراه وأبواب تتقفل وتتفتح

[abzoabzo]

هو فعلا المياه بتدخل لطبلة الباب الكهربائية اثناء الغسيل من زجاج الأبواب بسبب ضعف احكام الشريط الكاوتش على الزجاج وفعلا الدنيا بتتلغبط فترة لحد المياة ما تنشف .
وممكن تتغلب على المشكلة دى بلصق سوليتب عريض على شريط الزجاج قبل الغسيل لمنع تسرب الماء الى داخل الأبواب

كلام جميل بس ها تعمل ايه بقى فى الكسل