الريداتير الجديد بايظظظظظظ

[memoo305]

الجمعة إلي فاتت إشتريت من عند نافع إلي في شارع دمشق ريداتير جديد مفروض أن كوري (طلع صيني) تمنه 240 ج ركبته وركنت العربية بعد 3 أيام رجعت لقيت بقعة خضراء كبيرة تحت العربية ومالقتش ولا نقطة مياه في القربة.زودت مياه لقيت الريداتيير نازل منه المياه زي الدش لما فكيته لقيت الموسير فيها 4 أماكن للتسريب
مش عارف أرجعة ولا أستعوض ربنا في الفلوس؟؟؟ على عموم خدو بالكو من اليداتيير إلي عند نافع

[Shiref_mohamed]

المفروض ان نافع من اكبر محلات قطع الغيار في البلد وحاجه زي كده تسؤ سمعته ..
حاول تروحله بالعربية او تفكه وتروحله بيه تاني وقله الريدياتير الى اخته منك فيه عيب صناعه وان شاء الله ممكن يرجعهولك او يبدله بواحد تاني على الأقل..
وبعدين الريدياتير الأصلي بتاع اللانوس عامل 380 جنيه تقريبا وبرضه فيه ناس جابته وبتقول ان خامته وحشة ومش بيعيش