ماهو الاختلاف بين النوبيرا المتعارف عليها هنا فى مصر والنوبير بريميم ؟؟

[hossam_elwani]

ماهو الاختلاف بين النوبيرا المتعارف عليها هنا فى مصر والنوبيرا بريميم ؟؟

[Shiref_mohamed]

النوبيرا البريميوم فيها الحاجات ديه زيادة على النوبيرا المتجمعه في مصر ام الدنيا

اير باج ، Abs ، تكييف تاتش ، كاسيت تاتش ، جنوط سبور 15 ، تابلوه مطعم بالأبانوس ، طارة ملتي فانكشن ، إيموبلايزر ، فرش جلد جميل جداً

[wesam_salom]

هناك فرق بين النوبيرا بريميوم 1500 سى سى

والنوبيرا 2 المصرى او المستورده 1600 سى سى 2 كامه

غير طبعا كل اللى استاذ شريف قال عليه

[hossam_elwani]

ممكن صور ليها...

[zocor742]

على فكرة ياجماعة مش كل البريميوم فيها abs وواير باج وتكييف تاتش مش كل الموديلات حسب الكماليات و بالنسبة للطارة المالتى فانكشن انا الصراحة مشوفتهاش خالص فى اى نوبيرا بس الى شوفتها بيكون صاحبها هو الى مزود عاليها وحدة تحكم فى الكاسيت طبعا برة مصر وبتيجى زى ماهى ممكن حد يفتكرها مالتى فانكشن وانا لسة عارف ان النوبيرا البريميوم 1500 سى سى عشان كدة لما رخصت عربيتى الرخصة مكتوب فيها 1550 سى سى مش 1600 بس نوبيرا 1 والمعروف ان النوبيرا 1600مش 1500 انا استغربت بس مشغلتش بالى

على فكرة يا استاذ شريف بعتلك رسالة على الخاص بالنسبة للموضوع بتاعك وصلك ولا لأ

[Shiref_mohamed]

على فكرة ياجماعة مش كل البريميوم فيها abs وواير باج وتكييف تاتش مش كل الموديلات حسب الكماليات و بالنسبة للطارة المالتى فانكشن انا الصراحة مشوفتهاش خالص فى اى نوبيرا بس الى شوفتها بيكون صاحبها هو الى مزود عاليها وحدة تحكم فى الكاسيت طبعا برة مصر وبتيجى زى ماهى ممكن حد يفتكرها مالتى فانكشن وانا لسة عارف ان النوبيرا البريميوم 1500 سى سى عشان كدة لما رخصت عربيتى الرخصة مكتوب فيها 1550 سى سى مش 1600 بس نوبيرا 1 والمعروف ان النوبيرا 1600مش 1500 انا استغربت بس مشغلتش بالى

على فكرة يا استاذ شريف بعتلك رسالة على الخاص بالنسبة للموضوع بتاعك وصلك ولا لأ

وصلت ياباش وشكراً ليك

وعلى فكرة النوبيرا 1 هيا الى فيها كتير 1500
اما النوبيرا 2 البريميوم وديه مواصفات اوروبى كلها 1600

[zocor742]

طيب كويس حضرتك ناوى تعمل اية لو عايز اى حاجة متتحرجش من حاجة انا تحت امرك ياباشا بس خلى الكلام على الخاص

[sayandro]

معلش ياجماعة في تضارب في الأراء لكن إيضاح بسيط لأن انا عندي النوبيرا 2 البريميم الكوري موديل 99 وهي كالأتي
1- المحرك 1500 سي سي او تحديدا 1498 بينما المصري 1600 سي سي او 1598 لكنها 2 كامة اي لها 16 صباب مثل النوبيرا المصري وليست مثل اللانوس 1500 كامة واحدة وطبعا كلنا نعرف الفرق في التشغيل والأداء بين 8 صمامات و 16 صمام وتحديدا هي نفس قطر السلندر ولكن طول المشوار أقل بمقدار فارق السعة اللترية.
2- التكييف تاتش وضبط الحرارة والمروحة وتغيير توزيع الهواء ومبين درجة الحرارة وخلافة مختلف خالص كأنها سيارة اوربية موديل 2008 وليس بكر مثل المصري.
3-الكاسيت كذالك تاتش بواجهة مدمجة مع التكييف في التابلوة تعطي مظهر رائع.
4-التابلوة فعلا و المخادع الجانبية مطعمة بالأبنوس.
5- الفرش والتابلوة والأجناب والسقف ممكن تكون بيج او اسود مثل المصري في السيارات الرمادي وان كان انا سيارتي رمادي بس الفرش بيج بينما المصري اسود فقط ايا كان اللون الخارجي
6- الريدياتير علية مروحة واحدة كبيرة وهي تعمل للتكييف او الريدياتير بينما المصري بها مروحتين أصغر ولكن لم ألاحظ اي تأثير فالحرارة طبيعية جدا مع ملاحظة انني سافرت بها من المنصورة لعملي في شرم الشيخ في عز الحر مع تشغيل التكييف والحرارة كانت طبيعية جدا.

[Samah AbdAllah]

شكرا عالمعلومات والتوضيح
فعلا فى اختلاف عن 2006 اللى معايا

[MMamdouh]

1- المحرك 1500 سي سي او تحديدا 1498 بينما المصري 1600 سي سي او 1598 لكنها 2 كامة اي لها 16 صباب مثل النوبيرا المصري وليست مثل اللانوس 1500 كامة واحدة وطبعا كلنا نعرف الفرق في التشغيل والأداء بين 8 صمامات و 16 صمام وتحديدا هي نفس قطر السلندر ولكن طول المشوار أقل بمقدار فارق السعة اللترية.

اذا معنى كدة اننا ممكن نركب كرنك و بيلات النوبيرا ال1600 فى البريميوم و نرفع السعة اللترية الى 1600 بدون تغيير اى ورق او اثبات اى شىء فى المرور

بس السؤال الاهم... هى المكنة ال 1500 ال 2 كامة بتاعت البريميوم بتطلع كام حصان؟؟

MMamdouh

[sayandro]

الأخ الكريم محمد ممدوح تحياتي انت الحقيقة من الأخوة المحببين لقلبي في هذا المنتدي العظيم لإضافاتك العظيمة الحقيقة موش عارف حكاية تغيير الكرنك والبيلات دة ممكن ولا لأ لكن لو ممكن تبقي 1600 فدة يسعدني جدا علشان السفر الطويل عل الطرق الصحراوية عاوز سرعات أعلي شوية و بالنسبة لكام حصان لم اتوصل حتي الأن لكن المصري تقريبا 106 حصان عند 3800 دورة اكيد ال1500 البريميم هتكون أقل يعني 96 مثلا لأن اللانوس 1500 كامة واحدة حوالي 86 حصان

[khhip]

هل قطع غيار ماتور البريميوم 1600 هو نفسه قطع غيار الماتور 1500 ولا هناك فرق ؟ وهل قطع غيار الماتور 1600 البريميوم متوافة في مصر؟

[zocor742]

على ما اعتقد ان قطع الغيار واحدة ممكن بقى تلاقى اختلاف بسيط فى بعض الاشياء وقطع غيار النوبيرا عمتا متوفرة وهتلاقيها عند البقالين كمان جديد او استعمال او استيراد الدايو عموما قطع غيارة سهلة

[moudy88]

على ماعتقد ياجماعه ان في فرق مابين النوبيرا البريميوم الاوتوماتيك والمانيوال ... والاتنين 1500

المانيوال ودي مع واحد اعرفه ...تكييف تاتش وكاسيت دبل تاتش فقط ..ولايوجد ايرباج ولا abs
الاوتوماتيك (ودي مع واحد اعرفه في بورسعيد ) ..... تكييف تاتش وكاسيت تاتش وايرباج وabs وطاره مالتي فانكشن ومثبت سرعه وامكانيه تشغيل السياره من الريموت ....
والله اعلم

[khhip]

على فكرة النوبيرا البريميم هي المواصفات الاوروبي وليس الكوري يعني الماتور 1600 اما الكوري فالماتور 1500 16 صباب
وهناك بعض الفروق زي ان الاوروبي في 2 ايرباج صاج اقوى abs جودة مواد التصنيع في الصالون افضل
وشكرا