عدد الكيلومترات

[ehab4367]

فى كتيب صيانة اللانوس المفروض العربية تعمل 5000كم فى ال4 شهور
هل هو دة المعدل المناسب؟؟؟؟؟
يعنى الشهر يعمل1250كم
طب لو العربية عملت اكتر من كدة بكتير,كدة انا باكل فى العربية؟؟؟؟

[NaviGator_13]

متوسط الاستخدام بيبقى حوالى 22 الف كيلو فى السنة
واهم حاجة الصيانة الدورية

[zocor742]

تعرفوا يا جماعة انا اول مانزلت النيو النترا عجبنى شكلها وقولت ااجرها وشوف امكانيتها اتصدمت صدمة غريبة العربية كانت لسة بكيسها والمكتب دة كان لسة شارى العربية بقالها شهر ونص ولما استلمتها وانا فى نص اليوم كدة بشوف عداد الكيلومترات تخيلوا العربية كانت عاملة 120 الف كيلو والعربية جابت منى دسك واسطوانة اليوم دة وطبعا مدفعتش حاجة عشان المفروض بعد الكيلو مترات دية لازم العربية تجيب دسك واسطوانة بس الى هيمشى دماغى ازاى عربية مكملتش شهرين تعمل كل الكيلوات دى كلها دة انا عربيتى موديل 99 عاملة 138الف

[Samah AbdAllah]

دى اكيد بتمشى 24 ساعة

[ehab4367]

عربيتى بتعمل 4000كم فى ال3 شهور
؟

[samirayad]

عادى جدا يا أستاذ / أيهاب ......وأهم شىء متابعة الآداء والألتزام بمواعيد الصيانه ........لأن أستعمالك للعربيه بيكون حسب ظروفك

[Bossy_Fadl]

هو مش اعداد الكيلو مترات هيدي كتير شوي يا جماعة؟

انا حاسه انو كتير عن جد

اصل انا اعرف ناس بتعمل في السنة كلها 9 او 10 الالاف كيلو

و لا يمكن عشان فعلا علي استخدام كل واحد للعربية.

[HERO_MTN]

انا جايب عربيتى النوبيرا من سنه

و هى كانت 40000

انا عملت فى السنه دى 5000 كيلو

يعنى كله بقى 45000

[samirayad]

ده بيعتمد يا أستاذه : بوسى على حسب ظروف كل واحد .....

- مثلا بيروح شغله بالعربيه وبعد شغله عنه قد ايه.......يعنى فيه ناس بتروح شغلها وتيجى كل يوم بالعربيه وممكن تعمل 100 كم على الأقل فى اليوم......يعنى فى السنه أكتر من 30000 كم .....................

_ وبالنسبه لى بروح شغلى بدون العربيه ( لأن بينى وبين الشغل 10 دقايق مشى ) وعربية الشغل بتيجى تأخذنى من عند البيت كمان.....

_ وبكده متوسط أستهلاكى للعربيه 5000 فى السنه ..................

_ يعنى العمليه فى الأول والآخر حسب الظروف..........

_ وزى ماقولنا ....المهم كل ميعاد صيانه فى وقته 0 لأن كل قطعه أو ماده ....سواء سير أو زيت ....لها فترة أستخدام محدده .....ولو زودت عنها ....حتعمل مشاكل فى العربيه

[EslaM_NagY]

تعرفوا يا جماعة انا اول مانزلت النيو النترا عجبنى شكلها وقولت ااجرها وشوف امكانيتها اتصدمت صدمة غريبة العربية كانت لسة بكيسها والمكتب دة كان لسة شارى العربية بقالها شهر ونص ولما استلمتها وانا فى نص اليوم كدة بشوف عداد الكيلومترات تخيلوا العربية كانت عاملة 120 الف كيلو والعربية جابت منى دسك واسطوانة اليوم دة وطبعا مدفعتش حاجة عشان المفروض بعد الكيلو مترات دية لازم العربية تجيب دسك واسطوانة بس الى هيمشى دماغى ازاى عربية مكملتش شهرين تعمل كل الكيلوات دى كلها دة انا عربيتى موديل 99 عاملة 138الف

يعنى 2666 كيلو يوميا ؟؟؟؟

صعبة 3 شويات

انا مش بكدبك بس الرقم يخض اوووى

[faragalla]

انا من الاسكندريه و شغلى فى برج العرب وبستخدم عربيتى بعمل 5000 كيلو فى الشهر و بغير زيت موبيل 1 كل شهرين

[samirayad]

انا من الاسكندريه و شغلى فى برج العرب وبستخدم عربيتى بعمل 5000 كيلو فى الشهر و بغير زيت موبيل 1 كل شهرين

_ على فكره طريقتك فى التعامل مع الزيوت عشره على عشره .......وأنا أيضا بأستعمل موبيل 1 ..........

_ ولكن للأسف سأتحول للزيت المعدنى ( شيل غالبا ) مع الغيار القادم ..........وكنت أود الأستمرار على التخليقى ..... ....بسبب عدم أستهلاكى الكتير للسياره .....