مشكلة فى الدركسيون

[kemoelord]

السلام عليكم :_
انا حصل معايا مره حاجة غريبه جدا وان كنت ماشي بالعربيه لاقيت في مره الدريكسيون لما باجي الف يمين يجبني غصب عني شمال والعكس صحيح قولت اكيد ضغط الاطارات مش سليم اتاكد منه طلع سليم فلما ركنت وجاي بكسر على الاخر سمعت صوت زي طرقعه وتخبيط كده من تحت ودي حصلت معايا مره واحدة حتى لما روحت تاني يوم للميكانيكي قال العربيه سليمه وطلع هو جربها قالي مش شايف اي مشكله في الدريكسيون ... علما بان عندي اعراض ان الدريكسيون مش بيرد لوحدة فى النص مع الملفات وتقيل مش عارف ايه الي حصل ده

يرجى من العضو فتح موضوع جديد لاستفاراته

مشرف القسم

[samirayad]

وجاي بكسر على الاخر سمعت صوت زي طرقعه وتخبيط كده من تحت ودي حصلت معايا مره واحدة

الصوت ده تقريبا بسبب حدوث خلل وأنهيار فى البلف الدوار بتاع توزيع الزيت على جوانب بستم الأسكترا الداخلى ....................وكده فعلا بقت مره واحده وخلاص ....والبلف مبقاش بيوزع زيت بأنتظام _ يعنى حصل جواه حاجه ومبقاش بيقوم بوظيفته ( وبقى مجرد علبه بتتسلم الزيت من طرد طلمبة الباور).....................

علما بان عندي اعراض ان الدريكسيون مش بيرد لوحدة فى النص مع الملفات وتقيل مش عارف ايه الي حصل ده

وهى دى النتيجه للأسف

[kemoelord]

شكرا جدا لتوضيح حضرتك بس ما قولتلي على الحل والعلاج للمشكله دي وتكاليفها قد ايه ؟؟؟؟؟؟؟؟؟؟؟؟؟؟

[samirayad]

شكرا جدا لتوضيح حضرتك بس ما قولتلي على الحل والعلاج للمشكله دي وتكاليفها قد ايه ؟؟؟؟؟؟؟؟؟؟؟؟؟؟

أعتقد العفشجى أو الميكانيكى مش حيقدر يعمل حاجه فى الموضوع ده ...........

_ وبرضه ياريت تستشير كذا واحد ويكون أمين .......

_ لأن فى الغالب وده الأفضل حتحتاج تغير علبة الدركسيون ( لأن من خلال ماشوفتها على الرسم ) البلف والعلبه مع بعضهم .......وصعب أن يكون فيه صنايعى كويس يعمل الموضوع ده .....داغير مش عارف ممكن تلاقى قطع غيار بدل اللى تلفت ولا لا ........ومتهيألى فى الأحوال دى الصنايعيه بيغيروا العلبه كامله ...........

_ وبرضه ياريت تكون مطمن برضه أن طلمبة الباور شغاله كويس ........وده بيبان من رعشة الزيت فى التنك وصوت الطلمبه ......لأن وارد برضه أن يكون العيب فى الطلمبه ......وضغط الزيت بقى قليل .......وفى الحاله دى حتكون علبة الدركسيون بالبلف تمام .............

_ على فكره النقطه دى جات فى دماغى دلوقتى وأن بأكلمك.....اللى هى بتاعة الطلمبه ........[RIGHT]وممكن برضه يكون الصوت اللى سمعته فى المره اللى بتقول عليها من الطلمبه .........

_ فيجب الأول نشوف الخلل فين .............بغض النظر عن التكلفه دلوقتى

[/RIGHT]

[kemoelord]

شكرا مرة تانيه بجد للتوضيح وانا مش عاوز اقولك لحضرتك
اولا :_ من سنه لما روحت التوكيل علشان اكشف عن مشكله كانت عندي قالولي ان علبه الدريسكون عندي عاوزه تتغير ولما سالت عليها قالولي 2100 حاجة زي كده قولتلهم شكرااااااااااا فاستغلتها وحسيت انهم عاوزين يعملوا شغل وخلص فكده كلام حضرتك من حيث نقطة علبه الدريكسيون صحيحه اما الباور والطلمبه فالحمد لله بسمع صوتها غير ان الزيت بالفعل بيهتز في العلبه زي ما حضرتك قولت فكده على ما اعتقد انها سليمة

[kemoelord]

انا بس كنت عاوز اطمن من حضرتك هل لو نمت على الموضوع هل في ضرر من القصه دي لان انا شايف ان الموضوع هيتكلف كتير خصوصا ان نسبه كبيره ان ابيع العربية خلال الصيف ده وثانيا لو حبيت اشتغل فيها اروح لميكانيكي ولا راجل تبع عفشه ولا ايه بالظبط

[samirayad]

دى غاليه قوى العلبه كده ........ومتسأل على واحد أستيراد حالتها كويسه .......وممكن تأخذها عن تجربه ..........ولو أنى مكونتش عاوز أتكلم عن الأستيراد وخلافه ( لأن الناس بتزعل من الحته دى )........ولو عاوزنى أسألك عن الرينج فى بور سعيد ( علشان تعرف حدود السعر ) أنا تحت أمرك ممكن أعمل أتصالاتى ...وأقولك على حدود السعر علشان وأنت بتشترى من عندك .....تكون أبعاد السعر معاك برضه

[kemoelord]

خلص حضرتك لو عرفت سعرها كام بس تكرم يبقى بلغني طيب بالنسبه ان انا لو نمت على الموضوع هل في خطورة في المشي عليها كده وفي السرعات العاليه مثلا ؟!! وجزاك الله كل خير على المتابعه والاهتمام

[samirayad]

انا بس كنت عاوز اطمن من حضرتك هل لو نمت على الموضوع هل في ضرر من القصه دي لان انا شايف ان الموضوع هيتكلف كتير خصوصا ان نسبه كبيره ان ابيع العربية خلال الصيف ده وثانيا لو حبيت اشتغل فيها اروح لميكانيكي ولا راجل تبع عفشه ولا ايه بالظبط

يعنى من رأيى حاول تعملها .....لأن لو حتى حبيت تبيع العربيه .......اللى حيجرب التوجيه حيحس بالنقطه دى أكيد .........وممكن يكش من العربيه ...........

_ وبعدين أحنا مش عاوزينك تسيبنا وكل حاجه بتتصلح ........الا لو كنت ناوى تجدد ودايو برضه ......فطبعا حنكون سعداء ليك ( بس أهم حاجه دايو )..........علشان حضرتك من الزملاء الأعزاء عندنا جميعا......وأنا ملاحظ كده من زمان

[samirayad]

خلص حضرتك لو عرفت سعرها كام بس تكرم يبقى بلغني طيب بالنسبه ان انا لو نمت على الموضوع هل في خطورة في المشي عليها كده وفي السرعات العاليه مثلا ؟!! وجزاك الله كل خير على المتابعه والاهتمام

حسألك عن حدود الثمن وأبلغك أن شاء الله ......وبالنسبه للوضع مفيش خطوره ولا حاجه ( ماهى بقالها كتير على كده ) .....ومفيش غير الوضع الحالى معاك ........وماشى الحال دلوقتى على منسأل ونشوف الوضع ....وتسأل عندك برضه ونقارن الحالتين ........وربنا يسهل

[kemoelord]

شكرا يا استاذ سمير على ذوقك جدااااااااااااااااااا وانا حقيقا بعزكوا جدا لانكوا ناس محترمه وانا بدخل اشارك حتى لو لم تكن عندي مشاكل وحتى اذا غيرت لموديل التاني فده لا يمنع من دخولي ومشركتي معاكوا

[samirayad]

الله يخليك يا أخى .....وأن شاء الله بكره حكلم واحد صديق فى بورسعيد ......وأعرف منه حدود التمن وأبلغك بأذن الله

[samirayad]

_ معلش أتأخرت عليك فى الرد شويه .....لأن صديقى لسه قايلى من ساعه تقريبا ..........

_ هو سأل عند كذا واحد والصنف موجود بوفره ..........

_

وهوعباره عن الأسكترا كامله بالعلبه بالأتياش كمان ......فيه اللى قاله من 300 الى 350 جنيه ......

_ وفيه اللى قاله ب400 جنيه ...وده أقصى مبلغ .......فأعتقد الموضوع وقت الشراء له وضع كمان ...........ياعنى ممكن تخلص ب300 مثلا......

[kemoelord]

_ معلش أتأخرت عليك فى الرد شويه .....لأن صديقى لسه قايلى من ساعه تقريبا ..........

_ هو سأل عند كذا واحد والصنف موجود بوفره ..........

_

وهوعباره عن الأسكترا كامله بالعلبه بالأتياش كمان ......فيه اللى قاله من 300 الى 350 جنيه ......

_ وفيه اللى قاله ب400 جنيه ...وده أقصى مبلغ .......فأعتقد الموضوع وقت الشراء له وضع كمان ...........ياعنى ممكن تخلص ب300 مثلا......

شكرااااااا على اهتمام حضرتك جدا ومعلش تقلتك عليك ,,, بس هل الاسعار دي عند صديق حضرتك الموجود في بورسعيد ولا الي فيه مصر لان طبعا فيه فروق الى حد ما كبيرة بين البلدين ولو الاسعار دي فيه مصر يبقى مناسب جدا وهل يتجابوا من عند اي قطع غيار صح

[samirayad]

شكرااااااا على اهتمام حضرتك جدا ومعلش تقلتك عليك

يا أخى لا شكر على واجب وأنا تحت أمرك .....وكلنا أخوات ( امال منتدى دايو وعائلى أزاى )..........دا أنا بأحب أفكر مع جميع الأخوه لما أكون فى البيت ..................وأنا تحت أمر أى واحد من أخوانا فى الدايو عاوز يسأل على أى قطعة غيار فى بور سعيد......أو أسماعيليه..................................

بس هل الاسعار دي عند صديق حضرتك الموجود في بورسعيد ولا الي فيه مصر

للأسف فى بور سعيد......وأنا تحت أمرك ......لو حبيت أروح معاك بور سعيد.......ونشوف الوضع سواء...........