الشكمان صوتة ابتدى يعلى..ربنا يسطر

[ahmad--ezzat]

السلام عليكم ازيكم يا شباب

ندخل فى الموضوع..انا عامل بالعربية حوار عشرة الاف كيلو والنوبيرا بطبهعا صوت شكمانها عالى

بس انا ملاحظ ان فى الفترة الاخيرة ابتدى يعلى زيادة عن اللزوم مع ان السحب تمااام

وللعلم انا عندى علية البيئة محكوكة وبتشخلل بس معتقدش انها هيا السبب

محدش يعرف سبب النعرة الزيادة دى اية؟

[Drift_Lover]

2008 + شكمان بعد 10000 كيلو.
غريبه شويه.
بس انت متأكد ان الصوت من الشكمان مش من الموتور (ممكن يكون البننزين كان مش كويس )
ولو اتأكدت انه من الشكمان حاول تشيك عليه والعربيه مرفوعه في البنزينه او مجراة تغيير زيت. ممكن يكون مخبوط فعلا من تحت وانت ما اخدتش بالك.

[ahmad--ezzat]

2008 + شكمان بعد 10000 كيلو.
غريبه شويه.
بس انت متأكد ان الصوت من الشكمان مش من الموتور (ممكن يكون البننزين كان مش كويس )
ولو اتأكدت انه من الشكمان حاول تشيك عليه والعربيه مرفوعه في البنزينه او مجراة تغيير زيت. ممكن يكون مخبوط فعلا من تحت وانت ما اخدتش بالك.

اة الصوت من الشكمان...النعرة صوتها عالى فعلا
انا بغير الزيت فى التوكيل... بس على العموم ادينى معاة وهتابعة لو حصل حاجة لاقدر الله هقلهم فى التوكيل بقا

[sherif_84]

انا تقريبا يا استاذ احمد عندى نفس مشكلتك دى بس انا عربيتى موديل 2006 ومن كام يوم كده بدأت اسمع زنة من الشكمان لما مثلا تكون ماشى بسرعتك وجيت تهدى او تفرمل او مورت الفتيس مثلا يبتدى الشكمان يعمل صوت زنة زززززززززززز كده وبتروح شوية شوية لما سرعة العربية تقل وهكذا ...
لو جيت تزود بنزين تسحب معاك تمام ولما تيجى تهدى الزنة ترجع تانى هل دى نفس مشكلتك برضو زى ماقولت ولا انا عندى حاجة فى علبة الشكمان ؟ ياريت تطمنونى ياشباب

[M.ABDEEN]

المشكلة دي حصلت معايا لدرجة اني كنت لما اسخن العربية الصبح وهي واقفةاسمع شخللة و زنة بشكل مستفز بس ماكنش عندي نعرة وكانت بتبان كمان لما اجي اهدي او في الملفات كنت مخنوق منهاولما رحت التوكيل ورفعوها قاللولي الشكمان من تحت مخبوط ومطبق و الافيز ملخلخ احنا ربطناه وعليها يا عم الحج من ساعتها بقت جنان بالنسبة لي شخللة مقرفة بزيادة وطبعا لما اديت العربية لاخويا الاستاذ اخر دماغ مش فارقة معاه وفي الاخر هو اللي جنن الشخللة والزنة مش هي اللي جننته!!!!!!!!!! الله يكون في عونك وحاول تروح لبتاع شكمانات يبص بس من غير ما يفتي فتوى مش منطقية

[ahmad--ezzat]

انا تقريبا يا استاذ احمد عندى نفس مشكلتك دى بس انا عربيتى موديل 2006 ومن كام يوم كده بدأت اسمع زنة من الشكمان لما مثلا تكون ماشى بسرعتك وجيت تهدى او تفرمل او مورت الفتيس مثلا يبتدى الشكمان يعمل صوت زنة زززززززززززز كده وبتروح شوية شوية لما سرعة العربية تقل وهكذا ...
لو جيت تزود بنزين تسحب معاك تمام ولما تيجى تهدى الزنة ترجع تانى هل دى نفس مشكلتك برضو زى ماقولت ولا انا عندى حاجة فى علبة الشكمان ؟ ياريت تطمنونى ياشباب

المشكلة دي حصلت معايا لدرجة اني كنت لما اسخن العربية الصبح وهي واقفةاسمع شخللة و زنة بشكل مستفز بس ماكنش عندي نعرة وكانت بتبان كمان لما اجي اهدي او في الملفات كنت مخنوق منهاولما رحت التوكيل ورفعوها قاللولي الشكمان من تحت مخبوط ومطبق و الافيز ملخلخ احنا ربطناه وعليها يا عم الحج من ساعتها بقت جنان بالنسبة لي شخللة مقرفة بزيادة وطبعا لما اديت العربية لاخويا الاستاذ اخر دماغ مش فارقة معاه وفي الاخر هو اللي جنن الشخللة والزنة مش هي اللي جننته!!!!!!!!!! الله يكون في عونك وحاول تروح لبتاع شكمانات يبص بس من غير ما يفتي فتوى مش منطقية

بالظبط يا رجالة ..هو دة اللى عندى وحصل معايا عند ال 4 الاف كيلو وفى التوكيل قالولى فعلا عندك العلبة بخبوطة وتتغير ب 450 جنية بس طبعا مغيرتهاش

هى المشكلة فانهى علية يا رجالة ...هل علبة البيئة...؟؟؟؟؟

وياترا المشكلة فى الصوت بس ولا السحب كمان..؟؟؟؟

[moudy88]

انا خلاص جبت اخري من صوت التنعير المزعج ده ....الصوت بقى عالي جدا وبالذات على التاني تحت سرعه 60 كم ...وياااه لو انا طالع على كوبري ببقى عايز اسد وداني ...وكل بني ادم بلا استثناء يركب معايا لازم يعلق ...اللي يقول ده الشكمان مخروم واللي يقول ده الماتور ضعيف واللي يقول دي عزلها وحش واللي واللي ........ انا عايز حل ؟؟؟ لو غيرت الشكمان من اوله لاخره حروح الصوت ده ؟ (عربيتي 2003 اوتو عامله 80000 كم)

[zocor742]

انا عندى نعرة من بعد ار بى ام 3 لحد 4 بتبتدى تخف شوية بس دة الطبيعى بتاع العربية كدة صح ولا اية كمان انا عندى خبطة فى علبة البيئة فبتعمل شخللة وتأثيرها بيفضل معايا لحد التانى وبعدين مش بحس بيها وحاسس ان سبب خبطة علبة البيئة عامل صوت زى كركرة بسيطة على السلانسية والعربية واقفة بس مش عارف منها ولا لأ على العموم هتأكد بردو لما اغير علبة البيئة بواحدة تانية او اركب ماسورة الصوت دة اختفى يبقى العلبة السبب ولو فضل موجود يبقى فى حاجة تانية بس على فكرة سحب العربية جميل جدا وطبيعى بالزات لما العربية تاخد التالت لو حد لية تعليق على الصوت دة يبقى كتر خيرة

[mahfouz1983]

حاحجة غريبة بتوع الشكمانات يا اخواني انا كان عندي مشكلة في عربيتي النوبيرا الشكمان كان سايب واكان عامل صوت جامد وعالي المهم روحت لبتاع الشكمانات المهم طلعت المشكلة منين ان فيه جلبة من الجلب الي ماسكة في الشكمان اتقطعت حلو المهم قالي لما نشوف كدا الشكمان جايز يككون فيه حاحجة قولت شوف المهم الواد طلع يسرح بيا ويقولي لازم تغير العلبة بتاع الشكمان لحسن دي وحشة خالص المهم كل مرة اروحلو يقولي الكلمتين دول بس هو مش واخد باله مني بس انا حفظته وممكن تكون المشكله بسيطه جدآآآآآآ ويعملك من الحبه قبه

[محمد فريد]

المطبات اكتر حاجة بتبوظ الشكمان لانها واطية وبتحك فى اخر المطب
فده طبيعى انها تجيب منك علبة
بص روح عند ورشة شكمان وخليه يكشف ممكن يكون تنفيس هو اللى عامل القلق ده
او تجرب بنفسك قبل ماتروح تدور والعربية بارده وتكتم الشكمان بفوطة لو طفت او رجرجت يبقى مش شكمان

[Sherif Khalifa]

الزن الى مع السلانسية او العربية واقفة او مع طلعة العربية دا كان عندى و اكتشفت انة من الحلية النيكل الى فى ديل الشكمان
ربطها كويس و الزن دا راح
بالنسبة للنعرة الى على 2000 rpm ساعات تروح و ساعات ترجع

بس اليومين دول هادية بعد مشوار سفر 400 كم

[ahmad--ezzat]

هو بالنسبة للموضوع دة...هل بيأثر على سرعة العربية القصوى...والعزم على السرعات العاليه..مع ان السحب كويس على السرعات البطيئة..