مشكلة في بلي العجل

[تامر.محمد]

السلام عليكم جميعا
:)


عندي سؤال بخصوص بلي العجل الامامي

باحس بخشونة في عربيتي و هي ماشية
المهم اكتر من ميكانيكي قالوا لي ان بلي العجل قدام عايز يتغير
فغيرته في مركز من مراكز الصيانة , و غيرت كمان الطنابير و تيل الفرامل

لكن الخشونة فضلت
رحت لميكانيكي تاني , قال لي سببها بلي العجل , قلت له انا مغيره من كام يوم , قال لي و لو
رحت لميكانيكي تالت , قال نفس الكلام
قلت له اقنعني
رفع جنب من العربية , و دور و ادى غيار و داس بنزين لحد ما العجلة اللي في الهوا لفت جامد , و بطل و سابها تلف لوحدها , المهم ما عملتش اي صوت
الجنب الشمال عمل صوت

المهم انا و هو اختلفنا في نقطة
هو بيقول نغير البلي الامامي كله تاني
و انا باقول - توفيرا للتكاليف

و بحكم ان البلية السليمة بقى لها اسبوع , نغير ناحية واحدة بس

ايه رأيكم في الموضوع ككل ؟

[ahmedsrs]

غير ناحية واحدة بس اسبوع مش قصة كبيرة بس هو فى الملرة الاولى شحط البلى بالمكبس ولا بشاكوش

[samirayad]

ممكن تكون بلية الجنب شمال كانت وحشه أساسا ........ومركز الخدمه بيقلب وخلاص .........دا غير أن نوعية البلى يجب أن تكون من نوع محترم ومعروف زى الskf أو ال Fag لأن فيه بلى كتير مغشوش فى السوق ................وخصوصا المحلات اللى بتقلب فى شارع معروف بوسط البلد

[تامر.محمد]

غير ناحية واحدة بس اسبوع مش قصة كبيرة بس هو فى الملرة الاولى شحط البلى بالمكبس ولا بشاكوش

نفس السؤال اللي الميكانيكي سأله
مش عارف للاسف هو اتركب ازاي
ساعتها سبت له العربية و مشيت

[MMamdouh]

ممكن البلى وحش او اتكبس غلط و فيه مشكلة فى الصرة ذات نفسها

لو المشكلة فى نوعية البلية حتلاقى الجنب التانى عمل نفس المشكلة مستقبلا... يفضل تجيب طقم بلى كامل من ماركة محترمة زى SKF و تكشف على حالة الصرة و تعمل كبس البلى عند مكبس مضمون

MMamdouh

[msobhy]

ممكن البلى وحش او اتكبس غلط و فيه مشكلة فى الصرة ذات نفسها

لو المشكلة فى نوعية البلية حتلاقى الجنب التانى عمل نفس المشكلة مستقبلا... يفضل تجيب طقم بلى كامل من ماركة محترمة زى SKF و تكشف على حالة الصرة و تعمل كبس البلى عند مكبس مضمون

MMamdouh

لازم تكون SKF ومش اى حاجة تانى - للأسف عن تجربة
ولازم تتركب على مكبس
وفى اعتقادى لازم تغير الاتنين اللى قدام مش واحده بس
وفى اعتقادى برضو لازم تغير البلى اللى ورا برضو
التكلفه عاليه لكن انت كده خلصت من موضوع البلى على الاقل لمدة سنتين ثلاثه
انا طلع عينى فى موضوع البلى ده لغاية لما عملت زى ما بقول لحضرتك ولغاية دلوقتى والحمد لله النتيجة زى الفل

[samirayad]

أنا فعلا مقتنع أن العيب فى نوعية البلى .......مش فى طريقة شحط البلى فى الصره ..................................

_ بدليل أن طريقة الشحط نفعت فى الجنب اليمين ........ .......يبقى عيب بلى ........ويجب تغيير البليتين مره تانيه بنوع محترم من الأنواع الشهيره المعروفه..............لأن أكيد اليمين لو متغيرتش وأكتفيت بالشمال .......اليمين حتقول هى روخره بعد شويه.......

[MMamdouh]

لازم تكون SKF ومش اى حاجة تانى - للأسف عن تجربة
ولازم تتركب على مكبس
وفى اعتقادى لازم تغير الاتنين اللى قدام مش واحده بس
وفى اعتقادى برضو لازم تغير البلى اللى ورا برضو
التكلفه عاليه لكن انت كده خلصت من موضوع البلى على الاقل لمدة سنتين ثلاثه
انا طلع عينى فى موضوع البلى ده لغاية لما عملت زى ما بقول لحضرتك ولغاية دلوقتى والحمد لله النتيجة زى الفل

مش شرط ورا... لما ورا يبوظ غيرة

لاحظ ان نوعيات البلى فى السوق زبالة بالتالى متغيرش البلى الاصلى الا لما يكون توفى

MMamdouh

[Shiref_mohamed]

الكاوتش لو وحش بيعمل صوت خشونه
انا كان عندي نفس المشكله وهي خشونه جامده جايه من العجل وبعد تغيير البلي لاقيت الصوت هو هو
وفي الأخر طلعت المشكلة من الكاوتش لما غيرته العربية نعمت وبقت تمام

[تامر.محمد]

ممكن تكون بلية الجنب شمال كانت وحشه أساسا ........ومركز الخدمه بيقلب وخلاص .........دا غير أن نوعية البلى يجب أن تكون من نوع محترم ومعروف زى الskf أو ال Fag لأن فيه بلى كتير مغشوش فى السوق ................وخصوصا المحلات اللى بتقلب فى شارع معروف بوسط البلد

احتمال برده
ربنا يكرم , هاحاول اخد بالي اكتر في المرة الجاية
سبحان الله في كل حتة باحاول اخد بالي من اللي بيتركب
و دايما بافضل مع العربية و هي بيشتغلوا فيها
دي المرة الوحيدة اللي سبتها فيها لحد


بعدها اشتغلت كويس لمدة يوم واحد و شكرا

[تامر.محمد]

ممكن تكون بلية الجنب شمال كانت وحشه أساسا ........ومركز الخدمه بيقلب وخلاص .........دا غير أن نوعية البلى يجب أن تكون من نوع محترم ومعروف زى الskf أو ال Fag لأن فيه بلى كتير مغشوش فى السوق ................وخصوصا المحلات اللى بتقلب فى شارع معروف بوسط البلد

هممم
يعني حتى اللي هايركب جديد ان شاء الله مش مضمون

تمام تمام

[تامر.محمد]

ممكن البلى وحش او اتكبس غلط و فيه مشكلة فى الصرة ذات نفسها

لو المشكلة فى نوعية البلية حتلاقى الجنب التانى عمل نفس المشكلة مستقبلا... يفضل تجيب طقم بلى كامل من ماركة محترمة زى SKF و تكشف على حالة الصرة و تعمل كبس البلى عند مكبس مضمون

MMamdouh

هممممممممم
مالهاش حل يعني
خير ان شاء الله

شكرا يا باشا

[تامر.محمد]

لازم تكون SKF ومش اى حاجة تانى - للأسف عن تجربة
ولازم تتركب على مكبس
وفى اعتقادى لازم تغير الاتنين اللى قدام مش واحده بس
وفى اعتقادى برضو لازم تغير البلى اللى ورا برضو
التكلفه عاليه لكن انت كده خلصت من موضوع البلى على الاقل لمدة سنتين ثلاثه
انا طلع عينى فى موضوع البلى ده لغاية لما عملت زى ما بقول لحضرتك ولغاية دلوقتى والحمد لله النتيجة زى الفل

فاهم انا عياطك ده
منه لله البلي كله

[Sherif Khalifa]

الخلاصة من كلام الاعضاء ان البلى بيبوظ بسرعة من 3 اسباب

1- تركيب غلط (الدق على البلية بيقصر عمرها) لازم مكبس
2- صرة ملوحة و دى مهما تركب فى بلى حتبوظة بردة و ممكن تريح دماغك و تجيب صرة جديدة (60 جم) و هتلاحظ كمان غربلة مع الفرامل
3- نوعية البلية وحشة بس اعتقادى الشخصى ان مهما كانت وحشة صعب تبوظ فى اسبوع اكيد فى عامل تانى
فا ركز فى اول و تانى نقطة

[تامر.محمد]

الكاوتش لو وحش بيعمل صوت خشونه
انا كان عندي نفس المشكله وهي خشونه جامده جايه من العجل وبعد تغيير البلي لاقيت الصوت هو هو
وفي الأخر طلعت المشكلة من الكاوتش لما غيرته العربية نعمت وبقت تمام

لا الكاوتش اللي قدام عندي جديد ما بقالوش شهر
اصله طلع بايظ هو كمان
:@