قاعدة الفتيس الاوتوماتك

[HERO_MTN]

يا جماعه انا معايا نوبيرا 2006 اوتو

و انا غيرت الفتيس من حوالى 7 شهور

و هو كويس الحمد لله

بس انا من حوالى 3 شهور اخدت مطب و غيرت القنطرة و القاعده بتاعت الفتيس الموضوع اتكلف 1000 جنيه بس الحمد لله

لسه بقى من يومين كده لاقيت الفتيس فيه حاجة غريبه العربيه مبتدورش على P لازم اجيب ال N

و الفتيس حركته بقت مش طبيعيه يعنى ساعات بيمشى ولحده العصايه بقت سايبه خالص

روحت للميكانيكى قالى القاعدة مكسورة

و غيرت القاعدة و خرطوم زيت و شغل مخرطه الموضوع اتكلف 350 جنيه

طيب اللى انا عايز اسأل عليه هى القاعدة دى كل شويه بتتكسر

اصل انا مكلتش مطب ولا حاجة المره دى

و مفيش حاجة تحميها يعنى ؟؟؟

و شكرررررا ليكم يا جماعه

يرجى من العضو اختيار عنوان معبر عن محتوى الموضوع

مشرف القسم

[A.samy]

الله يكون فى عونك

[محمد فريد]

طب حضرتك افتكر كده مين بيركب العربية غيرك واسأله

وانصحك تغير الميكانيكى اللى بتتعامل معاه

ويارب تكون اخر المصاعب ان شاء الله

[HERO_MTN]

المشكله يا باشا ان محدش بيركب العربيه غيرى

و الميكانيكى اللى انا بروحله ده معرفه و يعرف والدى كويس و مبياخدش منى فلوس غير ثمن الحاجة اللى بيشتريها بس

[محمد فريد]

ممكن تكون من المطبات لو العربية واطية فلازم كل مطب هتسلم عليه

او القاعدة بتاعه الفتيس مضروبة ومستحملتش - خطأ فى التركيب والتقريط

وربنا معاك باذن الله

[SeMo_SiRiOnY]

مش عارف اقولك اية
ربنا يهون عليك وتتحل المشكلة بسرعة

[pharonicking]

معلش هو الاوتوماتيك كدة يريحك فى الاول ويتعبك فى الاخر""

[HERO_MTN]

هى فعلا النوبيرا واطيه

بس مش تعمل كده كل شويه يعنى

[ahmedsrs]

ممكن تكون القاعدة مش راكبة صح او مش راكبة على عدلتها نتيجة الخبطة الأولى . وده بيحصل بعد الخبطاط نتيجة اثناء المسامير
العربية تترفع صح وتتشاف من تحت كويس وكل حاجة تستعدل الأول

[tamerhamdyriad]

ربنا يحلهالك يمكن حد ركب معاك ونظر الفتيس اداله عين حلوه كده افتكرمين اللي ركب معاك وحرس منه لان الحسد مذكور في القران