صوت العربية عالي

[hamada_no3man]

السلام عليكم اخواني
الملاحظ في الفترة الاخيرة ان صوت العربية بقي عالي ولما ازود بنزين احس بنعرة في صوت الموتور وفيه مية بتنزل من الشكمان لو قرصت علي العربية

[MMamdouh]

المية اللى من الشكمان عادى

اكشف على الشكمان... ممكن تكون فيه علبة من العلب مخرومة

MMamdouh

[samirayad]

وفيه مية بتنزل من الشكمان لو قرصت علي العربية

طيب ماهو أحتمال برضه يا أبويوسف يكون فيه مشكله فى رباط رأس السلندر أو الجوان بتاع الرأس برضه ( وده ممكن يتأكد منه لو الميه بتنقص مثلا )....أما الميه لو تمام ....يبقى مفيش أدنى مشكله

[MMamdouh]

لو ميه متكثفة يبقى عادى... انما لو بخار مع نقص مية التبريد يبقى جوان وش او رباط الوش مهمى

MMamdouh

[samirayad]

تمام ياباشا .......هو ده اللى أقصده بالضبط.......... بس أيه مهمى دى ....قصدك منهى .....أو عاوز يتربط تانى

[abouzaid555]

طيب لو الشكمان جديد كله و الماية فى القربة مش بتنقص و صوت النعرة دى موجودة يبقى ممكن يكون ايه

[هيثم]

[QUOTE=MMamdouh;853290]

اكشف على الشكمان... ممكن تكون فيه علبة من العلب مخرومة
MMamdouh[/QUOTE]



وده تاثيره ايه لان انا لاحظت ان صوت العربيه عالى شويه ولما سئلت فهمت ان ممكن يكون ف خرم او ماشابه

[samirayad]

طيب لو الشكمان جديد كله و الماية فى القربة مش بتنقص و صوت النعرة دى موجودة يبقى ممكن يكون ايه

ده ممكن يكون سببه فلانشه من ضمن فلانشات منظومة الشكمان مش قاطعه كويس (يعنى مشكلة جوان بين فلنشتين ) .......أو المانيوفولد (الفرن ) عاوز يتاعد عليه رباط برضه أو جوانه عاوز يتغير

[samirayad]

وده تاثيره ايه لان انا لاحظت ان صوت العربيه عالى شويه ولما سئلت فهمت ان ممكن يكون ف خرم او ماشابه

تأثير (خرم _ جوان تالف بين فلنشتين _ فرن عاوز يتربط وهكذا ) بيولد صوت النعره اللى بنقول عليها ....لأن ده بيكون خنق مفاجىء لسريان العادم ( بعد مكان العادم ماشىء فى مقطع كبير ......جينا خنقناه بصوره فجائيه ) بالضبط زى نظام صفارة الأطفال وحكام الكوره............ونفس الظاهره أستفاد منها العلماء الأجانب فى هندسة الطيران (زى الطائرات النفاثه ) turbo jet airoplane .....بحيث لما يكون عندنا مائع زى الغازات جينا خنقنا سريانه بصوره فجائيه (بيقل ضغطه وتزيد سرعته بصوره كبيره جدا ) وبالتالى بيحدث الصوت ده................والعلاج طبعا معروف (أما لحام الخرم ....أو رباط اللى عاوز يتربط ....أو تغيير الجوان التالف ) لأرجاع الصوت الى وضعه الطبيعى.............

[Samir Elshahawy]

طيب لو المياه اللي نازلة من الشكمان دي نتيجة تكثيف لبخار المياه هل معني كده ان فيه أحتمال ان يحدث تأكل لأجزاء الشكمان بعد فترة (سنة مثلا) ؟ لو الاجابة بنعم يبقي أيه الحل ؟

[samirayad]

الميه بتاعة التكثيف فى الغالب بتتجمع فى العلبه الخلفيه مع سريان العادم ......وبتتحوش مع ركنة العربيه وبتاكل العلبه .....أنا لسه من شهرين تقريبا عامل خرم رفيع جدا .....فى آخر العلبه ومفيش ميه بتتجمع دلوقتى وتتحوش فى الشكمان ( لما لقيت زميل معاه نوبيرا 2005 ) وغير العلبه ب180 ج (دا غير المصنعيه ) ونصحنى أنى أعمل الخرم ده علشان أحافظ على العلبه ( لتزويد العمر الأفتراضى للعلبه ) وبالفعل نفذت فورا ..........................

[هيثم]

تأثير (خرم _ جوان تالف بين فلنشتين _ فرن عاوز يتربط وهكذا ) بيولد صوت النعره اللى بنقول عليها ....لأن ده بيكون خنق مفاجىء لسريان العادم ( بعد مكان العادم ماشىء فى مقطع كبير ......جينا خنقناه بصوره فجائيه ) بالضبط زى نظام صفارة الأطفال وحكام الكوره............ونفس الظاهره أستفاد منها العلماء الأجانب فى هندسة الطيران (زى الطائرات النفاثه ) turbo jet airoplane .....بحيث لما يكون عندنا مائع زى الغازات جينا خنقنا سريانه بصوره فجائيه (بيقل ضغطه وتزيد سرعته بصوره كبيره جدا ) وبالتالى بيحدث الصوت ده................والعلاج طبعا معروف (أما لحام الخرم ....أو رباط اللى عاوز يتربط ....أو تغيير الجوان التالف ) لأرجاع الصوت الى وضعه الطبيعى.............

شكرا يا باشمهندس على رد حضرتك

[MMamdouh]

الميه بتاعة التكثيف فى الغالب بتتجمع فى العلبه الخلفيه مع سريان العادم ......وبتتحوش مع ركنة العربيه وبتاكل العلبه .....أنا لسه من شهرين تقريبا عامل خرم رفيع جدا .....فى آخر العلبه ومفيش ميه بتتجمع دلوقتى وتتحوش فى الشكمان ( لما لقيت زميل معاه نوبيرا 2005 ) وغير العلبه ب180 ج (دا غير المصنعيه ) ونصحنى أنى أعمل الخرم ده علشان أحافظ على العلبه ( لتزويد العمر الأفتراضى للعلبه ) وبالفعل نفذت فورا ..........................

قطر الخرم قد اية و مكانة فين تحديدا فى العلبة الخلفية؟؟

MMamdouh

[samirayad]

قطر الخرم قد اية و مكانة فين تحديدا فى العلبة الخلفية؟؟

mmamdouh

أنا عندى شنيور ....ركبت فيه بنطه 4 مم ......وفى أوطى نقطه فى العلبه من تحت (تقريبا عند آخر أنحناء مع السطح العمودى اللى لبره ) عملت الخرم وتمام والحمد لله .......مع ملاحظة أنه فى الأول كان بيطلع صوت صفاره خفيفه بعدها على طول [gdwl]وزعلت فى البدايه ولكنى فرحت فى النهايه [/gdwl]([gdwl]علشان كان لسه أثر الرايش مكان الخرم من جوه تقريبا[/gdwl]) .... أنا فسرتها كده .........وبعد تقريبا مشوارين كويسين مبقاش فيه صوت نهائى ( [gdwl]تقريبا مع شغل العربيه .....حرارة وضغط العادم صنفروا الرايش الجوانى بتاع الخرم [/gdwl]) وحاليا مبقاش فيه أى أثر لصوت الصفاره............

[samirayad]

شكرا يا باشمهندس على رد حضرتك

الله يخليك يا أخى..............