دخنة بيضاء أول التدوير

[cody02]

السلام عليكم

معايا لانوس 2 - 2000 .. بقالي كام شهر بالاحظ دخنة بيضاء كثيفة أول ما بادور العربية .. وبتختفي بعد ثواني .. وقتها كنت تشاورت مع ميكانيكي شفهي كده بدون كشف .. وقالي ممكن تكون كاوتش صبابات وممكن أمشي بيها لفتره طالما في أولها

فهل التشخيص ده سليم ولا لأ ؟
وهل كاوتش الصباب هو طقم الشنبر (نصف عمرة) ؟
ولا الكلام ده كله غلط وده تلييك بنزين من الرشاشات وهي واقفة ؟

كنت عاوز أعرف ابعاد الموضوع ده ايه .. لأن مؤخراً بدء يحصل تنتيش خفيف شوية وانا ماشي

وشكراً

[samirayad]

كنت عاوز أعرف ابعاد الموضوع ده ايه .. لأن مؤخراً بدء يحصل تنتيش خفيف شوية وانا ماشي

أكشف على البوجيهات .....لو عليها تعريق زيت يبقى غالبا كاوتش صباب ..........وأنصحك برضه بعمل أختبار كبس الأول فى حالة وجود زيت على البوجيهات لمعرفة سبب التعريق من كاوتش الصباب ولا من خط الفائظ ( اللى رايح لدخول الهواء قبل البوابه ) [gdwl]وكده حتطمن برضه على كفاءة المحرك[/gdwl]

_ على فكره الكشف على البوجيهات هو اللى حيحدد العيب بسبب تعريق زيت ولا بسبب رشاشات بتليك ......

_ وده برضه ممكن تعرفه لو كان الزيت بيقل معاك على المقاس ( وبتزود زيت مثلا )....

[Thaer]

سلام يا شباب
للأسف عملت موضوع مشابه للموضوع ده من غير ما انتبه لوجوده. أعذروني.
نفس الكلام عندي الا انه لما يكون الماتور داير مدة 10 دقايق و اكتر بتكون الدخنة دة اكتر و لونها اسود.

و دمتم

[samirayad]

أنا رديت عليك على البيانات اللى عاوزها علشان أفكر كويس برضه ................عموما ( أخبار الزيت معاك أيه ) بتزود زيت ولا لا ......وبرضه تكون مطمن أن سبب نقص الزيت مش سبب خارجى ( سيل كرنك ....أو جوان تاكيهات وهكذا )

[mashamisho]

سيارتي لانوس1 اوتوماتيك يوجد رعشة في بداية السر اول ما ادوس علي البنزين ثم تختفي الرعشة مع السرعة

[mashamisho]

زيت الموتور زي الفل ولا يتم تزويدة

[samirayad]

أدينا البيانات الكامله للمكنه عندك من 1 الى 13 اللى مذكوره فى الموضوع ده................http://www.nilemotors.net/Nile/showthread.php?t=75775