ماتور العربية سبب بعادي كل الفترة دي

[Thaer]

يا جماعة العربية بحاجة لتجديد الترخيص! معرفش حضراتكم بتسموه ايه؟ اللي هو استمارة العربية يعني

المهم الترخيص ده بيلزمه فحص فني للعربية، و اخوكم رحت جاري لدائرة السير و انا متطمن انه اموري حتكون حلاوة بالعسل.
لكن قالوللي انه في دخان و روح اعمله! و بدأت دوخة الميكانيكية و الصنايعية و المفتين العامين و الخصوصي!
المهم آخر واحد قاللي انه في جلود للصبابات " اظن انه اسمهم بساتن عندكم" و عايزيين يتغيروا و الكلام دة يلكلف تقريبا 200 دولار!

معرفش الكلام ده صحيح ولا لا، لكن الاعراض هي: اول التشغيل ما فيش دخنة، لكن بعد التشغيل ب 10 دقائق يظهر دخان ابيض خفيف و لما ادوس جامد على البنزين بيطلع دخنة سودة!! اعمل ايع بالمصيبة السودة دي؟؟؟


و دمتم

[samirayad]

طيب قولنا على موقف البيانات الموضحه فوق فى الموضوع المثبت....علشان نفكر كويس فى سبب الدخنه

[abzoabzo]

بيتهيالى العربية ده عايزة عامرة موتور

[Thaer]

طيب قولنا على موقف البيانات الموضحه فوق فى الموضوع المثبت....علشان نفكر كويس فى سبب الدخنه

انا اسف يا استاذ سمير بس مفهمتش ايه يعني "طيب قولنا على موقف البيانات الموضحه فوق فى الموضوع المثبت"
لكن انا ممكن اضيف و اقول انه فتحة الشكمان فيها آثار ترسبات زيت، مع اني براجع على الزبت كل فترة و فترة و بلاقي انه مش بينقص.

مش عارف هل الكلام ده كافي لحضرتك. طبعا بالنسبة لسحب الماتور و قوته انا شايف كويس و انا من النوع اللي ما بيشدش على العربية بالعكس آآآآخر دلال عبد العزيز.

[samirayad]

انا اسف يا استاذ سمير بس مفهمتش ايه يعني "طيب قولنا على موقف البيانات الموضحه فوق فى الموضوع المثبت"

ياباشا ولايهمك : فيه فوق فى المواضيع المثبته أعلى القسم البيانات المطلوبه وقت تشخيص عيب بالمكنه..............

لكن انا ممكن اضيف و اقول انه فتحة الشكمان فيها آثار ترسبات زيت،

طالما من عند الشكمان فيه زيت ....يبقى الزيت بينقص .....وده ممكن يكون سببه كاوتش (جلد الصباب) أو المكنه بتفوت من عند الشنابر .....وده ممكن تعرفه بأختبار خروج البخار اللى رايح من الكرتير لخرطوم الهواء ( وده بنسميه خط الفائظ )....لأنه بيهوى عن كرتير المحرك

و انا من النوع اللي ما بيشدش على العربية بالعكس آآآآخر دلال عبد العزيز.

هههههههههه ياعم خليك فى حالك ( أنت فى أيه ولا أيه )......وبعدين الأردن مليانه برضه ممثلات ....ههههههههههه.....وفى الغالب حيكون فعلا جلد الصباب هو السبب ( طالما مابتشدش زى مابتقول )

[MMamdouh]

غالبا عربيتك عايزة طقم كاوتش صباب

MMamdouh

[Thaer]

( أنت فى أيه ولا أيه )......وبعدين الأردن مليانه برضه ممثلات ....ههههههههههه

الاردن مافيهاش لا ممثلين و لا ممثلات و لا مغنيين ولا مغنيات. كل اللي اعرفهم اقل من عدد شعر راسي...

المهم... سؤال أخير لأني عارف اني سببتلك صداع يا بو قلب كبير: هل ماتور الافيو بيركب على العربية بدون تغييرات؟
انا اللي عندي ماتور 1500 سي سي و dohc. يعني ممكن يتغير بدون تغيير اي شي بالجدلة اب بالكمبيوتر و غيره؟

و لعلمك بقة انا بموت بسمير غانم و مراته هع هع هع هع هع


و دمتم

[samirayad]

لا حتة أن موتور الأفيو يركب على العربيه دى أنا معرفش فيها وأكيد مستشارنا هو اللى حيفيدنا فى النقطه دى.....

[Thaer]

متشكر يا عم، كلك زوق و الله، على العموم ده اللي أجمع عليه الاخوة هنا و الصنايعية اللي شفتهم...
طبعا و كلامك انت و سمير أكد لي الموضوع.
شكرا كتير لحضراتكم

[samirayad]

هو كاوتش الصباب مش مستحق أنك تغير الموتور علشانه .....دا أنت حطلع رأس السلندر وكل حاجه فى مكانها ......وأعمل روديه بالمره ونضف مجارى التبريد......وخلصت ( مع تغيير الجوانات طبعا ...رأس سلندر وغطاء تاكيهات )