سوستة المرشيدير

[Akram]

انا من امبارح ملاحظ إن سوستة المرشيدير بقت احياناً بتعلق , يعني مش راضية تتحرك و بالتالي بحاول إني اسايسها او إني اجيب أي غيار و بعدين اجيب المرشيدير ,
و انا كنت مغير زيت الفتيس من كام شهر عند محمد عبده و هو عرض إننا نغيره بزيت بيستخدموه في التوكيل للفتيس بس هو مش زيت خاص بالفتيس و لكنه خاص بالموتور و إسمه (زيت موبيل دلفاك),

يا تري ممكن دا يكون السبب و لا السوستة بيبقى ليها ضبط أو تزييت ,
و الزيت ده يجب تغييره بعد كام كيلو.

[samirayad]

بس هو مش زيت خاص بالفتيس و لكنه خاص بالموتور و إسمه (زيت موبيل دلفاك),

موبيل بتنتج 3 أنواع من الزيت ده

1- دلفاك mx ci4 و 2- دلفاك 1300 سوبر

3-دلفاك 1300

_ ودول بيستخدموا لمحركات الديزل..............

[Akram]

سمير باشا ,
هو قاللي إنه فعلاً للديزل و لكنهم بيستخدموه في التوكيل للفتيس ,
و انا قلت أجرب و لو حسيت بأي مشكلة هغيره ,
و الحقيقة محستش بمشكلة من ساعت ما حطيته غير من يومين ,
و انا عايز أعرف هل أغيره بزيت تاني و لا اعمل إيه , وبالنسبة لموضوع السوسته المشكلة ممكن تكون إيه .

[samirayad]

هو قاللي إنه فعلاً للديزل و لكنهم بيستخدموه في التوكيل للفتيس ,

والله يا أستاذ: أكرم ....أنا مش عارف أقولك أيه ( أصل الكلام غريب الصراحه ) لأننى شوفته عندى لقيته لمحركات الديزل فحبييت أقولك .......وطالما أنت غيرته يبقى خلاص (جربه ولو حسيت بأى مشكله فى الفتيس غيره على طول بزيت فتيس بقى وخلاص ).....طالما بيستعملوه فى التوكيل

و انا عايز أعرف هل أغيره بزيت تاني و لا اعمل إيه

أنا لو مكانك مش ححطه أساسا فى الفتيس ....لأن كل زيت لمعده وليه مواصفاته (وزيت أى مكنه بيحتوى على أضافه بتزود لزوجته مع الحراره ) وكده سرعة الفتيس بتقل شويه مع الحراره ....يعنى فيه جزء من حمل المكنه بيروح ......وممكن يزيد أستهلاك البنزين معاك ( وأنا محرج الصراحه من الكلام فى الموضوع ده ) لأن عارف أن الأخ : محمد عبده من الناس المشهود لها بالكفاءه ( ومش عارف فى التوكيل بيستعملوا زيت مكنه ديزل للفتيس أزاى )...no comment

وبالنسبة لموضوع السوسته المشكلة ممكن تكون إيه

بالنسبه لدى أنا لم أحتك بها من قبل ....ولكنى أعتقد أنك لوشيلت الجلده بتاعة يد النقل بتاعة الفتيس حيبان وضعها كويس وحالتها............

[MMamdouh]

كبداية زيت دلفاك دة زيت لمواتير الديزل زى ما المهندس سمير قال و انا كنت بحطة فى موتور العربية البيتلز و كان شغال تمام... موضوع انة بيتحط فى الفتيس دى اول مرة اسمعها

عموما لو الزيت خفيف زيادة عن اللزوم حتحس ان الغيارات بتزعق معاك او مش عايزة تعشق... و لو الزيت تقيل حتحس بنفس الكلام بس الصبح بدرى ايام الشتا

ممكن يكون اللى عندك دة رجلاش لعصاية الفتيس خصوصا انة مبيحصلش الا فى المرشدير... انا رائى ارجع لعبدة يراجعلك ضبط العصاية و لو المشكلة متحلتش يبقى نزل الزيت دة و حط زيت W90

MMamdouh

[Akram]

شكراً سمير باشا , شكراً محمد باشا ,
الحقيقة انا محستش بأي مشكلة حتى في الفترة اللي كان الجو برد في الصبح , مكنتش بحس إنه تقيل و المشكلة زي ما قلت مع المرشيدير فقط ,
أنا برجح إنه عصاية الفتيس محتاجة ضبط زي ما محمد قال , و لو حسيت بمشكلة تاني يبقى الأحسن الواحد يغير الزيت ده ,
هبقى أروح لمحمد عبده و هقولكم على الأخبار .