الفرنا احسن من اللانوس

[akram2010]

غاليه ليه مش عارف وعربيه فراملها تعبانه وثقليه فى السرعات وماكينه 1500 ب 80 حصان بس والزجاج الخلفى لاغى فيه مسخنات لتكثيف البخار زى عربيات زمان .. وتيجى تلاقى الفيرنا 112 حصان و 1600 وشكلها افضل مليون مرة مرة منها وشكلها احدث كتصميم وارخص منها 4000 جنيه

[MMamdouh]

خلاص اشترى فرنا

MMamdouh

[nasroo]

خلاص اشترى فرنا

MMamdouh

الخلاصة هههههههه

[Shiref_mohamed]

غاليه ليه مش عارف وعربيه فراملها تعبانه وثقليه فى السرعات وماكينه 1500 ب 80 حصان بس والزجاج الخلفى لاغى فيه مسخنات لتكثيف البخار زى عربيات زمان .. وتيجى تلاقى الفيرنا 112 حصان و 1600 وشكلها افضل مليون مرة مرة منها وشكلها احدث كتصميم وارخص منها 4000 جنيه

زعلان ليه حضرتك
اشترى الفيرنا وربنا يباركلك فيها ويبارك لبتوع اللانوس في عربياتهم

على فكرة اخو واحد صاحبى لسه شاري شيفروليه لانوس من اسبوع بـ 70000 جندي

[zocor742]

مش عارف انتم بتقارنوا الفيرنا ازاى بالانوس يا جدعان الانوس برقبتها مش عارف كل ما حد يجى يتكلم عن الفيرنا يقولك 1600 وطيارة طيب مالازم تكون طيارة عربية خفيفة جدا ولو قارنت ثبات الفيرنا باللانوس اكيد الانوس تكسب اما الشكل الفيرنا تصميم الالفينات والانوس التسعينات وانا عن نفسى لو كسبت عربية فيرنا فى بسكويت الشمعدان مش هركبها لأنى متعقد منها تخيلوا ادوس فرامل على سرعة 110 الاقى العربية عرضت وخرجت برة الطريق وتقلب وتسحف امال لو ما 140 مش 180 كان اية الى هيحصلى ومعلومة العربية كان فيها جنط 15 كمان دة انا بالنوبيرا باخد ملفات على 120 والعربية عايزة اكتر الحمد لله
من الاخر العربية الفيرنا دى افشل عربية نزلت فى موديلات 2000 مع احترامى لكل ملاكها عندى اركب صينى ولا اركب الفيرنا دى

يرجى من العضو مراعاه الدقة فى كتابة لفظ الجلالة

مشرف القسم

[Mohamed.Fawzy]

غاليه ليه مش عارف وعربيه فراملها تعبانه وثقليه فى السرعات وماكينه 1500 ب 80 حصان بس والزجاج الخلفى لاغى فيه مسخنات لتكثيف البخار زى عربيات زمان .. وتيجى تلاقى الفيرنا 112 حصان و 1600 وشكلها افضل مليون مرة مرة منها وشكلها احدث كتصميم وارخص منها 4000 جنيه

*ماتور الفيرنا احدث ....معاك

*عزمه اقوى ..........معاك

(لكن متنساش برده عامل مهم وهو العمر الأفتراض للموتور لآن ماتور الفيرنا جديد نسبيا ومتجربش لفتره زمنيه كبيره زى الانوس التى يعتبر ماتورها GM من جيل E TECH و هو غنى عن التعريف و مجرب لسنوات طويله فى العديد من السيارات وليس الدايو فقط)

*شكلها افضل مليون مره وتصميمها احدث ..... اسمحلى بقى اختلف معاك لآول مره لآن الشكل ده نسبى ولا يتفق عليه 2 انا عن نفسى بكره شكل الفيرنا موت بخطوطها الحاده دى خاصه من عند الكبوت من ناحيه الفوانيس الأماميه تحس ان مفيهاش انسيابيه خالص (رأى شخصى) و مع ذالك اصحابى كلهم عندهم نفس الرأى ولذلك انا عن نفسى اشتريت لانوس زيرو وتراجعت عن الفيرنا (الشكل لم يكن سبب رئيسى للتراجع) وفيه ناس تانيه العكس يعنى بأختصار عامل الشكل ده لا يدرج ضمن المقارنه لآنه نسبى

*والزجاج الخلفى لاغى فيه مسخنات لتكثيف البخار زى عربيات زمان .... برضه ليس سبب وجيه لتفضيل سياره على اخرى يعنى لا يدخل فى نطاق المقارنه

لو عايز تعرف الفرق بينهم و المقارنه الصحيحه ادخل قسم المقارنات هتلاقى الأستاذ سبعاوى عامل مقارنه تاريخيه بينهم

[MMamdouh]

و الاهم من كدة اللى عايز يقارن الفرنا يقارن ال1500 بتاعتها باللانوس... اما اللى عايز يقارن ال 1600 فا يقارنها بالنوبيرا

و اعتقد فى الحالتين المقارنة محسومة

MMamdouh

[akram2010]

اخى محمد
السلام عليكم
الخطوط الحادة بيكون افضل للصاج لآنه عامل قوى لشد الصاج بتصميمه النهائى وعند الصدمات تلاقى السمكرى بالسهل يعدلها وتكون ناشفه معاه وتلاقى مع تكرار السمكرة شكل السيارة بيكون سليم . فى حاله السيارة اللانوس كلها دوران وانتفاخات دة مع اى سمكرة تنفخ العربيه وبيكون تصليحها واعادتها لشكلها الاصلى الفابريقه صعب جدآ ودة مش اللانوس وكمان اليارس كلها سيارات يصعب عليك اعادتها للفابريقه . علشان كدة انا انصح بالفيرنا الخطوط الحادة ميزة يا اخى . وعلى فكرة انا شفت اخونا السعوديين هنا مركبين فرامل abs للفيرنا ويشكروا فيها بس ما اعرف هل مصر فيها الامكانيات دة لتركيب فرامل abs للسيارات؟؟

[ضيف]

قبل شرائي عربيتي الحالية كان معايا لانوس 99
بعتها في ديسمبر 2007 لتاجر بسوق العاشر بمبلغ 40 ألف (العقد لسه معايا)
العربية قعدت معايا سنيييييييييين
بالنسبة للبومبيه (الإنتفاخات) الرفرف أو السُوَِِك (جمع سوكة) الجانبية أو حتى خطين الكبود , لو فيهم (نغزة أو حكة) ........... السمكري الوحيد اللي ميعرفش يضبطهم يبقى مش كتير عليه قطع إيده أو يسيب الصنعة .

[marq="3;right;3;scroll"]
من واقع تجربتي الشخصية
[/marq]

[zocor742]

بالظبت زى ما حضرتك بتقول دة مينفعش يكون سمكرى اصلا للأن دة شغلتة يرجع الصاج زى ما كان ولو صعب عالية الموضوع دة يبقى بلاش يشتغلها والسمكرى الصح هيعرف يرجع الصاج زى ما كان حتى لو كان مكعر فى بعضة الرك على الصنايعى وصاج الانوس من احسن الصاجات الى اشتغل فيهم السمكرية ودة كلامهم مش كلامى

[ضيف]

بالظبت زى ما حضرتك بتقول دة مينفعش يكون سمكرى اصلا للأن دة شغلتة يرجع الصاج زى ما كان ولو صعب عالية الموضوع دة يبقى بلاش يشتغلها والسمكرى الصح هيعرف يرجع الصاج زى ما كان حتى لو كان مكعر فى بعضة الرك على الصنايعى وصاج الانوس من احسن الصاجات الى اشتغل فيهم السمكرية ودة كلامهم مش كلامى

تقول لمين و مين يسمع
فعلا (ملاقوش في الورد عيب قالوا له يا أحمر الخدين)
و بكرر تاني ,حكمة في توقيع أحد الأعضاء الأفاضل بتقول :
[marq="3;right;3;scroll"]
لو سكت من لا يعلم لسقط الخلاف
[/marq]

[mahmoudysf]

على الرغم اني معايا لانوس لاكن عشان نحكم على الفيرنا او اي عربية تانية لازم نكون حكم عملي عن طريق التجربة وليس عن طريق العصبية لسيارتنا مينفعش نحكم على الفيرنا الا من خلال التجربة او من خلال حكم امين لواحد معاه الفيرنا
مش كدة ولا اية

[ehab4367]

يا شباب انا قريت فى بعض الجرايد بيقول السعر وصل 65000 للانوس فول اوبش
انا عاوزة الاكيدة منكم
الكلام دة صح؟؟؟؟؟؟؟؟؟؟؟

[mohamedmedia]

يا جماعة انا اشتريت عربية شيفروليه لانوس ب 68500 جنية يوم 15\3 وفول اوبشن كاملة من معرض المصرية للسيارات فى المنصورة

[akram2010]

ماينفع نقارن سيارات تصميم التسيعنيات بسيارات تصميمات حديثه فى منتصف الالفينيات زى الفيرنا ..... ممكن تقارن بالاكسنت القديم 1999 اما الجديد مافيش اى وجه مقارنه طبعآ ... لاشكل ولاتصميم والدليل شوفوا اللانوس المستعمل وال رش من برة مهما سمكرت عند مين حتى مش بترجع لحاله الفابريقه وشكلها بيكون سيىء للغايه وقلنا السبب الصاج المنفوخ وال فيه دوران يعيب السيارة ... ولذا عيوب اللانوس دة لن تجدها فى الفيرنا لآن كثرة السوك فى الاكصدام والبودى محافظ على شكلها ...