ال rpm عند بدء الدوارة

[Badrowi]

المفروض ان ال rpm يكون على 2 ولا 3 عند الدوارة

وكمان سؤال

فيه واحد معرفة عنده لانوس 2004 عند مشكله ان مع الدوارة ال rpm بيرفع للاخر وبعدين ينزل تدريجى

فهل ده طبيعى ولا غلط
ومعناته ايه

[Samir Elshahawy]

أنا عندي عدد اللفات مع أول الدوارة بيكون 1000 لفة/دقيقة و بعد كده لما العربية بتسخن و مؤشر الحرارة بيبدأ يرتفع عدد اللفات بينخفض لحوالي 800 أو 850 لفة/دقيقة

غير كده يمكن يكون عندك مشكلة في العداد أو السنسور

[bishoy02010]

غلط مش طبيعى انة يكون فوق 1300 لفة اصلا ودة اثناء التسخين

[samirayad]

المفروض ان ال rpm يكون على 2 ولا 3 عند الدوارة

عندى وأنا لسه بأدور والمكنه بارده ....مع سنة المارش بتكون السرعه 1400 لفه /ق تقريبا .......وبعد حوالى 30 ثانيه بتكون نزلت لــــــ1000 لفه /ق .......وبعد أستقرار فترة التسخين بتكون حوالى 850 لفه/ق................................................. ........ولكن لما بتكون المكنه سخنه وبدور بعد مشوار بتبدأ القصه اللى فاتت من عند 1550 الى 1600 وأنت نازل .......بس النزول لــــــــــــــ850 تانى بيكون فى no time علشان مش محتاجين فترة تسخين

فيه واحد معرفة عنده لانوس 2004 عند مشكله ان مع الدوارة ال rpm بيرفع للاخر وبعدين ينزل تدريجى

طبعا كده مش طبيعى

ومعناته ايه

ومعناته ......أن الtps بيبقى معلق فى البدايه .......لأن وحدة التحكم فى بداية تقييمها لسرعة السلانسيه بتعتمد على أشارة الحساس ده وحساس حرارة مية التبريد

[shaky]

انا عندى بيبقى 1100 او 1000 ساعة الدوارة الاولى الصبح وبعد كدة بيثبت على 800 اول ما العربية بتمسك حراراة

[Badrowi]

عندى وأنا لسه بأدور والمكنه بارده ....مع سنة المارش بتكون السرعه 1400 لفه /ق تقريبا .......وبعد حوالى 30 ثانيه بتكون نزلت لــــــ1000 لفه /ق .......وبعد أستقرار فترة التسخين بتكون حوالى 850 لفه/ق................................................. ........ولكن لما بتكون المكنه سخنه وبدور بعد مشوار بتبدأ القصه اللى فاتت من عند 1550 الى 1600 وأنت نازل .......بس النزول لــــــــــــــ850 تانى بيكون فى no time علشان مش محتاجين فترة تسخين

ده عندى اناكمان وساعات لما ادور بعد مشوار (العربية سخنة) مكن يجيب 2 وبحس ان صوت الموتور عالى


انما الراجل المعرفة ده انصحه بالكشف على tps

[samirayad]

ده عندى اناكمان وساعات لما ادور بعد مشوار (العربية سخنة) مكن يجيب 2 وبحس ان صوت الموتور عالى

كبر الليله بالنسبه ليك دلوقتى ......ومفيش مشاكل ولما تروح التوكيل تعمل صيانه ......خللى الفنى يحل القفيز بتاع الخرطوم اللى داخل على البوابه ويرشلك wd40 على البوابه زى ما أنا عملت قبل كده فى التوكيل من فتره .........................

انما الراجل المعرفة ده انصحه بالكشف على tps

لا لو السرعه بتبقى كويسه معاه بعد العربيه ماتسخن ......يبقى الtps مفيش فيه مشكله ويمكن يكون معلق فى البدايه .......وخليه بس يحل خرطوم الهواء من عند مدخل البوابه ويرش مزيل الصدأ .....ويحرك سلك البنزين كذا مره من عند البكره (علشان يصنفر جسم البوابه من على جدرانها من الملوثات ...........علشان البوابه ممكن تكون بتركن شويه وهو مبطل وخليه يجرب )...............وبرضه خليه يعمل أيدل ليرن ( يمكن يكون كان مغير بطاريه .....أو عامل شغل كهرباء معين فى العربيه وفاصل البطاريه اللى معاه حاليا.......ووحدة التحكم نسيت معلوماتها القديمه .....وعاوزه تفتكر سرعة السلانسيه تانى )

[mohamed808]

السلام عليكم

المفروض ان rpm يكون ما بين 1000 و1100 عند بدء الدوران وينخفض الى مابين 800 و850 بعد 30 ثانية او اقل اما اى حاجة غير كدة معناها ان حساس ال tps محتاج يتغير لان مش كل محاولات تنظيفه بتجيب نتيجة .
وكمان متنساش ان ده هيسبب زيادة فى درجة حرارة السيارة ويرفع معدل استهلاك البنزين .

محاسب / محمد محمود

[zocor742]

انصحك حط العربيتين على اسكانر وشوف العيب من اية بالظبت واى خلل هيبان مع قراية الحساسات وياريت متعملش حاجة قبل ما تعمل زى ما قولتلك عشان توفر فى وقتك وفلوسك

[dr_mak]

شوف سير ااكسلتير ممكن يكون مشدود ....لان الحوار دة كان عندي وطلع الاكسلتير مشدود