العربية بتقطع

[ibrahimhamdy6]

اولا السلام عليكم جميعا

المشكلة ان انا عندى عربية لانوس 2004 فول اوبشن مشتريها من 3 شهور تقريبا وهى ماشيا ببنزين 80 من ساعت ما الرجل باعها لى قالى انة مظبطها على 80 وان مشيت على كدة ولكن العربية الصبح بتقطع جامد معايا لغاية اما بتسخن بتمشى كويس وعدد اللفات يكون عند التشغيل حوالى 1200 وكذلك استهلاك البنزين حوالى 200كم / الصفيحة وعندى مشكلة اخرى ان لمل بفول البنزين بينقط لغلية اما يقل حوالى 10 لتر عن التفويلة والمؤشر بينزلش عن full

ارجو الافادة وشكرا لكم جميعا على الاهتمام

[samirayad]

ممكن يكون البنزين آخر مره مونت فيها مغشوش ......وبرضه أطمن على البوجيهات والفلاتر ......وغير سير الكاتينه لو ماكنتش غيرته بعد شرائك للسياره .......لأن أكيد السياره عدت 40 ألف (لأنها 2004 )

[ibrahimhamdy6]

اولا متشكر جدا على الاهتمام
انا فعلا لسة مغير سير الكاتينة وسير الدينامو ومغير عدد 2 رشاش بس جبت استيراد من عند الميكانيكى والميكانيكى قالى ان البوجيهات كويسة ونظيفة ولكن عندى سؤال هل بنزين 80 ضار بالموتور ولا
وشكرا لك يا مهندس سمير

[samirayad]

ولكن عندى سؤال هل بنزين 80 ضار بالموتور ولا

هو مش ضار بمعنى الضرر ....لأن فيه زملاء كتير بتستعمله .....وهم أدرى بكفاءته معهم .....ومن المعروف علميا أن البنزين ذو درجة الأوكتين الأقل زى 80 .....بيدى عند أحتراقه كفاءه حراريه أقل من 90 مثلا ................كما أن فرصة غشه بتكون أعلى من ال90 أو 92 ( وذلك لأن السحب عليه كتير ) فيجب أن تكون حريصا جدا فى أنتقاء مكان التموين .....وفى الغالب آخر تفويله ليهل علاقه بالوضع الحالى عندك ...............وأكيد الزملاء اللى بيستعملوه حيقولولنا على ملاحظتك دى ( هل هى طبيعيه أم لا .....وأنا أعتقد بأنها غير موجوده عندهم ......والا كان قالولنا )......وبرضه حيقولولك على معدل الأستهلاك عندك طبيعى ولا لا .................