تخبيط فى الدريكسيون فى المطبات ..

[zocor742]

السلام عليكم

انبارح بعد صلاة الجمعة قابلت واحد صحبى وجارى معاة لانوس 2001 واخدنى ورحنا مشوار بعربيتة واحنا رجعين سوقت العربية
المهم لاحظت حاجة غريبة عندة لما تكون الارض متكسرة او متحضرة وانت مزود شوية تحث بكل الزبذبات الى فى الارض على الطارة نفس الخبطات الى فى العفشة بس بتحس بيها على الطارة

هل الموضوع دة طبيعى فى اللانوس ولا فية حاجة فى عفشة العربية مش مظبوطة وهية الى بتوصل الخبط دة للطارة هو مش خبط بصوت ولاكن بتحثة خبط فى الطارة

واسف للأطالة

[Sherif Khalifa]

بارات الطرف من الحاجات الى بتستهلك بسرعة فى الانوس
ممكن تكون محتاجة تتغير

[zocor742]

ودى تبع العفشة ولا اية
ولو اتغيرت الخبطة دى بتروح
ومعلش حضرتك متعرفش سعرها كام وهل فية منها استيراد ولا الجديد احسن
وشكرا لرد حضرتك

[Sherif Khalifa]

تبع العفشة
دة الى ماسكة اتياش علبة الدركسيون بالركبة و هيا المسئولة عن حركة الدركسيون

لما بتخف بتعمل صوت هبد و الدركسين بيكون خفيف مع المطبات

نعهم crt سعرهم حوالى 60 للطقم

بس دا استنتاج مش اكتر متغيرش حاجة الا بعد الكشف عليهم علشان متغيرش حاجة على الفاضى

[zocor742]

اشكرك ياباشا

[nasroo]

ده سؤال كان واحد سأله في الورشة

34 am
bravehorse

السلام عليكم
انا مغير مساعدين من حوالى سنه وجبت مساعدين يابانى وكانت اغلى من الكورى ولسه نفس العيب موجود ولسه من حوالى اربع شهور مغير جلب مقصات وبارات .
المشكله ان سعات العربيه مع المطبات بحس انها بتتهبد وكان فى حجات مفككه وسعات اتعمد اخد نفس المطب بنفس السرعه احس انى راكب مرسيديس مش لانوس بتكون ناعما ومابحسش بالمطب وعلى فكرة ده هو نفس العيب الكان فى المساعدين القدام ومحستش بفرق لما غيرت الاربع مساعدين وغير كدا سعات بسمع صوت تخبيط جى من الشنطه ورا لما بمشى فى طريق غير ممهد رحت لبتاع ببان لقيت الشنطه متربطه كويس رحت لعفشجى قالى المساعدين ذى الفل رحت لبتاع الشكمنات قلى الشكمان مربوط كويس رحت للمكنيكى قلى مفيش حاجه لو حد عنده حل يسعفنى

انا عندي مشكلة مشابهة وهي اني بسمع صوت لما امشي في شارع مدغدغ صوت كأني ماسك شوية مسامير في ايدي وعمال اشخللهم جاي من ناحية الشمال وصوت تزييقة بسيطة اوي لما اكون نازل من على مطب - انا مربط عافشة من 3 شهور تقريباً
روحت لعفشجي امبارح قاللي ممكن نغير كاوتش طعمية وهنبص على جلب المقصات وبيض مش عارف ايه كده بس انا كنت مستعجل فهروحله بكرة انشاء الله
كمان عندي صوت زي مايكون حاجة بتلؤ جوة العربية - العفشجي قال لي ده الرف اللي ورا اللي فيه السماعات بيتلخلخ بس انا مش مقتنع بالكلام ده

[Sherif Khalifa]

اصوات الخبط فى الانوس يتكون من الاتى على حد معرفتى

من الامام للخلف

- عيب فى بارات الطرف او تكون خفيفة
- كويتش الميزان بيكون مقطوع او الميزان محتاج ربط كويس
- الدشم الى ماسكة تيل الفرامل تكون الصوابع الى مسكاها مبوشة
- مساعدين محجرة او خفيفة

فى الوسط
- مسامير البيبان تكون سيبة
- شفة قفل الباب الى بتمسك فى جسم العربية عند غلق الباب بتكون مبوشة فبتعمل صوت تكتكة

الخلف
الصوت الى بيكون من الكنبة دا بيكون من قفل الشنطة نفسة و بيروح بعد التشحيم الجيد

دى الحاجات الى قبلتنى ايام الانوس

[nasroo]

هو كاوتش الطعمية ده مش بيبقى في الدركسيون؟ وايه علاقته بصوت الشخللة؟

[MMamdouh]

كاوتش الطعمية هو كاوتش الميزان... و لما بيشقق و ينشف بيسبب صوت خبط مع المطبات نتيجة حركة الميزان

MMamdouh

[nasroo]

كاوتش الطعمية هو كاوتش الميزان... و لما بيشقق و ينشف بيسبب صوت خبط مع المطبات نتيجة حركة الميزان

mmamdouh

انا دايماً اسمع عن كاوتش الطعمية وكنت فاكره حاجة في الدريكسيون لكن اول مرة اعرف انه هو كاوتش الميزان
كده يبقى كلام العفشجي صح ان الاصوات دي ممكن تكون منه
شكرا يا كبير

[Shiref_mohamed]

انا دايماً اسمع عن كاوتش الطعمية وكنت فاكره حاجة في الدريكسيون لكن اول مرة اعرف انه هو كاوتش الميزان
كده يبقى كلام العفشجي صح ان الاصوات دي ممكن تكون منه
شكرا يا كبير

ممكن تبص عليه بنفسك ..
لو بصيت من ورا العجلة الأمامية هتشوف كاوتش الميزان الطعمية لو لاقيته ناشف ومشقق ابقى هاتهولى اعمله سندوتش طعميه:k31:

[nasroo]

لو لاقيته ناشف ومشقق ابقى هاتهولى اعمله سندوتش طعميه:k31:

انت اشتغلتني والله
شاكلك بتحبها مقرمشة

[Shiref_mohamed]

انت اشتغلتني والله
شاكلك بتحبها مقرمشة

انا بحبها مقرمشة ومقلية بزيت موبيل 1

لا يا حبيبى والله مش بشتغلك ولا حاجه بس موضوع الطعمية ده جوعني ..
بس فعلا الكاوتش الطعميه بتاع الميزان ممكن تبص عليه بنفسك من ورا كل فرده وابقى اكسر الدركسيون عكس الناحية الى بتبص عليها عشان الدنيا تبقى واضحه ومتحتجش تنزل تحت العربية
ولو لاقيته مشقق او متقطع يبقى محتاج تغيير وهو الى عامل معاكك دبه
وكمان لما تغيره ابقى خلى الميكانيكي يحطلك صاموله كونتر فوق الصاموله بتاعت مسمار الميزان عشان مره المسمار فك منى ومش هقولك على الى كان هيحصل لأخوك

[zocor742]

على فكرة ياجماعة الموضوع دة طلع من جلب فى الدريكسيون واتغيرت وبقى تمام
بس عايز اقولكم ان الدريكسيون بالعلبة بكلة اتفك وطلع من الطابلوة كأن حد مطلع مصارين حد وصحبى الى هو عندة المشكلة بقى خايف احسن الميكانيكى ميعرفش يرجعة زى الاول وكانت ليلة ومرتحش غير لما ساق العربية بعد ما كل حاجة اتركبت زى الاول مع الفرق للأحسن طبعا دة غير الوقت الى اخدة الميكانيكى فى الحوار دة
بصراحة انا لو كان عندى المشكلة بعد الى انا شوفتة بيتعمل فى الدركسيون مش هفكر اصلحة
اصل قلبى خفيف فى موضوع الفك فى العربية والتكيب من جديد عشان لو الميكانيكى حولى يبقى عليك العوض

[Shiref_mohamed]

على فكرة ياجماعة الموضوع دة طلع من جلب فى الدريكسيون واتغيرت وبقى تمام
بس عايز اقولكم ان الدريكسيون بالعلبة بكلة اتفك وطلع من الطابلوة كأن حد مطلع مصارين حد وصحبى الى هو عندة المشكلة بقى خايف احسن الميكانيكى ميعرفش يرجعة زى الاول وكانت ليلة ومرتحش غير لما ساق العربية بعد ما كل حاجة اتركبت زى الاول مع الفرق للأحسن طبعا دة غير الوقت الى اخدة الميكانيكى فى الحوار دة
بصراحة انا لو كان عندى المشكلة بعد الى انا شوفتة بيتعمل فى الدركسيون مش هفكر اصلحة
اصل قلبى خفيف فى موضوع الفك فى العربية والتكيب من جديد عشان لو الميكانيكى حولى يبقى عليك العوض

lالف مبروك يباشا بس ياريت توضحلي ايه جلب الدركسيون ديه ومكانها فين بالظبط