اخر التطورات بعد ما غرست

[Badrowi]

انا حاليا ملاحظ الاتى
لما كنت باطلع بالعربية بالاول كانت تتحرك وتجرى وكنت ممكن اتحكم فى سرعتها زيادة او نقص بالدبرياج

حاليا لما اطلع بيها من السكون يدوب تتحرك بس لكن معادتش بتجرى زى الاول
ولو اتحكمت فى سرعتها بالدبرياج يا تهدى يا تمشى بطئ معدتش بتجرى ابدا زى الاول
ونفس الكلام فى المارش مع ملاحظة ان سرعته قلت عن الاول

[Badrowi]

http://www.nilemotors.net/Nile/showthread.php?t=76542

ده الموضوع

ملاحظة
هو كده ممكن تكون الاسطوانة او الديسك اتنحل او اتاكل

ولا ممكن يكون عيار السلانسيه او عيار الدبرياج

[samirayad]

لا ياباشا ....لا توهم نفسك .....دا تلاقيك بتغسل العربيه كتير فى البنزينه وفيه ميه بسيطه حصلت بلى العجل وتقلته شويه ولا حاجه ........أنما صعبه أوى الحته بتاعة الصيد دى تكون أثرت بسهوله أوى كده على الدبرياش أو قوة حبك الغرف.........

ونفس الكلام فى المارش مع ملاحظة ان سرعته قلت عن الاول

وماذا تقصد من هذا الأقتباس .....لأن ده ملوش علاقه ......ويمكن قصدك حاجه تانيه !!!!!!!!!!!

[Badrowi]

انا قصدى ان الاول لما كنت اجى اطلع العربية من السكون كانت طلع وتجرى بعدها ولما ارفع رجلى من الدبرياج احس ان العربية بتجرى
انما الوقتى لما اطلع العربية من السكون احس ان العربية طلعت وبس يعنى لو استنيت شويه ولحقتهاش بالدبرياج او البنزين مكن تبطل وده اللى بيحصل فعلا

[samirayad]

يبقى لو السلانسيه كويس زى الأول ......أعمل ترصيص للكاوتش وأطمن على صوت البلى .............وبالمره أكشف على فلتر البنزين والهواء

[abouzaid555]

هو حضرتك عملت اى حاجة فى العربية قبل الموضوع ده يعنى مثلا فولت العربية عملت صيانة غيرت فلاتر او غيرت زيت غيرت سير التقسيمة حاجة زى كدة يعنى

[Badrowi]

يبقى لو السلانسيه كويس زى الأول ......أعمل ترصيص للكاوتش وأطمن على صوت البلى .............وبالمره أكشف على فلتر البنزين والهواء

يا هندسة انمت عندك فى عربينك لما بتشيل رجلك تدريجى من على الدبرياج وانت على الاول مش كامنت بتسحب تدريجى وبعدين تجرى

انا كنت كده لكن الوقتى بقت تسحب بس وخلاص على كده لو ملحقتهاش ببنزين ممكن تبطل

[msobhy]

للأسف انا لسه واقع فى المشكلة ديه امبارح
العربية غرزت بشكل غريب لدرجة ان الرمل وصل للعتب - كنت ساعتها فى اكتوبر
طبعا اصوات شخلله رائعة وحك وبعد كده نفس الاحساس ان العربية بقت ضعيفة جدا فى الطلعة
اعتقد ان البلى دخل له رمل وباظ

[samirayad]

والله يا خويا بدراوى .....أنا الموضوع ده مبعملوش عندى أساسا ........ولازم لما أكون طالع بالعربيه وأنا ناقل على الأول ورجلى الشمال على الدبرياش ......قبل ما أشيل رجلى من على الدبرياش.... بأكون مشعر بنزين ....وأنا أجهد المحرك ليه أساسا

[samirayad]

طبعا اصوات شخلله رائعة وحك وبعد كده نفس الاحساس ان العربية بقت ضعيفة جدا فى الطلعة
اعتقد ان البلى دخل له رمل وباظ

المفروض فعلا دلوقتى يا أخى أبو مروان ....تكشف على شحم بلى العجل .....وغيره بالمره .....لأن لو أستمر الرمل فيه حيبوظ البلى للأسف ......فحاول أنقاذ البلى بتغيير الشحم بعد التحقق من أختلاط رمل مع الشحم ........

[msobhy]

المفروض فعلا دلوقتى يا أخى أبو مروان ....تكشف على شحم بلى العجل .....وغيره بالمره .....لأن لو أستمر الرمل فيه حيبوظ البلى للأسف ......فحاول أنقاذ البلى بتغيير الشحم بعد التحقق من أختلاط رمل مع الشحم ........

هو شحم البلى بيتغير؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟ ؟؟؟؟؟؟؟؟؟؟
هو حضرتك قصدك على ايه بالظبط

[samirayad]

هو شحم البلى بيتغير؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟ ؟؟؟؟؟؟؟؟؟؟
هو حضرتك قصدك على ايه بالظبط

طبعا ياباشا بيتغير .....وكل ماتكشف على الشحم بدرى ....كل مالحقت البلى .....لأن الرمل ممكن يبوظ كرات البلى نفسها ويعورها ويعمل عليها زى الصنفره بالضبط .....ويخللى البليه خشنه.....لأن بلى عجل السيارات من النوع المفتوح .....مش زى بلية الدينامو مثلا ( بتكون مقفوله وجواها شحمها )

[Badrowi]

كده نفس الاحساس ان العربية بقت ضعيفة جدا فى الطلعة

الله يفتح عليك يا ابو مروان
هو ده اللى انا بقده

طيب يا هندسة بالنسبة لشحم العجل مش لو هو متضرر من الرمل هياثر على العربيى على باقى السرعات
انا اللى حاسة فى الطلعة بس تفسيرك ايه بقى

[samirayad]

طيب يا هندسة بالنسبة لشحم العجل مش لو هو متضرر من الرمل هياثر على العربيى على باقى السرعات

نعم

انا اللى حاسة فى الطلعة بس تفسيرك ايه بقى

أنت ناسى ....تناسب الأحمال مع السرعات .....وأنت لسه طالع بدون تشعيرة البنزين بتكون العربيه ميته ......أنما لما بتزود بنزين قدرة المكنه بتفرم أى مقاومه تقابلها ............مش كده ولا أيه ياهندسه............هههههههههههههههههههههههه

[waleedrahmy]

بص علي الديسك والاسطوانة برضة