مذكرات اللانوس : العربيه دي بجد أصيله....

[Drift_Lover]

امبارح كنت في مناسبة بالعربيه وللاسف العربيه كانت مشطبه بنزين. والبنزينه مافيهاش بنزين خالص. وعلشان تكمل ماكنش في المخزون غير جركن واحد 4 لتر فضيته في التنك وقلت بظروفها.

المشوار كان حوالي 80 كم ذهاب وإياب.
وفي طريق العوده وقبل مارجع ب 25 كم لاقيت العربيه بتقطع.
الكلام ده الساعه 1 صباحآ. والطريق صعب ومافيش عليه إضاء خالص.


المهم بقي واللي يهمنا في القسم.

1- لمبة البنزين مانورتش مره واحده... لأ دي بدات ترعش وكل شويه إضاءتها تزداد ووقت ما العربيه بدأت تقطع اللمبه كان نورها زاهي زي لمبة حزام الأمان.
ماعرفش ان كان الوضع كده في اللانوس ولا العربيه كانت مسريه وانا بيتهيأ لي ان إضاءتها بتزيد.

2- لما العربيه بدأت تقطع. اتبعت اسلوب الزحلقه. وانا بادعي ربنا ان العربيا توصلنا البيت. يعني توصل ل 80 كم/س وبعدين تنور الفتيس وهكذا.
والغريب ان العربيه ماكانتش بتقبل الغيار الرابع نهائي. اديلها الرابع وآجي ازود بنزين. مافيش استجابه (والحمد لله مابطلتش خالص) كأن اللي داخل هوا بس ومافيش بنزين...
أديها التالت تمشي وتسحب بس تقطع.
والحمد لله وصلت البيت. وركنت العربيه. وهوب. قامت مبطله وقاطعه بنزين خاااااااالص.
قلت في نفسي والله العظيم العربيه دي أصيلة.

[dr_mak]

والله فعلا العربية دي اصيلة اوي وعمرها ما خزلتني الحمد الله ........حتى لو تلاحظ وانت ماشي على الطريق نادرا لما تلاقي لانوس متعطلة ولا صاحبها فاتح الكبوت وعمالة يلعب فيها

[dr.hany]

تمااااااااااااااام 11111111111

والله فعلا العربية دي اصيلة اوي وعمرها ما خزلتني الحمد الله ........حتى لو تلاحظ وانت ماشي على الطريق نادرا لما تلاقي لانوس متعطلة ولا صاحبها فاتح الكبوت وعمالة يلعب فيها

[Samah AbdAllah]

ربنا يبركلك فيها درايفت

والعربية حلوة وبتستحمل

[a7med_hitman]

ياسيدى الدايو حمالة الاسية

[تامر.محمد]

الحمد لله
:)

[Drift_Lover]

1- لمبة البنزين مانورتش مره واحده... لأ دي بدات ترعش وكل شويه إضاءتها تزداد ووقت ما العربيه بدأت تقطع اللمبه كان نورها زاهي زي لمبة حزام الأمان.
ماعرفش ان كان الوضع كده في اللانوس ولا العربيه كانت مسريه وانا بيتهيأ لي ان إضاءتها بتزيد.

طيب يا شباب اللانوس هي فعلا لمبة البنزين بتنور بالتدريج؟؟؟

[ahmedhilmy]

ربنا يحفظ طريقنا جميعا و يبارك في سياراتنا و يدينا خيرها و يمنع عنا شرها قولوا امين

[Lion_Heart]

امبارح كنت في مناسبة بالعربيه وللاسف العربيه كانت مشطبه بنزين. والبنزينه مافيهاش بنزين خالص. وعلشان تكمل ماكنش في المخزون غير جركن واحد 4 لتر فضيته في التنك وقلت بظروفها.

المشوار كان حوالي 80 كم ذهاب وإياب.
وفي طريق العوده وقبل مارجع ب 25 كم لاقيت العربيه بتقطع.
الكلام ده الساعه 1 صباحآ. والطريق صعب ومافيش عليه إضاء خالص.

المهم بقي واللي يهمنا في القسم.

1- لمبة البنزين مانورتش مره واحده... لأ دي بدات ترعش وكل شويه إضاءتها تزداد ووقت ما العربيه بدأت تقطع اللمبه كان نورها زاهي زي لمبة حزام الأمان.
ماعرفش ان كان الوضع كده في اللانوس ولا العربيه كانت مسريه وانا بيتهيأ لي ان إضاءتها بتزيد.

2- لما العربيه بدأت تقطع. اتبعت اسلوب الزحلقه. وانا بادعي ربنا ان العربيا توصلنا البيت. يعني توصل ل 80 كم/س وبعدين تنور الفتيس وهكذا.
والغريب ان العربيه ماكانتش بتقبل الغيار الرابع نهائي. اديلها الرابع وآجي ازود بنزين. مافيش استجابه (والحمد لله مابطلتش خالص) كأن اللي داخل هوا بس ومافيش بنزين...
أديها التالت تمشي وتسحب بس تقطع.
والحمد لله وصلت البيت. وركنت العربيه. وهوب. قامت مبطله وقاطعه بنزين خاااااااالص.

قلت في نفسي والله العظيم العربيه دي أصيلة.

الحمد لله ان ربنا سترها بس دايما فولها و هى بين تلت و نص التانك للأمان و لعدم التعرض لمواقف محرجة وحرقة أعصاب و تفادى انسداد دورة البنزين من الشوائب المترسبة بقاع التانك .

[abzoabzo]

عضة اسد ولا نظرت حسد
مش عارف الناس حطنا فى دمغها ليه
ربنا يحفظلنا عربيتنا من اعين ولاود التيييييييييييييييييييييييييييييييييييييييييييت

[heha]

والله وأنا حصل معايه نفس الموقف بس الفرق إنهاما بطلتش معايه غير وأنا بركن فى البنزينه على فكره اللانوس فضلت معايه 10 سنين عمرها ماقلت بأصلها ولا وقفتنى فى طريق أبدا لحد مابعتها من شهرين-ومن مواقفها اللى مانسهاش أن فرده فى الموبينه فصلت وأنا فى ر أس سدر ورجعتنى لحد القاهره وماوقفتش بردو إلا على مسافة 50 متر من دايو موتورز اللى فى العباسيه - والله ياجماعه أنا عينى دمعت وأنا ببعها ولولا أن خلاص أنا كان لازم أغير ماكنتش بعت الأصيله دى أبداٌ- ومن غير ماحد يتريأ أنا كل كام يوم أعدى من قدام بيت الراجل اللى أشتراها عشان أطمن عليها

[maka]

ربنا يباركلك فيها

بس زمان كل الرواسب اللى فى التنك دخلت على الفلتر

[maka]

والله وأنا حصل معايه نفس الموقف بس الفرق إنهاما بطلتش معايه غير وأنا بركن فى البنزينه على فكره اللانوس فضلت معايه 10 سنين عمرها ماقلت بأصلها ولا وقفتنى فى طريق أبدا لحد مابعتها من شهرين-ومن مواقفها اللى مانسهاش أن فرده فى الموبينه فصلت وأنا فى ر أس سدر ورجعتنى لحد القاهره وماوقفتش بردو إلا على مسافة 50 متر من دايو موتورز اللى فى العباسيه - والله ياجماعه أنا عينى دمعت وأنا ببعها ولولا أن خلاص أنا كان لازم أغير ماكنتش بعت الأصيله دى أبداٌ- ومن غير ماحد يتريأ أنا كل كام يوم أعدى من قدام بيت الراجل اللى أشتراها عشان أطمن عليها

هههههههههههه

العشرة ما بتهونش

[nasroo]

طيب يا شباب اللانوس هي فعلا لمبة البنزين بتنور بالتدريج؟؟؟

انا مابستناش لما توصل لكده بس مرة عملت معايا الحركة دي والنور عمل زي ما انت بتقول كده بالضبط

[Drift_Lover]

انا مابستناش لما توصل لكده

انا فعلا دي اول مره تحصل معايا وبافول التانك دايمآ اول ما يوصل للنصف. لكن كان في ظروف العربيه في سفر شغل وجت تقريبآ مافيهاش بنزين. وأقرب بنزينه مافيهاش ولا 80 ولا 90 ولا 92.

مرة عملت معايا الحركة دي والنور عمل زي ما انت بتقول كده بالضبط

يبقي هي اللانوس كده فعلا.

بس زمان كل الرواسب اللى فى التنك دخلت على الفلتر

فلتر بنزين جديد طبعآ