صوت غريب فى النقلة الثالثة فى الاتوماتيك النوبيرا

[shesho]

يوم 16-6-2009 خارج من البيت ورايح على الشغل عادى يعنى - بعد فترة وانا ماشى على سرعة من 40 الى 60 ك /س سمعت صوت النقلة مع صوت صفارة بسيطة مع النقلة برجة والصوت لسة مستمر من امبارح حتى الان ( عربيتى نوبيرا اتوماتيك 2001 )

[samirayad]

فى الغالب ده صوت أنزلاق أو تفويت فى كلاتش مجموعة التعشيق لهذه النقله عبر الفتيس ......ويفضل كناحيه وقائيه الأطمئنان على منسوب زيت الفتيس وضبط المنسوب على الساخن ( لو كانت العصايه بتدريجين ساخن وبارد ) وتغيير الفلتر أو نظافته والأطمئنان على كفاءة دورة تبريد زيت الفتيس

[shesho]

ياجماعة هو لية مفيش حد معبرنى من ساعة ما حطيت الاستفسار محدش رد عليا غير م-سمير عياد ( جزاة اللة خيرا ) هو للدرجة سؤال هايف مالوش لازمة بجد انا زعلان جدا وشكر ا

[hosini2000]

على فكرة أنا عندي نفس المشكلة (إحساس زي زغطة كده) و كلمت التوكيل قالولي تعالى و ممكن تحتاج عمرة للجير..سألتهم تتكلف كام قالولي 5000-6000 مبدإيا..

يا جماعة لو حد يعرف حد بيعمر فتيس نوبيرا أوتوماتيك يكون كويس و مضمون و سعره حنين عن الناس المجرمة دي يفيدنا و ربنا يكرمه

[samirayad]

من 5 الى 6 آلاف ........طيب مالواحد يشترى واحد أستيراد كامل ......أو يقلب لمانيوال ..............دا مفيش رحمه فعلا

[shesho]

بجد الكلام دة يا ا/hosini 2000 انا لسة جايب العربية من شهر الكلام دة صحيح ولا يعنى اتاكدت منة يعنى روحت التوكيل وكشفت ولا اية الموضوع على فكرة ( السيارة عاملة 75000ك ) ياريت الكلام دة يكون مش مظبوط دا انت رعبتنى وشكرا