لانوس بفتحة سقف كهرباء

[want_better]

السلام عليكم ورحمة الله وبركاته

انا لسة جايب لانوس 99 من حوالي شهر بفتحة سقف كهرباء وكراسي طيارة
وكنت معتقد ان فتحة السقف معمولة والبعض كان بيسألني هي دي خليجي وكنت بقول لا على اعتقاد ان فتحة السقف معمولة لحد امس شوفت لانوس1 معدية وفيها فتحة سقف شبه اللى معايا فهل فعلا في لانوس بفتحة سقف ممكن تكون مواصفات خاصة أو من اللي بتنزل معاقين خاصة واني سمعت أن السيدة المالكة الأولى للسيارة اللي معايا كانت تشكو من رجلها
أرجو الأفادة وجزاكم الله خيرا

[wildwest100]

فيه لانوس بفتحة سقف كهرباء دى العربيات اللى بتكون جاية معاقين وغالبا بتكون كمان المكنة 1600 بتاعت النوبيرا ودى انا شفتها

[samirayad]

فيه لانوس بفتحة سقف كهرباء دى العربيات اللى بتكون جاية معاقين وغالبا بتكون كمان المكنة 1600 بتاعت النوبيرا

....وأدى صورة فتحة السقف والموتور بتاع فتحة السقف ...........

[want_better]

فيه لانوس بفتحة سقف كهرباء دى العربيات اللى بتكون جاية معاقين وغالبا بتكون كمان المكنة 1600 بتاعت النوبيرا ودى انا شفتها

شكرا جدا للافادة
يعني حضرتك شوفتها فعلا
طب موضوع المكنة ده اتاكد منه ازاي
المثبوت في الرخصة 1500
شكرا جدا

[samirayad]

على فكره فيه مكن 1500 سى سى برضه وراكب فى بعض أنواع الانوس ...........بزوج من الكامات العلويه ( شبه مكنة النوبيرا ال 1600 سى سى )

[want_better]

....وأدى صورة فتحة السقف والموتور بتاع فتحة السقف ...........

شكرا جدا على الصورة دي
استاذنك هو الخط الاحمر ده خرطوم صرف للمياه
اصل ناس بتخوفني من كتر الغسيل
بس الصراحة كان على اعتقاد ان الفتحة معمولة يدوي لكن اللى قالوا قالوا ان العربية اللى بتنزل مصممة بفتحة سقف بيكون فيها خراطيم صرف
شكرا جدا

[samirayad]

استاذنك هو الخط الاحمر ده خرطوم صرف للمياه

لا دا كابل الكهرباء اللى رايح لتشغيل موتور فتحة السقف

اصل ناس بتخوفني من كتر الغسيل

ماهو ده فعلا عيب العربيات المزوده بفتحة سقف .....الميه ممكن تركن فى حرف وتعمل بارومه للأسف ...........وعلشان كده يفضل دايما التجفيف الجيد بعد الغسيل ( ولو حتطلع على كرسى وتجفف بفوطه كل الأماكن المزنوقه بقدر الأمكان ) والباقى على الله طبعا .....لأنك كده أخدت بالأسباب

بس الصراحة كان على اعتقاد ان الفتحة معمولة يدوي لكن اللى قالوا قالوا ان العربية اللى بتنزل مصممة بفتحة سقف بيكون فيها خراطيم صرف
شكرا جدا

تصنيع فتحه بميكانيزم فتح وقفل بطريقه يدويه بيبان من شكل التشطيب والبويه والجوانات وخلافه .......وموضوع أن العربيه بتنزل بخرطوم لتصريف الميه .....وارد جدا برضه وده بيكون حسب الشركه المصنعه للسياره ..........علشان على الأقل مية المطر فى البلاد البارده ماتتحوش كل شويه برضه ..............وأنا بأكلمك فقط من خلال الأطلاع النظرى وليس العملى بالنسبه لجزئية فتحة السقف ........

[want_better]

على فكره فيه مكن 1500 سى سى برضه وراكب فى بعض أنواع الانوس ...........بزوج من الكامات العلويه ( شبه مكنة النوبيرا ال 1600 سى سى )

طب على فكرة أنا برده صاحب موضوع العربية بتنهب بنزين (130 كيلو في الصفيحة)
هل موضوع الكامات ده هو السبب ولو كان يبقى للدرجة دي وما الحل ؟

[want_better]

لا دا كابل الكهرباء اللى رايح لتشغيل موتور فتحة السقف ماهو ده فعلا عيب العربيات المزوده بفتحة سقف .....الميه ممكن تركن فى حرف وتعمل بارومه للأسف ...........وعلشان كده يفضل دايما التجفيف الجيد بعد الغسيل ( ولو حتطلع على كرسى وتجفف بفوطه كل الأماكن المزنوقه بقدر الأمكان ) والباقى على الله طبعا .....لأنك كده أخدت بالأسباب تصنيع فتحه بميكانيزم فتح وقفل بطريقه يدويه بيبان من شكل التشطيب والبويه والجوانات وخلافه .......وموضوع أن العربيه بتنزل بخرطوم لتصريف الميه .....وارد جدا برضه وده بيكون حسب الشركه المصنعه للسياره ..........علشان على الأقل مية المطر فى البلاد البارده ماتتحوش كل شويه برضه ..............وأنا بأكلمك فقط من خلال الأطلاع النظرى وليس العملى بالنسبه لجزئية فتحة السقف ........

انا شاكر جدا لحضرتك هذا الاهتمام
ومن باب التذكير لنفسي ان كله على الله وليس الباقي فقط :)
مرة اخرى لكم جزيل الشكر

[samirayad]

ومن باب التذكير لنفسي ان كله على الله وليس الباقي فقط :)

أفحمتنى بهذا الرد طبعا .....لأن كله على الله طبعا بدون أدنى شك ..............ولكن مرادى هو (أعقلها وتوكل )

[samirayad]

طب على فكرة أنا برده صاحب موضوع العربية بتنهب بنزين (130 كيلو في الصفيحة)
هل موضوع الكامات ده هو السبب ولو كان يبقى للدرجة دي وما الحل ؟

ماذا تقصد بالكامات ............فهل لم تغير سير الكاتينه من فتره كبيره مثلا .....ولا مغيره جديد .....لأن السيره الذاتيه لأى موضوع عليها عامل كبير فى توقع الأسباب............حتة العشره برضه مهمه جدا

[want_better]

أفحمتنى بهذا الرد طبعا .....لأن كله على الله طبعا بدون أدنى شك ..............ولكن مرادى هو (أعقلها وتوكل )

طبعا فاهم قصدك يافندم والشكر موصول لك

[want_better]

ماذا تقصد بالكامات ............فهل لم تغير سير الكاتينه من فتره كبيره مثلا .....ولا مغيره جديد .....لأن السيره الذاتيه لأى موضوع عليها عامل كبير فى توقع الأسباب............حتة العشره برضه مهمه جدا

اقصد بالكامات لما حضرتك قولت ان في مواتير 2 كامة فعلى حد علمي ان كامة واحدة و2 كامة دي في الفيات 131 هي اللي بتأثر بشكل كبير على البنزين

[samirayad]

اقصد بالكامات لما حضرتك قولت ان في مواتير 2 كامة فعلى حد علمي ان كامة واحدة و2 كامة دي في الفيات 131 هي اللي بتأثر بشكل كبير على البنزين

لا يبقى كده مفيش مشاكل .....أما موضوع عمود كامه أو أثنين فده بيرجع لتصميم المحرك ..................فعندك مثلا فيه مكن 1500 بكامه واحده أو أثنين ..........وفيه مكن 1600 زى النوبيرا التقفيل المصرى اللى عندى بعمودين كامه ( عمود لبلوف السحب بيشغل 8 صبابات سحب....وده اللى لداخل المكنه ...........وعمود لبلوف العادم بيشغل 8 صبابات عادم وده اللى فى الوش على طول من جهة فرن الشكمان ).............وطبعا كل مازادت عدد الصبابات كل مازادت قدرة المكنه .................أما الانوس المتداوله مع الزملاء فدى بعمود كامه واحد فقط ( بيخدم على أربع بلوف سحب وأربعه عادم ) ...................

[MMamdouh]

طب على فكرة أنا برده صاحب موضوع العربية بتنهب بنزين (130 كيلو في الصفيحة)
هل موضوع الكامات ده هو السبب ولو كان يبقى للدرجة دي وما الحل ؟

no

MMamdouh