حكايه كمبرسور الآنوس

[kh_elshiemy]

اقل من شهرين زودت فريون التكييف 3 مرات من عند المراكبي باشا اول مره قالي انت لسه خارج من الشتاء وعدم تشغيله بيسبب فقدان الفريون وثاني مره اصل الأبره كانت بايظه وثالث مره الكمبريسور عاوز اويل سيل
علشان فيه زيت حوالين الكمبرسور واثناء تركيب الأويل سيل قالي مش هينفع لأن الجزء الموجود فوق اليساتم مصدي "هو شكله زي الغطا ومتعرج علي شكل البساتم"........المهم قالي هات واحد استيراد.....رحت جيت واحد من الحرفيين ب400 جنيه ..وللعلم عرفت معلومه وانا باشتري ان الأستيراد غالبا هيتغيرله اويل سيل ومش هيقعد اكتر من سنه ومبيتغيرش غير مره واحده ......المهم غامرت وجبت واحد مفروض انه كويس اول محمد المراكبي ماشافه قالي دا مش كويس ومليان رايش من جوه وماينفعش .....رحت مرجعه...وقررت اشتري واحد جديد ...لأني لما حسبتها لقيت الجديد ارخص بكتيييير.....400 واحد استعمال+300 فريون ومصنعيه +مجهود وحر وشد اعصاب وكمان مش هيكمل السنه..بالأضافه ان الواحد حاسس انه زبون وبينضحك عليه ...ومعظم بتوع النكييف نصابين ومعندهمش ضميير ....انا سألت عن الكمبرسور الأصلي عند الشرقاوي اللي في جسر السويس لقيته ب 1850 اصلي ...وحاسس انه بيستهبل.....ياريت خبراء المنتدي يقولولي ايه رايهم في الموضوع دا وعاوز واحد بتاع تكييف كويس وعنده ضميير...ومين افضل واحد الآقي عنده الكمبرسور وسعره تقريبا كام......والف شكر واسف علي الأطاله

[samirayad]

فعلا .....أنا أاويدك فى أن الكمبروسور الجديد أفضل بكتير من المستعمل .....لأن المستعمل فيه سيلات وخلافه من الأجزاء الحساسه اللى بتتلف مع الركنه وطرق التشوين للمستعمل الغير جيده .......بس فعلا تمنه غالى كده وهو جديد ............المفروض يكون فى حدود من 1000 الى 1200 بكتيره ............فحاول البحث شويه عن الأسعار فى أماكن مختلفه لتقييم السعر ومدى منطقيته .........وبالتوفيق طبعا

[kh_elshiemy]

فعلا .....أنا أاويدك فى أن الكمبروسور الجديد أفضل بكتير من المستعمل .....لأن المستعمل فيه سيلات وخلافه من الأجزاء الحساسه اللى بتتلف مع الركنه وطرق التشوين للمستعمل الغير جيده .......بس فعلا تمنه غالى كده وهو جديد ............المفروض يكون فى حدود من 1000 الى 1200 بكتيره ............فحاول البحث شويه عن الأسعار فى أماكن مختلفه لتقييم السعر ومدى منطقيته .........وبالتوفيق طبعا

الف شكر علي الرد والأفادة يا كبير ...ومنتظر ردود باقي الخبراء

[ASKAFRAWY]

فعلا .....أنا أاويدك فى أن الكمبروسور الجديد أفضل بكتير من المستعمل .....لأن المستعمل فيه سيلات وخلافه من الأجزاء الحساسه اللى بتتلف مع الركنه وطرق التشوين للمستعمل الغير جيده .......بس فعلا تمنه غالى كده وهو جديد ............المفروض يكون فى حدود من 1000 الى 1200 بكتيره ............فحاول البحث شويه عن الأسعار فى أماكن مختلفه لتقييم السعر ومدى منطقيته .........وبالتوفيق طبعا

كلام 100% لان فعلا السيلات دى بتسرب شحن الفريون.وبتحتاج تشحن الدايرة باستمرار

[dedi]

يا ريت يا با شا مشكور تفيدنا بأخر سعر وصلت لة حتي تفيدنا لأنة عندى نفس المشكلة

[abouzaid555]

اعتقد الاصلى عامل 1500 عند الزرانى فى اسكندرية

[kh_elshiemy]

انا سألت عند ابو الحسن بالتليفون لقيت الاصلي ب 1250 و من فضلكم عاوز واحد بتاع تكييف كويس

[ahmedhilmy]

انت عايز حد يكون في مدينة نصر او قريب منها لو مش مشكلة ممكن نتقابل و اروح معاك للراجل اللي بتعامل معاه و ده في الجيزة شاب محترم و مش بتاع اشتغال ممكن اضعف الايمان ناخد رايه الولد ده بتعامل معاه بقالي سنتين و تقريبا عربيات زميلي و قريبي اغلبهم عنده و في خالد طلعت من الهيونداوية كان قال انه بيتعامل مع واحد كويس اوي بس ده علي مسؤوليته و بتاع ربنا بس ده برده في دار السلام شوف لو معندكش مشاكل انا في اجازة نرتب و نروح مع بعض

[id_fathi]

نصيحة شوف حد تاني غير المراكبي ما بيحبش يتعب نفسه فيكبر دماغه ويقولك غير الكومبرسور هو لما تجيله العربية يشوف الابرة ويغيرها لو الشحن فاضي يشحنه لكن غير كده ما بيعملش شوف حد كويس لو اقلك نفس الكلام يبقي غيره ولو دورت شوية ممكن تلاقي مستعمل نضيف جدا خصوصا ان الفرق في السعر كبير

[abouzaid555]

يا جماعة انا روحت للزرانى انبارح قاللى ان الكومبروسور بيهرب شحن و لازم تجيب واحد و انا اعمل معاك الواجب و اركبهولك المهم سألته على الجديد قاللى 1650 ياريت يا اخوانى اهل الخبرة لو حد يعرف اى صنايعى ابن ناس فى اسكندرية يكون بيعرف يصلح الكومبريسور القديم بتاعى لانى شايف انى لو صلحت بتاعى الاصلى هيكون احسن 100 مرة لو جبت واحد استعمال و برده حاصلحه ولا ايه راى حضراتكم و تليفونى 0106083216 و اكون شاكر افضال حضراتكم
أحمد أبوزيد

[kh_elshiemy]

الف شكر يا جماعه علي الردود-----وايه رأيكم في الشيخ ناصر اللي في فيصل

[kh_elshiemy]

انت عايز حد يكون في مدينة نصر او قريب منها لو مش مشكلة ممكن نتقابل و اروح معاك للراجل اللي بتعامل معاه و ده في الجيزة شاب محترم و مش بتاع اشتغال ممكن اضعف الايمان ناخد رايه الولد ده بتعامل معاه بقالي سنتين و تقريبا عربيات زميلي و قريبي اغلبهم عنده و في خالد طلعت من الهيونداوية كان قال انه بيتعامل مع واحد كويس اوي بس ده علي مسؤوليته و بتاع ربنا بس ده برده في دار السلام شوف لو معندكش مشاكل انا في اجازة نرتب و نروح مع بعض

الف شكر يا احمد علي ذوقك...انا مش عاوز اتعبك معايا ياريت بس تقولي علي عنوانه بالتفصيل ولو معاك رقم تليفونه وانا ان شاء الله هحاول اوصله ....وشكرا مرة ثانيه

[dedi]

معلش يا جماعة فية واحد بتاع تكييف قال لي لا تشترى جديد لأنة صينى و بيقفش فى الحر وموش هبكمل اكثر من شهرين هل الكلام دة صحيح ولا دة أشتغالات
و بعدين فية ناس في المنتدى قالوا بلاش أستعمال
فيدونا لأنة الجو نار في الأقصر