كيف يمكن اصلاح عتب اللانوس؟؟؟؟؟؟؟؟؟؟

[MoMohsen]

انا عملت الطريقة دى قبل كدة لواحد صحبى عند واحد فى الحرفيين والنتيجة كانت ممتازة بس مكنش فى العتب كان فى القايم

طيب ما تقولنا على عنوان السمكرى دة طالما بيفهم و انت بتشكر فى شغله

[MoMohsen]

قدر الله وماشاء فعل يا وليد باشا -شوف- لو انت بتيجي القاهرة كتير يبقى سيبها زي ماهي لانك ممكن تلاقي حاجات تانية كمان لاقدر الله لكن لو هتقصر الشر وماتجيش غير كل فين وفين يبقى صلحها انا هبقى اصورلك عربيتي عشان تشوفها عاملة ازاي قاهرية بنت ستين قاهرية ده حتى القايم اللي فوق الباب فيه خبطة زغنطوطة -بوسة كده- كان كرسي وقع على العربية من بلكونة وهي واقفة مكانها وروحت ساعتها لسمكري وقال لي انه هيعمل حاجه كده زي اللي قال عليها mmohsen يلحم مسمار ويشد القايم لبرة وبعد كده يصنفره بس بعد ما اتباست من اتوبيس في الباب الخلفي وبوسة تانيه من نقل في الرفرف الامامي قررت اني ابقى اسمكرها لما اخرج من القاهرة اللي قهرتنا

انا عملت زيك كدة يا nasroo بقيت كل لما اتخبط خبطة اسيبها و اقول قدر الله و ما شاء فعل لما العربية بقت زى علبة السردين.
بس بردة ميزة جامدة دلوقتى بدخل و ابلطج مع اى حد حتى لو نص نقل .بعما بالمثل "ضربه الاعور على عينة قالك ما هى خربانه خربانه"

[nasroo]

انا اكتشفت انها ميزة فعلا الكل بيوسعلك ويخاف يقرب منك خصوصا لما تبقى الخبطة في وش العربية

[Samir Elshahawy]

معلش ممكن تشرحلى طريقة القطع واللحام بيكون ازاى؟؟ ,,, لانى جربت قبل كدة طريقة التسجين والشد وبعدين الرش وكانت نتايجها هايلة وكنت فاكر ان دى هية الطريقة الوحيدة
وياريت كمان تقولى كلفتك كام؟؟

لك خالص شكرى وتحياتى,,

لما بتكون الخبطة اللي في العتب كبيرة يعني زي اللي كانت عندي كده (حوالي 30 سم في 15 سم) مابينفعش معاها التسخين و الشد فبيعملوا الاتي:
- بيقطع باللمبة المكان المخبوط
- يتم أستعدال العلب دي في الخارج
- أعادة تركيبها باللحام

لكن في الحالات البسيطة بيستخدم زرجينة علي شكل حرف t بيتم لحامها في العتب و يسخن عليه باللمبة مع الشد فيتم أستعدال الانبعاج و بعد كده بيستخدم صاروخ لصنفرة العتب مكان البروزات الناتجة من الحام ثم ملء الفراغات بالمعجون و رشه بعد ذلك

بصراحة الحالتين عايزين صنايعي كويس جدا لان التقفيل النهائي أو التشطيب مهم جدا
الصنايعي اللي بأتعامل معاه دايما عمل اللي الموضوع ده 3 مرات :
- العتب اليمين بأستخدام زرجينة (خبطة صغيرة بالمنتصف تحت القائم)
- العتب الشمال بالقطع و اللحام (خبطة كبيرة و عميقة تحت الباب الامامي)
- القائم الامامي اليمين بعد الحادثة الاخيرة

و بصراحة في المرات الثلاثة العربية ماحدش يقدر يعرف انها كانت مخبوطة

أستاذ/ وليد...
انا أتصلت بصاحبي اللي معاه نمرة السمكري و هو بيدور لي عليها و أنا كنت كتبت عنوانه و نمرته في مشاركة قبل كده بأدور عليها دلوقتي و اول ما ألاقيها هاكتبها هنا

[Samir Elshahawy]

الحمد لله لاقيت المشاركة اللي كنت كاتب فيها عنوان الورشة:

.... عنوان الورشة :
جسر السويس - شارع الاربعين - عند حديقة بدر - عمارة العسكري - عمرو السمكري

و لو عايز ممكن أقابلك أو أبعت معاك حد هناك علشان نوصيه عليك و يعمل اللازم

رقم تليفوني : 0118057400

[waleedrahmy]

وأدي صورة الخبطة

[samirayad]

ياراجل دى بسيطه خالص .....مش هى اللى فوق الفرده الشمال على الرفرف دى ............دى ترجع بسهوله جدا ......ولا ليها دعوه بعتب ولا غيره ......دا أى سمكرى يعملها بسهوله على البارد .....ب10ج بكتيره................والعتب ياباشا اللى تحت الأبواب بين العجلتين ...مش ده....ولا الصوره منزلتش ولا أيه

[Samir Elshahawy]

الصورة مانزلتش يا باشمهندس سمير دي صورة عربية جديدة خالص و من غير نمر

شوف انت الخبطة دي في القائم و اتعملت و لا ليها أي أثر

[waleedrahmy]

لا مؤاخذة يا رجالة الصور ما نزلتش مش عارف ليه حا حاول تاني

[waleedrahmy]

شوف انت الخبطة دي في القائم و اتعملت و لا ليها أي أثر

دي عملتها عند الصنايعي ال بتشكر فيه

[samirayad]

الصورة مانزلتش يا باشمهندس سمير دي صورة عربية جديدة خالص و من غير نمر

شوف انت الخبطة دي في القائم و اتعملت و لا ليها أي أثر

دا على كده الصنايعى ده نضيف جدا من خلال كلامك ........وربنا ييسر الحال لأخونا وليد وتكون بسيطه أن شاء الله

[Samir Elshahawy]

و دي صورة القائم بعد أصلاحه بطريقة القطع و اللحام :

[samirayad]

عشره على عشره ............بس التكلفه كانت كام

[Samir Elshahawy]

عشره على عشره ............بس التكلفه كانت كام

دي كانت ضمن تكلفة أصلاح الدمار الشامل اللي أتعرضت له و اللي وصلت لحوالي 5000 جنيه

لكن العتب قبل كده هو عمله ب 400 جنيه
هو غالي حبتين بس شاطر و صنايعي

[nasroo]

انا شوفت العربية بتاعت م/ سمير الشهاوي
بصراحة السمكري شغله ماشاء الله نضيف جداً لو تشوفها بالنظر ماتقولش انها عملت اي خدش في القايم وداهنها بنضافة
ربنا يباركلك فيها ياباشا