صوت من الدبرياج

[mahmoudysf]

السلام عليكم

لما بدوس دبرياج واشيل رجلى بسمع صوت تكة كدة ودى طبعا باسمعها بوضوح لما اكون ممور ومش مدى غيار
بسمع نفس التكة احيانا وانا ماشى على الاول فى طريق مطبات
نفس صوت اللي بيطلع من الدبرياج عشان مفيش حد يفتكر من العفشة
مع العلم ان العربية سحبها كويس وتسارعها كويس بالنسبة للموبينة بتاعتى اللي عايزة تتغير

[ahmad--ezzat]

الصوت دة عادى...عندى فى النوبيرا..وسعته فى عربيات تانيه ..ولكن انا مش عارف سببه اية

ياريت اللى يعرف يفيدنا

[M.ABDEEN]

بص يا باشا متقلقش ده صوت عادي وساعات تحس انه طقه انا برده كنت قلقان ولما رحت التوكيل (ابو غالي ) سالت هناك وقالولي عادي هو فعلا صوت من الدبرياج او الفتيس بس مش فاكر بالتفصيل ايه؟؟؟؟لكن عادي ومافيش منه قلق.....

[MMamdouh]

الصوت عادى

MMamdouh

[mahmoudysf]

طيب ونفس الصوت لما بسمعة وانا ماشى على الاول سلانسية غى المطبات هل دة ممكن يكون طبيعى

[MMamdouh]

طيب ونفس الصوت لما بسمعة وانا ماشى على الاول سلانسية غى المطبات هل دة ممكن يكون طبيعى

كدة تبقى مشكلة عفشة مش دبرياج

MMamdouh

[mahmoudysf]

انا روحت للميكانيكي النهاردة قاللي الصوت دة عادي رغم انى مش مقتنع لانو مكنش موجود اول ما جبتها
وما اعتقدش ان الصوت دة من العفشة لانو نفس الصوت اللي بيطلع من الدبرياج ومن نفس المكان

[SBkr]

احب اعرفك ان غالبية الصنايعية دايما بيقولو عادي ودة غباء كبير لأني مقتنع بأن اي صوت غير طبيعي معناة ان هناك حاجة غلط ويمكن يكونو عاوزين يهملوة لحد مايبقي مصيبة وحدوتة يعيشو فيها او قد يكون غباء وقلة حرفية وهو الأحتمال الأكبر حتي التوكيلات زي عيسي في المنصورة صدقني قمة في الغباء والأهمال ....... مفيش مراكز بتفهم سوي القليل انا رحت اعمل صيانة دورية في عيسي وقعدت اقول علي 3 اعراض مختلفة في العربية واحاول افتح شغل ودة الغريب لأني لسة شاري العربية وعاوز اشدها كويس و المهندي علي كلمة واحدة وهو بيجرب طبيعي طبيعي النوبيرا كلها كدة وانا سايق مثلا 4 نوبيرا قبل كدة ثم يثبت وجود عيوب فعلا معذرة لوكنت اخطأت في طبعا ناس امينة وبتفهم بس نادر جدا وعموما لو الصنايعي اصلا بيشغل مخة كان طلع دكتور او مهندس.

[kh_elshiemy]

احب اعرفك ان غالبية الصنايعية دايما بيقولو عادي ودة غباء كبير لأني مقتنع بأن اي صوت غير طبيعي معناة ان هناك حاجة غلط ويمكن يكونو عاوزين يهملوة لحد مايبقي مصيبة وحدوتة يعيشو فيها او قد يكون غباء وقلة حرفية وهو الأحتمال الأكبر حتي التوكيلات زي عيسي في المنصورة صدقني قمة في الغباء والأهمال ....... مفيش مراكز بتفهم سوي القليل انا رحت اعمل صيانة دورية في عيسي وقعدت اقول علي 3 اعراض مختلفة في العربية واحاول افتح شغل ودة الغريب لأني لسة شاري العربية وعاوز اشدها كويس و المهندي علي كلمة واحدة وهو بيجرب طبيعي طبيعي النوبيرا كلها كدة وانا سايق مثلا 4 نوبيرا قبل كدة ثم يثبت وجود عيوب فعلا معذرة لوكنت اخطأت في طبعا ناس امينة وبتفهم بس نادر جدا وعموما لو الصنايعي اصلا بيشغل مخة كان طلع دكتور او مهندس.

والله معاك حق ومعظمهم مالوش طول بال .... المهم ياخد مصنعيته ومش مهم النتيجه علشان كده انا بنادي بأن الواحد يعتمد علي نفسه ويحاول يوصل لحل المشكله بنفسه وخصوصا في المشاكل البسيطه ...احنا مش ناقصنا ايد و لا عقل عن الصنايعيه بل بالعكس بس المهم المحاولة

[samirayad]

الصوت دة عادى...عندى فى النوبيرا..وسعته فى عربيات تانيه ..ولكن انا مش عارف سببه اية

ياريت اللى يعرف يفيدنا

لو سيبت رجلك بسلاسه ......بعد فصل الدبرياش مش حتسمع الصوت ده

بص يا باشا متقلقش ده صوت عادي وساعات تحس انه طقه انا برده كنت قلقان ولما رحت التوكيل (ابو غالي ) سالت هناك وقالولي عادي هو فعلا صوت من الدبرياج او الفتيس بس مش فاكر بالتفصيل ايه؟؟؟؟لكن عادي ومافيش منه قلق.....

هو فعلا فى الدبرياش مش الفتيس .....وسببه قوة يايات الديسك ......لما بتسيب رجلك فجأه من على الدبرياش لتعشيق وجهى الأسطوانه مع وش الفلام ووش الديسك ......بتحصل الطقه أى الخبطه دى .....بسبب نطرة يايات الديسك للأسطوانه ناحية وش الفلام ..............أنما لو سيبت رجلك بسلاسه .....حتكون متحكم فى قوة رد يايات الديسك .....وبالتالى مش حتحصل النطره دى للأسطوانه ناحية الفلام بالشده اللى ممكن معاها تحصل الطقه أو الصوت ده

[mahmoudysf]

لو سيبت رجلك بسلاسه ......بعد فصل الدبرياش مش حتسمع الصوت ده
ممكن يكون فعلا دة اللي بيحص هجرب الموضوع ده واقولك
هو فعلا فى الدبرياش مش الفتيس .....وسببه قوة يايات الديسك ......لما بتسيب رجلك فجأه من على الدبرياش لتعشيق وجهى الأسطوانه مع وش الفلام ووش الديسك ......بتحصل الطقه أى الخبطه دى .....بسبب نطرة يايات الديسك للأسطوانه ناحية وش الفلام ..............أنما لو سيبت رجلك بسلاسه .....حتكون متحكم فى قوة رد يايات الديسك .....وبالتالى مش حتحصل النطره دى للأسطوانه ناحية الفلام بالشده اللى ممكن معاها تحصل الطقه أو الصوت ده

انا متاكد فعلا انو من الدبرياج لانى بسمعة وانا اصلا ممور يعنى لما بدوس والعربية ممورة وممكن كمان والعربية مبطلة اسمع نفس الصوت وحسب كلامك يبقى اليسك حالتة جيدة لان السوستة قوية
بس الغريبة ان نفس الصوت او صوت مشابه ليه اوى بسمعة وانا ماشى سلانسية فى الحتت المكسر وبيطلع من نفس المكان هل فية تفسير لدة

[samirayad]

انا متاكد فعلا انو من الدبرياج لانى بسمعة وانا اصلا ممور يعنى لما بدوس والعربية ممورة وممكن كمان والعربية مبطلة اسمع نفس الصوت وحسب كلامك يبقى اليسك حالتة جيدة لان السوستة قوية

كده متفقين

بس الغريبة ان نفس الصوت او صوت مشابه ليه اوى بسمعة وانا ماشى سلانسية فى الحتت المكسر وبيطلع من نفس المكان هل فية تفسير لدة

لا كده ملناش دعوه بالدبرياش .....وممكن تكون حاجه فى العفشه (لأن الدبرياش فى الحاله دى حته واحده مش مفصص )..............بس فيه أحتمال .....اللى هو بتاع الدواسه اللى أنت قولت عليه قبل كده ............أخباره أيه ..............لسه موجود ولا خلاص

[mahmoudysf]

كويس والله انك لسة فاكر حكاية الدواسة
الدواسة وطيت بس مرة واحدة فقط وكانت مع اخويا مش معايا
ولما قولت للميكانيكى شاف المساتر لاقاها كويسة وجرب وقالي مفيش مشكلة فى الدبرياج

[samirayad]

طيب ماتراجع تانى على رباط العفشه من تحت ( المقصات وغيره ) لأن ممكن برضه يكون مسمار البيضه بتاعة المقص أو بتاعة الدركسيون عاوز أعادة رباط .....وبيظهر فى الحتت المكسره ( عيوب الحتت المكسره يعنى عيوب عفشه على طول ) وكده الدبرياش فعلا برىء من الملحوظه دى ..........طالما بتظهر فى المكسر بس..............وبرضه راجع على رباط مسامير تركيب الركب مع الكرتيرات ( للجنبين من جوه الغرفه )

[mahmoudysf]

انا فعلا هاروح للعفشجى عشان جبت 4 مساعدين kyb وعايز اركبهم وبالمرة اشوف لو فية حاجة فى العفشة
بس مستنى الاقى عفشجى كويس وعندة ضمير لان اللي اعرفهم مش اد كدة