استفسار بسيط

[azizyasser]

معذرة يا إخواني بس أنا لسه مشتري عربية لانوس من كام يوم، فيمكن السؤال اللي هقوله ده ميكونش قوي.

هي العربية الحمد لله زي الفل بس أنا لاحظت أني أول ما بدورها وانقل الغيارات في الفتيس كله بيكون تمام في الأول، بعد شوية بحس بشوية صعوبة في النقل ما بين الغيار الأول والثاني أو الثالث والثاني، فهل دي شكوى عامة ولا ده عيب سواق، وإيه اقتراحاتكم لي؟

حاجة تانية أنا لاحظت من اللي قرأته على المنتدى المبجل بتاع الدايو إن في شكوى عامة من ضعف فرامل العربيات الدايو فئة لانوس، فهل ده معناه إن الواحد يمشى بطيء يعني ما يعديش المية كلم مثلاً واللا ضعف الفرامل مش هيكون له أثر في حالة تجاوز الحد ده؟

[mohamed_berlitz]

انا برضة يا باشا التانى عندى ناشف شوية واوقات مش بيجى من اول مرة ممكن علشان لسة جديدة فلسا الفتيس بيطبع على ايدك واللة اعلم وبالنسبة للفرامل فاانا كان عندى 128 فطبعا الفرامل بالنسبالى الدايو ABS وللة الحمد لكن يستحسن انك ماتجريش لان العربية خفيفة جدا بالنسبة لاى عربية فطبيعى الفرامل مش بتحكم العربية اوى فوق 100 وكمان ياسيدى حتى ولو فراملك جامدة فى موضة اليومين دوول ان العجل كلة بيفرقع على السرعات العالية معرفش هما بيصدروا لمصر الكاوتش التالف ولا اية
وشكرا

[fahd_628]

حاجة تانية أنا لاحظت من اللي قرأته على المنتدى المبجل بتاع الدايو إن في شكوى عامة من ضعف فرامل العربيات الدايو فئة لانوس، فهل ده معناه إن الواحد يمشى بطيء يعني ما يعديش المية كلم مثلاً واللا ضعف الفرامل مش هيكون له أثر في حالة تجاوز الحد ده؟

لا يا باشا هية مش ضعيفة اوى كدة عادى ممكن تعدى ال 130 مفيش مشكله بس طبعا السرعة خطرررررر

[MMamdouh]

فرامل اللانوس فعلا ضعيفة بس ممكن تركب ماستر عمومى بتاع نوبيرا او تغير الطنابير و الدوشم و تركب بتوع اللانوس ال1600

MMamdouh

[sokasoon]

Re: استفسار بسيط

معذرة يا إخواني بس أنا لسه مشتري عربية لانوس من كام يوم، فيمكن السؤال اللي هقوله ده ميكونش قوي.

هي العربية الحمد لله زي الفل بس أنا لاحظت أني أول ما بدورها وانقل الغيارات في الفتيس كله بيكون تمام في الأول، بعد شوية بحس بشوية صعوبة في النقل ما بين الغيار الأول والثاني أو الثالث والثاني، فهل دي شكوى عامة ولا ده عيب سواق، وإيه اقتراحاتكم لي؟

• النقلات مش ناشفة ولا حاجة هو بس فى الاول بتكون ناشفة
  
  شوية بس مابتكملش ال1000 كيلو بتكون كويسة

حاجة تانية أنا لاحظت من اللي قرأته على المنتدى المبجل بتاع الدايو إن في شكوى عامة من ضعف فرامل العربيات الدايو فئة لانوس، فهل ده معناه إن الواحد يمشى بطيء يعني ما يعديش المية كلم مثلاً واللا ضعف الفرامل مش هيكون له أثر في حالة تجاوز الحد ده؟

• لا الفرامل مش ضعيفة اوى للدرجة دى بس ماتعديش ال120 خليك فى السليم

[amrrashed]

يا جماعة اخونا ياسر عربيته مستعملة موديل 99 فالفتيس مش بيطبع ولا حاجة ... عموما ده عيب شائع فى فتيس اللانوس انه يعض فى النقلات والعربية باردة وفى المارشيدير برضه

[azizyasser]

لا يا عموور أنا قلتلك في المكتب أن العربية بتكون كويسة أو ما بدورها، بس العضة اللي بلاقيها في النقلة على الغيار التاني دي بتظهر بعد شوية، وأنا لاحظت أنها بتكون ظاهرة بصورة أكبر في النقل من الغيار التالت للأول

[zorooo1986]

انا شفتها فى عربيات لانوس 2 كتير اوى ما لم تكن صفة عامة ان الغيار من الاول للتانى ومن التانى للتالت يبقى تقيل وممكن ميجيش على طول بس مش بتعض (تقل فقط)

[yahyanaabil]

فعلا اختى معاها لانوس من الاول للتانى بيكون ناشف شويه بس على ما عتقد ان ده عادى

[Abdallah]

غير زيت الفتيس.