ايه رايكم نقيم هنا الصناعية زي مثلا ( المكيانيكي . كهربائي )

[m_waheed]

الاول اصبح عليكم جميعا وحبيت اضيف الموضوع ده علي اساس اننا كلنا نقول انطباعتنا عن اي صناعي زي المكانيكي مثلا او الكهربائي خصوصا ان في ناس منهم مشهورين واحنا كلنا بتعامل معاهم والموضوع ده يكون علي شكل العناصر الاتيه

اسمه

مكانه



اهم مميزاته

عيويه


سعر مصنعيته ( متوسط .. غالي ... مبالغ في مصناعيته )


بس اهم حاجة يا جماعة يكون كلامنا بشكل منطقي جدا ونراعي ربنا في تقيمنا بحيث الموضوع يكون بلا افراط ولا تفريط يعني بشكل حيادي

انا شايف ان اهم ميزة للموضوع ده ان يخليك وانت رايح للصناعي من دول تكون عارف مميزاته وعيوبه وفي نفس الوقت التقييم ده هيكون من وجهة اكتر من عضو في المنتدي يعني وجهة نظر جماعية مش فردية


معلش طولت عليكم انا سايب الموضوع لتعليقكم واقتراحتكم ومستني التعلقيات

[megosoft]

موضوع هايل ...
وأهم ميزة كمان أن كل واحد يكون عارف أقرب ميكانيكي أو كهربائي لبيته او مكان شغله.
طيب ح أبدأ انا ببيانات أشهر ميكانيكي في المنتدى اللي هو :
محمد عبده
- ش العشرين من فيصل بعد بنزينة كالتكس
ت: 0123863468 - 0114543448

[nasroo]

موضوع هايل ...
وأهم ميزة كمان أن كل واحد يكون عارف أقرب ميكانيكي أو كهربائي لبيته او مكان شغله.
طيب ح أبدأ انا ببيانات أشهر ميكانيكي في المنتدى اللي هو :
محمد عبده
- ش العشرين من فيصل بعد بنزينة كالتكس
ت: 0123863468 - 0114543448

انا اتعاملت معاه هو كويس جداً وفاهم بس ملاحظتي عليه انه بيحب يغير على طول يعني ارمي واشتري جديد
وابقى اشتري انت قطع الغيار وانت رايحله بنفسك

[omar1978]

طيب ومحمد جابر بتاع التكييف
عايز اعرف المزايا واسعاره ايه ( انا هزود شحن وانظف السربنتينه)
وشكرا

[Morieno]

صنايعيه فى حلوان بعد اذنكم ويايريت لو يكون استاذ فى النوبيرا

[m_waheed]

موضوع هايل ...
وأهم ميزة كمان أن كل واحد يكون عارف أقرب ميكانيكي أو كهربائي لبيته او مكان شغله.
طيب ح أبدأ انا ببيانات أشهر ميكانيكي في المنتدى اللي هو :
محمد عبده
- ش العشرين من فيصل بعد بنزينة كالتكس
ت: 0123863468 - 0114543448

طالما انتوا بدأتوا بالاسطي محمد عبده يبقي اتوكل علي الله واقول برده رايي

في الاول اوضح اني اتعاملت معاه مرتين وهو نفسه شخصية مريحة وممكن الواحد يسيب عربيته وهو مطمن لكن مشكلته من وجهة نظري اني عديت عليه اكتر من مرة مش بلاقيه وغير تليفونه اكتر من مرة وممكن يكون باقي الصنايعية الموجودين في الورشة بيحبه يفتحوه شغل او زي ما قال زميلنا من شوية كل حاجة غير
لكن بدون شك محمد عبده شاطر وزي الفل


عموما ان شاء الله منتظرين المزيد من التقييمات لمحمد عبده ولباقي الصنايعي ومحتاجين الموضوع يكتمل وينجح ونكون وجهة نظر شاملة عن معظم الصنايعية

[nasroo]

صنايعيه فى حلوان بعد اذنكم ويايريت لو يكون استاذ فى النوبيرا

عندك محسن اللي في شارع اسماعيل كامل على شارع رستم ده كويس بس هو غالي شويا يعني فك الفتيس عند الصنايعية التانيين ب150 جنيه عنده هو ب200 او 250
ولو عاوز حد بتاع تكييف انا لفيت في حلوان كلها لحد ما لقيت واحد في الحرفييين اللي في العزبة اسمه الحاج سمير ده شحن لي فريون وخد مصنعية 30 جنيه وانا اللي اشترت الفريون وقال لي خد باقى الازازة معاك
لسا بدور علة عفشجي كويس

[Morieno]

فى واحد ميكانيكى فى وادى حوف (تقسيم النصر - خلف مسجد الأمين) اسمه عبده بيشتغل فى ورشة واحد اسمه اسماعيل عبده دا خلاصه من الآخر
بيفهم ويعرف ربنا ومش غالى هيفكلك الفتيس بأقل من الـ 150 جنيه دول
بس انت قله انا من طرف مؤمن
والله الواد اد لو فتح لوحده فى حته زحمه ليبقى دولى بس هيا ارزاق

وفى واحد بتاع رادياتير فى حدائق حلوان شارع جمال عبد الناصر فى الشارع اللى على ناصيته حلوانى سويت سيتى اسمه عابد

وجارى البحث عن كهربائى نضيف

[nasroo]

فى واحد ميكانيكى فى وادى حوف (تقسيم النصر - خلف مسجد الأمين) اسمه عبده بيشتغل فى ورشة واحد اسمه اسماعيل عبده دا خلاصه من الآخر
بيفهم ويعرف ربنا ومش غالى هيفكلك الفتيس بأقل من الـ 150 جنيه دول
بس انت قله انا من طرف مؤمن
والله الواد اد لو فتح لوحده فى حته زحمه ليبقى دولى بس هيا ارزاق

طب مانت عندك واحد كويس اهو اومال بتسأل ليه عن حد تاني في حلوان

[m_waheed]

نيجي بقه لتاني واحد يا اخوانا وهو برده مكانيكي

الاسم محمد هاشم

بيكون موجود جنب ابو الحسن في الدقي

اتعاملت معاه مرتين
مميزاته

عنده ثقة زيادة في نفسه وده يدي انطباع انه متعجرف وده طبعا عيب خطير جدا خصوصا انه يعاملك اكنه معاه دكتوراه وفي الاخر يدوبك يفك الخط

الامانة مش جربته اصلا لكن الاستاذ محمد ممدوح بيقول عليه انه لاغبار عليه في موضوع الامانه ده

بالنسبة للمصنعية حراق جدا وده نتيجة طبيعية اللي فاكر انه الوحيد اللي رضع من امه طبيعي وده تعبيره هو مش تعبيري انا


التقييم النهائي من وجهة نظري 5 من 10 ولو اتصلح يبقي كويس

وطبعا محمد عبده برقبته

مستني ردودكم وتعليقات اساتذتنا وياريت تنفعل الموضوع اكتر

[mahmoudysf]

نيجي بقه لتاني واحد يا اخوانا وهو برده مكانيكي

الاسم محمد هاشم

بيكون موجود جنب ابو الحسن في الدقي

اتعاملت معاه مرتين
مميزاته

عنده ثقة زيادة في نفسه وده يدي انطباع انه متعجرف وده طبعا عيب خطير جدا خصوصا انه يعاملك اكنه معاه دكتوراه وفي الاخر يدوبك يفك الخط

الامانة مش جربته اصلا لكن الاستاذ محمد ممدوح بيقول عليه انه لاغبار عليه في موضوع الامانه ده

بالنسبة للمصنعية حراق جدا وده نتيجة طبيعية اللي فاكر انه الوحيد اللي رضع من امه طبيعي وده تعبيره هو مش تعبيري انا


التقييم النهائي من وجهة نظري 5 من 10 ولو اتصلح يبقي كويس

وطبعا محمد عبده برقبته

مستني ردودكم وتعليقات اساتذتنا وياريت تنفعل الموضوع اكتر

اول ما جبنا العربية سالت عن ميكانيكي لغاية ما روحت لمحمد هاشم
المهم شاف العربية وطلب شوية حاجات زى سيور وبوجيهات وكدة ودى كانت حاجات بسيطة صيانة عادية
المهم دخلنا على العفشة حكيتلها على اللي بيحص فى العفشة طلب منى شوية حاجات وجبتها وركب
طلعت اجرب النتيجة زي ماهي بعد ما كلفنى حوالي 500 جنية ملهمش لازمة وطبعا جاب اخرة خدنى لعفشجى جمبة وسابنى معاه ومشى المهم العفشجى دة طلع جرب معايا وقولتلة عملنا اية فى العفشة بس للامانة طلع استاذ وقالي عرفت سبب المشكلة رجعنا الورشة وقال لصبى فك كاوتشة الميزان ورحت جبتها ب8 جبية وركب والنتيجة ممتازة طب عايز كام 30 جنية ودة حقة طبعا ما انا لسة جايلله من عند مياكنيكى مكلفنى 500 جنية ملهمش لازمة ومعرفش اية سبب المشكلة
الملاحظات على محمد هاشم
1- مغرور شوية ومش ثقة بالنفس
2- يعتبر شاطر فى الميكانيكا رغم انو بيطلب تغيير على طول ما بيصلحش
3- من ناحية العفشة عادى مش متميز لانه كان شكله وحش لما خدنى لعفشجى بعد ما كلفنى على الفاضى
4- المصنعية غالية بدون سبب

[mmahermf]

ميكانيكي اسمه سيد ثالث يمين بعد كوبري مسطرد شغال في التوكيل الصبح وهو بعد 6 بيكون في الورشة والشارع اسمه شارع الكاوتش على ناصيته محل عصير اسمه عباد الرحمن.

الراجل ده عاملته مرة أول ما جبت العربية وميزته انه شغال بنفسه والميزة دي ادت لعيب انك ممكن تمشي من عنده الساعة 1 أو 2 صباحا عادي جدا

شغله زي الفل وطبعا فاهم ومصنعيته زي محمد عبده ان لم يكن أقل شوية.

ميزة مهمة انه مش بتاع "ارمي وغير" على الفاضي والمليان ولما يقول نغير تحس انه بقولها وهو زعلان.

[abouzaid555]

انا بصراحة باتعامل مع مركز خدمة الزرانى فى اسكندرية فى سيدى بشر شارع جمال عبد الناصر و مرتاح معاهم نفسيا بالنسبة للمصنعية تقريبا حنينة بس فعلا لو لقى حاجة بايظة بيقوللك غير على طول لانه عنده محل قطع غيار اصلى و لكن لو حس ان العربية مفيهاش حاجة او الموضوع بسيط و غير مؤثر ما بيفتحش فى اى شغل و خلاص و ما بياخدش حتى ثمن الكشف

[nemnem]

انا بصراحة باتعامل مع مركز خدمة الزرانى فى اسكندرية فى سيدى بشر شارع جمال عبد الناصر و مرتاح معاهم نفسيا بالنسبة للمصنعية تقريبا حنينة بس فعلا لو لقى حاجة بايظة بيقوللك غير على طول لانه عنده محل قطع غيار اصلى و لكن لو حس ان العربية مفيهاش حاجة او الموضوع بسيط و غير مؤثر ما بيفتحش فى اى شغل و خلاص و ما بياخدش حتى ثمن الكشف

لو ممكن حضرتك تقولى هو مكانه فين بالضبط

[abzoabzo]

والله يا جماعة انا بتعامل مع محمد هاشم لقربه من البيت

واتعاملت مع محمد عبده
2 ممتازين بس انا حاسس ان محمد عبده اسعاره 5 نجوم وده نتيجة للمكان و للضرائب والعمالة