الحادثة و أكصدام اللانوس

[Hossam_Hassan]

امبارح بالليل راجع البيت من صلاح سالم و قبل مطلع أكتوبر كان فيه حادثة و العربيات بتهدى، قبل الزحمة ب 300 متر كنت ماشى حوالى 60 و ابتديت اهدى و اديت فلاشر و كل حاجة تمام و فجأة لقيت اللى رزع فيه من الخلف، البنت لولو اتسرعت و هى و مامتها خبطوا فى الكرسى اللى جنبى - كانوا قاعدين ورا - و قعدت أهديهم و اطمنت عليه و نزلت و أنا متوقع الاقى الشنطة مبهدلة، اللى دخل فيه عربية أوبل فيكترا و الراجل كان زوق و قعد يغلط نفسه و قال انه اتلخبط و داس بنزين بدل فرامل، المهم نيجى للخساير، الأوبل كبوته اتعوج و فوانيسه اتدشدشت، اللانوس أكصدامها اتجرح فى مكانين حوالى 5 سم كل خربوش و بس، و الله العظيم أنا مش مصدق لغاية دلوقت ان الخبطة دى ما تعملش غير كده لدرجة انى اخدت اجازة النهاردة علشان اروح ارفعها و اخلى العفشجى يبص عليها بس الحمد و الشكر لله و بجد أنا احترامى للعربية دى زاد قوى.

[memo_hefnawy]

قدر الله و ما شاء فعل

فداك يا حسام و فدا الأسرة أى حاجة و الحمد لله إنها بسيطة و إن شاء الله تتطمن على الشاسية و الشنطة و كله يكون بخير

[Karim_Monir]

الحمد لله والف سلامه على لولو
اهم حاجة تفك الاكصدام تشوف الرزعة وصلت لفين تحته
فكرة وتركيبة ما بياخدش 10 دقايق بس تبقي متطمن

[AlmAhAtmA]

الحمد لله رب العالمين
قدر الله و ما شاء فعل
المهم ان المدام و البنوته بالف خير
و يا ريت تكشف علي العربيه و نشوفك بيها في الاسكندريه

[MMamdouh]

الف سلامة عليك و على العائلة... قدر و لطف

MMamdouh

[tarekkasaby]

الف الف سلامة و انشاء الله خير
على فكرة انا بردة من سنتين كدة دخلت ب 128 فى لانوس كانت واقفة فى الاتوستراد عند مدخل شارع النصر و الباشا كان بيغير الكاوتش و مش مشغل نور خالص ولا حتى انتظار و انا كنت ماشى 110 و بصراحة الخبطة كانت جامدة جدا و ال128 بتاعتى اتبهدلت من قدام و توقعت انى حلاقى شنطة اللانوس ضاعت الغريب ان ربنا سلم و اللانوس ماكانش فيها حاجة خالص غير خدش بسيط زى ما سيادتك ذكرت .

[MMamdouh]

!GOD BLESS DAEWOO

MMamdouh

[Hossam_Hassan]

رحت كشفت على العربية، الحمد لله مفيش حاجة غير الخدوش و الشنطة فتحت حاجة لاتذكر من اليمين و الميكانيكى ظبطها فى دقيقتين و أنا متشكر جدا على مشاعر الأخوة الجميلة دى.

[hazem_khidr]

الف حمد الله علي سلامتك و سلامه اسرتك يا حسام.
و الحمد لله انها جات علي قد كده

[bassam nagy]

الف حمد اللة على سلامتك وعلى العائلة

[Abonora]

الف سلامة عليك يا حسام والف مليون سلامة علي الامورة ليليا الحمد لله انك كنت مقعدهم ورا بس مهم سمكرى شاطر يبصلك علي العربية عشان انا خبطت في شاهين قبل كده من ورا ( اللي قدامة فرمل فجئة فهو وقف ) فانا لبست فيه من ورا نزلت لقيت شبورة وعفرة واشلاء فوانيس متكسرة علي الارض بصيت عندي مفيش حاجة وعنده الاكصدام اتفك والفانوس الخلفي الشمال اتكسر بقيت مش مصدق وطبعا مشيت الراجل لانة كان غلط اللي قدامة وانا معنديش مشاكل اصلا بس تاني يوم بصيت كويس في النور لاقيت الصدر اتكبس لجوة ومتظبطش الا بزرجينة

[اسلام المصرى]

قدر الله و ما شاء فعل يا أستاذ حسام الحمد لله أنها جت على كده و حمد الله على سلامتك و سلامة أسرتك.

[tmz9111]

الف سلامة عليك و على العائلة

[belal rashed]

ألف حمد لله على سلامتك والمدام والأموره ليليا يا حسام باشا .
والله انت شجعتنى ده أنا بعد ما بيعت ال128 كنت محتار أجيب إيه :?
دلوقتى ممكن أجيب لانوس بعد ما اثبتت إنها أصيله كده. :D

[sokasoon]

• الف سلامة عليك يا استاذ حسام انت والاولاد والمدام
  
  على فكرة انا عربية باردو نص نقل كانت سريعة جدااا
  
  دخلت فيا من ورا الاكصدام ما اتحركش من مكانو ولا اى حاجة
  
  غير انو اتطبق تطبيقة صغيرة والفانوس اتكسر منه جزء انا ماتوقعتش
  
  ان الخساير تكون بسيطة كده نظرااا لشدة الخبطة والنص نقل فوانيس
  
  الشبورة عندو اتكسروو + تفعيص الرفرف الامامى الاكصدامات فبر بس ناشفة