حنقة في اللانوس لم اجد لها حل

[darch]

السلام عليكم ارجوا الافادة للأهمية انا معايا عربية لانوس موديل 99 بحالة جيدة عدادها 195الف كيلو العربية فيها عيب رهيب رحت لناس كتير قوي ما فيش حل انا عاوز الاستاذ محمد ممدوح رجاءاً يرد عليا في الموضوع ده الاعراض
العربية مخنوقة في الطلعة بتاعة الاول وفي الثاني في السرعات البطيئة لما اضغط بنزين في المفاجي مش بتجمع غير بعد فترة على ما احس انها ابتدت تاخد سرعة وصوت الموتور يعلي قوي رحت كشفت ع الاسكانر في التوكيل قالولي الرشاشات مسيلة فأشتريتها من بره جديدة بتاعة هيونداي وركبتها واشتغلت معايا كل اللي عملته من فرق بس انها بقت تدور بسرعة لان العربية كانت بتغيب في الدوار لكن الخحنقة لسه موجودة لغاية الان في الاول تخنق قوي اول ما اضغط بنزين وبعدين تبدأ تجمع بعد شويه بحس ان العربية ما فيهاش عزم خالص مع العلم ان في السرعات العالية العربية كويسه ومش بتخنق
تم تغيير فلتر الهواء والبنزين وكمان سلوك البوجيهات وركبت بوجيههات جديدة وبرده العيب لسه موجود مع العلم اني مقتنع بالعربية الا ان العيب ده خانقني جدا
ارجوكم افيدوني

[samirayad]

وبعدين تبدأ تجمع بعد شويه بحس ان العربية ما فيهاش عزم خالص مع العلم ان في السرعات العالية العربية كويسه ومش بتخنق

أنصحك بحاجتين ( عمل أسكانر لتحديد وضع عملية التحكم والأطمئنان على آداء الحساسات ) .......وكمان تعمل أختبار كبس للأطمئنان على حبك غرف الحريق.................وياريت برضه لو تدينا بيانات كامله عن العربيه ( من 1 الى 13 ) فى الموضوع المثبت بتاع الأسلوب الأمثل لتشخيص الأعطال (الموضوع مثبت بأعلى القسم فوق ...........يمكن نلاقى ثغره تانيه ندخل منها لسبب الخنقه دى

[تامر.محمد]

متابع لأن انا كمان العربية عندي شبه كده
بس الميكانيكية بيقولوا ما فيهاش حاجة !!

[kemoelord]

انا ساعات بحس بكده بس انا عندي للاسف الرشاشات محتاجه تتغير هي والبوجيهات ده غير ان جو الصيف والحر الشديد بياثر على اداء السيارة

[darch]

تنصحني اعمل اختبار كبس فين وممكن يكون ايه في غرف الحريق يعمل الخنقة دي

[samirayad]

تكلفة قياس كبس الموتور 50 جنيه ولو هتكشف على العربية كلها 100 جنيه - ده في بنزينات شل
لو طلع العيب عندك من الصبابات يبقى هتغير كاوتش صبابات وتعمل روديه بالمرة وده تكلفته ماتعديش 50 جنيه من غير المصنعية
لكن لو طلع التفويت من الشنابر الموضوع هيخش في 700 جنيه من غير المصنعية

ده مكان .....أخونا : nasaro عمل فيه الأختبارده قبل كده

وممكن يكون ايه في غرف الحريق يعمل الخنقة دي

ممكن تكون الشنابر خفت .....والعربيه مابتجمعش الا أما تسخن كويس .....والشنابر تتمدد وتحكم الغرف شويه ...........وده حيبان مع أختبار الكبس

[abzoabzo]

المشكلة ده اتحلت عندى بعد مغيرت الشكمان
والار بى ام بقى يوصل 3 و 4 بسرعة قوى
والبنزين اتظبط معايا عن الاول

[nasroo]

ممكن تكون الشنابر خفت .....والعربيه مابتجمعش الا أما تسخن كويس .....والشنابر تتمدد وتحكم الغرف شويه ...........وده حيبان مع أختبار الكبس

طب لو لسا مغير طقم الشنبر ممكن يكون ده سبب برضه في الحالة دي على الرغم من ان الشنابر جديدة؟

[samirayad]

طب لو لسا مغير طقم الشنبر ممكن يكون ده سبب برضه في الحالة دي على الرغم من ان الشنابر جديدة؟

أنت عملت حاجه ولا أيه من ورانا......متهيألى ملحقتش تغير شنبر .........ههههههههههههههههههه

_ عموما ممكن تحصل المشكله دى برضه بعد تغيير الشنبر .....لو الشمايز كانت متاكله ....ومتعملش حسابها بالخراطه وتغيير البساتم لمقاس أكبر .....بنسميه مقاس أعلى للبستم وليه شنبره الخاص بيه ....علشان يتناسب مع الشميز بعد التعديل ......أسمه over size piston kit

يعنى طقم بستم بالشنبر بمقاس أكبر ................يعنى ممكن البيه الميكانيكى يغير الشنبر كده وخلاص بدون مايكشف على حالة الشمايز............( على فكره الكلام ده من العمرات اللى بأعملها عندى فى الشغل ) وحتلاقيه هوهو نفس الكلام عندنا الى حد ما

[nasroo]

أنت عملت حاجه ولا أيه من ورانا......متهيألى ملحقتش تغير شنبر .........ههههههههههههههههههه

لا لسا بس انا قلقان اوي خصوصاً ان العربية حلوة وماقصرتش معايا في حاجة الا نقص الزيت بس لكن في الجري والسحب قردة

عموما ممكن تحصل المشكله دى برضه بعد تغيير الشنبر .....لو الشمايز كانت متاكله ....ومتعملش حسابها بالخراطه وتغيير البساتم لمقاس أكبر .....بنسميه مقاس أعلى للبستم وليه شنبره الخاص بيه ....علشان يتناسب مع الشميز بعد التعديل ......أسمه over size piston kit يعنى طقم بستم بالشنبر بمقاس أكبر ................يعنى ممكن البيه الميكانيكى يغير الشنبر كده وخلاص بدون مايكشف على حالة الشمايز

يعني لو ماكنتش بتعمل كده قبل تغيير الشنبر وبعد الشنبر بقت بتعمل الحركة دي يبقى ده شميز
طب ولو شميز ايه اللي كان يخليها ماتعملش كده قبل الشنبر الجديد؟

[samirayad]

المقصود طبعا بتاعى واضح من البوست اللى قبل كده ......وهو أن لو الميكانيكى مش شاطر وأكتشف أن الشميز عاوز شغل ....ونسى وركب شنبر كده وخلاص ....فممكن ده يعمل نفس المشكله على مايحصل تجميع للكبس شويه مع تمدد الشنابر .......وردأ لسؤالك .........

طب ولو شميز ايه اللي كان يخليها ماتعملش كده قبل الشنبر الجديد؟

طيب هو كان بيفك ويعمر ليه أساسا......الا بسبب مشكله معينه .....وياريت تبين قصدك بحاله حصلت قدامك بنفس المضمون اللى بتتكلم فيه

[nasroo]

وياريت تبين قصدك بحاله حصلت قدامك بنفس المضمون اللى بتتكلم فيه

هقول لحضرتك على الحالة اللي مخلياني قلقان من الشنبر
كانت عربية واحد صاحبي والعربية كانت 10/10 بس كانت بتدخن دخنة خفيفة لما قاس كبسها لاقاه75% بس عاوز يمنع الدخنة راح عمل طقم شنبر وبعد الطقم ما اتعمل العربية بقت زي ماهو مكتوب كده بالظبط تيجي في الاول والتاني تحس ان العربية مابتمشيش الا بعد شوية بس على السرعات العالية تمام قولتله يمكن الميكانيكي ده نقاش مش ميكانيكي روحنا قيسنا كبس الموتور لاقيناه 80%
يبقى ايه السبب؟؟؟؟

[samirayad]

أحتمال الميكانيكى معملش روديه مثلا .......وممكن برضه زى ماقولنا قبل كده .....تكون الشنابر الجديده حسنت الأداء 5% بس على أساس أن الشمايز كانت تعبانه برضه .......وبكده يبقى نقاش فعلا...........لأن هما دول المكانين اللى يخلوا الكبس يضعف ( بين الشنبر والشميز أو الصبابات )

[samirayad]

الحاجه الغريبه بقه ......ومكنتش متوقعها فعلا أنى لقيت المكنه ال1500 أم كامتين .......مفيش فيها شمايز .....زى ماهو باين على الرسم الهندسى ......وكده واضح أنه بيتم أرسال البلوك كله للمخرطه لتوسيع ونظافه مكان تركيب البساتم (لو كنا حنغير البساتم بالشنابر للمقاس الأكبر )....وأكيد المكنه أم كامه واحده نفس الوضع بتاعة الانوس المصرى...........وبكده يبقى البلوك عند صاحبك مش مظبوط فعلا ......والنقاش ركب الشنبر ودمتم..........